back

Vetrarfrísdagskrá Borgarsögusafns 2018

14.02.2018 X

Fjölbreytt dagskrá dagana 15.-18. febrúar í Árbæjarsafni, Landnámssýningunni og Ljósmyndasafninu. Ókeypis aðgangur fyrir börn og fullorðna í þeirra fylgd.

ÁRBÆJARSAFN

HVAÐ? Teiknismiðja og ljósmyndahorn
HVAR? Líkn – sem er grátt tvílyft hús með svörtu þaki
HVENÆR? 15.-18. febrúar 13:00-17:00

Í tilefni af 100 ára fullveldisafmælis Íslands ímyndum við okkur hvernig krakkar litu út fyrir hundrað árum og hvernig þau munu líta út eftir hundrað ár  og teiknum hugmyndir okkar á blöð og hengjum upp á vegg! 

Þá verður í sama húsi hægt að klæðast búningum og taka mynd við flottan bakgrunn í ljósmyndahorninu.

HVAÐ? Prjónarnir hennar Pálínu
HVAR? Á öllu safnsvæði Árbæjarsafns
HVENÆR? 15.-18. febrúar 13:00-17:00

Prjónarnir hennar Pálínu, er skemmtileg fjölskylduþraut um safnsvæði Árbæjarsafns en Pálína var prjónakona í Reykjavík í gamla daga. Hún var síprjónandi, sokka, vettlinga, húfur, peysur og margt fleira og það sem hún prjónaði seldi hún íbúum þorpsins. Í þessum leik verður farið inn í húsin og leitað að prjónunum hennar Pálínu.

HVAÐ? Komdu að leika! og myndaþraut í Koffortinu
HVAR? Landakoti – sem er stórt hvítt hús með útileiksvæði
HVENÆR? 15.-18. febrúar 13:00-17:00

Komdu að leika! er nafn á leikfangasýningu í Landakoti þar sem börn mega leika sér. Þessi sýning er vinsælasta sýning Árbæjarsafns frá upphafi.

Í  Koffortinu, opinni geymslu í kjallara Landakots, verður boðið upp á skemmtilega myndaþraut. Koffortið er opin munageymsla safnsins og þar leynast margir forvitnilegir safngripir og mörgum krökkum finnst gaman að skoða og spjalla um það sem foreldrar, afar og ömmur þekkja frá því í „gamla daga.“

HVAÐ? Furðuverusmiðja
HVAR? Lækjargata – stórt drapplitað hús við torgið þar sem á stendur Neyzlan
HVENÆR? Sunnudag 18. feb 13:00-16:00

Þátttakendur fá tækifæri til að skapa sína eigin furðuveru sem er gerð úr endurunnum textílefnum. Allir eru hvattir til að segja söguna af furðuverunni og leyfa öðrum að kynnast henni betur. 

Leiðbeinendur í smiðjunni eru þær Andrea Fanney Jónsdóttir textílhönnuður og klæðskerameistari, Erla Dís Arnardóttir textílhönnuður og kennari og Guðný Katrín Einarsdóttir textílhönnuður og iðjuþjálfi. Leiðbeinendurnir standa fyrir verkefninu Handaband en markmið þess er að bjóða upp á skapandi vinnustofur fyrir fjölbreytta hópa.  

Í tilefni af 100 ára fullveldisafmæli Íslands verða gamlar ljósmyndir af fólki fyrir hundrað árum hafðar sem fyrirmyndir og innblástur í smiðjunni.

Ókeypis aðgangur fyrir börn og fullorðna í þeirra fylgd.

LANDNÁMSSÝNINGIN

HVAÐ? Forngripaleit, ljósmyndahorn og sýningin Dýrin – leyndardómur landnámsins
HVAR? Landnámssýningin, Aðalstræti 16
HVENÆR? 15.-18. febrúar 09:00-18:00

Finndu forngripinn! - er nafn á skemmtilegum leiðangri um Landnámssýninguna þar sem markmiðið er að finna rétta gripinn. Í fræðslurými sýningarinnar er ljósmyndahorn en þar verður hægt að klæðast skikkjum, bera vopn og smella af mynd við flottan bakgrunn. Dýrin – leyndardómur landnámsins er nafn fjölskylduvænnar sýningar um mikilvægi húsdýra á landnámsöld en þar er meðal annars hægt að grafa eftir dýrabeinum. Í fjölskylduhorninu verður svo hægt að leysa rúnapúsl og spila ýmiskonar leiki.

Ókeypis aðgangur fyrir börn og fullorðna í þeirra fylgd.

LJÓSMYNDASAFN REYKJAVÍKUR

HVAÐ? Myndþrautin Þessi eyja jörðin
HVAR? Ljósmyndasafn Reykjavíkur, Tryggvagötu 15
HVENÆR? 15.-16. feb 11:00-18:00 og 17.-18. feb 13:00-17:00

Ljósmyndasafn Reykjavíkur verður með fjölskylduvæna dagskrá í vetrarfríinu 15.-18. febrúar en þar verður boðið upp á skemmtilega myndaþraut um sýninguna Þessi eyja jörðin sem fjallar um íslenskt landslag. Þrautin gengur út á samveru og samvinnu fjölskyldunnar sem þurfa að hjálpast að við að leysa það sem fyrir þau er lagt.

Ókeypis aðgangur fyrir börn og fullorðna í þeirra fylgd.

Upplýsingar

Upplýsingar

Borgarsögusafn

Grandagarði 8

101 Reykjavík

Sími: (+354) 411 6300

Hafðu samband

Skrifstofan er opin:

Opnunartímar

Skrifstofa Borgarsögusafnsins er opin 09:00 - 16:00

Aðgangseyrir

Aðgangseyrir

1.000 -1.650 kr. sjá nánar á síðu hvers sýningarstaðar fyrir sig.

Börn 17 ára og yngri

Ókeypis aðgangur

Eldri borgarar 67+

Ókeypis

Öryrkjar

Ókeypis

Þarfnast síðan lagfæringar?

Látið okkur vinsamlegast vita

Skráðu þig á póstlista borgarsögusafns

Við sendum þér upplýsingar um viðburði, tilboð og fleira.