Home / Node / Um Sjóminjasafnið

Um Sjóminjasafnið

Sjóminjasafnið í Reykjavík var formlega stofnað árið 2004 og opnaði sína fyrstu sýningu í júní 2006. Hlutverk þess er að safna og miðla sögu og minjum tengdum sjó og sjómennsku, einkum þeim sem gildi hafa fyrir sögu Reykjavíkur.

Sjóminjasafnið í Reykjavík
Sjóminjasafnið í Reykjavík

Saga safnsins

Sjóminjasafnið í Reykjavík var formlega stofnað árið 2004 og opnaði sína fyrstu sýningu í júní 2006. Safnið er staðsett við Grandagarð, í því húnæði sem áður hýsti Bæjarútgerð Reykjavíkur (BÚR). Árið 2008 bættist Varðskipið Óðinn við í safnkostinn og liggur það nú við bryggju safnsins. Árið 2014 var Sjóminjasafnið sameinað öðrum borgarsöfnum undir nafninu Borgarsögusafn Reykjavíkur. 

Nú standa yfir miklar framkvæmdir í Sjóminjasafninu í Reykjavík en búið er að taka niður fastasýningu safnsins til margra ára til að rýma fyrir nýrri. Af þeim sökum verður safnið lokað frá 24. desember 2017- febrúar 2018. Nýi veitingastaður safnsins Messinn verður þó opinn allan tímann.
Safnið opnar á ný 17. febrúar með neðansjávarfornleifasýningu á neðri hæðinni. Þann 9. júní 2018 verður svo opnuð ný og glæsileg fastasýning á efri hæðinni.

Við biðjumst velvirðingar á óþægindunum sem þetta kann að valda.

Þarfnast síðan lagfæringar?

Látið okkur vinsamlegast vita