Forsíða / Ljósmyndasafn Reykjavíkur / Ljósmyndasafnið - Sýningar

Sýningar

Yfirstandandi (2)
Jack Latham - Mál 2014
Grófarsalur í Ljósmyndasafni Reykjavíkur
16.09.2017 - 15:00 til 14.01.2018 - 17:00

Jack Latham – Mál 214

Sýning um Guðmundar- og Geirfinnsmálið, eitt stærsta og umdeildasta sakamál Íslandssögunnar.

Nánar
Ljósmyndasafn- Yogan Muller Hraun
Skotið í Ljósmyndasafni Reykjavíkur
12.10.2017 - 17:00 til 05.12.2017 - 19:00

HRAUN: Yogan Muller

Sýning Yogans Muller "Hraun", sem nú er sett upp í Skoti Ljósmyndasafns Reykjavíkur, byggir á samnefndri ljósmyndaseríu sem er könnun á svæðum í jaðri stór-Reykjavíkursvæðisins og á Reykjanesi.

Nánar
Liðnar (78)
Ljomyndasafn_Laufey_Eliasdottir.jpg
Skotið
19.08.2017 - 16:00 til 10.10.2017 - 18:00

MELANKÓLÍA: Laufey Elíasdóttir

Melankólía er yfirskrift sýningar í Skoti Ljósmyndasafns Reykjavíkur með verkum Laufeyjar Elíasdóttur.

Nánar
Metamorphosis/Umbreyting
Grófarsalur í Ljósmyndasafni Reykjavíkur
20.05.2017 - 00:00 til 10.09.2017 - 00:00

Sigurgeir Sigurjónsson Metamorphosis/Umbreyting

Á sýningunni gefur að líta ljósmyndir eftir Sigurgeir Sigurjónsson ljósmyndara sem hann hefur tekið á undanförnum árum. Sigurgeir fæddist í Reykjavík 1948. Hann lærði ljósmyndun á Íslandi á árunum 1965-1969 og var síðan við framhaldsnám í ljósmyndaskóla Christer Strömholm í Stokkhólmi 1970-1971 og í San Diego, Kaliforníu, árin 1980-1981.

Nánar
Marianne Bjørnmyr  Skuggar/Bergmál Shadows/Echoes
Skotið í Ljósmyndasafni Reykjavíkur
01.06.2017 - 12:00 til 15.08.2017 - 16:00

Marianne Bjørnmyr Skuggar/Bergmál

Serían Skuggar/Bergmál varð til á tveggja ára tímabili þegar ljósmyndarinn Marianne Bjørnmyr ferðaðist um Ísland til að rannsaka, ljósmynda og safna heimildum um trú landsmanna á álfa og huldufólk. Trú á þessa vætti er að hennar mati ennþá ljóslifandi í huga Íslendinga, jafnvel nokkuð almenn.

Nánar
Ljosmyndasafn_Audur_Omarsdottir.jpg
SKOTIÐ
23.03.2017 - 15:00 til 30.05.2017 - 18:00

Aðstæður

Auður Ómarsdóttir tekur ljósmyndir sínar af eðlislægum áhuga á mannlegu atferli. Hún lýsir eigin verkum sem persónulegum en einnig hlutlægum athugunum á aðstæðum. Í stöðugri skimun sér hún heiminn fyrir sér sem uppfullan af vísbendingum um uppákomur sem þegar hafa átt sér stað eða eiga eftir að gerast.

Nánar
Ljosmyndasafn_Johanna_Olafsdottir.jpg
Grófarsalur
28.01.2017 - 15:00 til 14.05.2017 - 18:00

Jóhanna Ólafsdóttir - Ljósmyndir

Nánar
Heimasætan / Sveitapiltsins draumur
Skotið í Ljósmyndasafni Reykjavíkur
28.01.2017 - 00:00 til 21.03.2017 - 00:00

Heimasætan/Sveitapiltsins draumur

Vigdís Heiðrún Viggósdóttir

Nánar
©Christer Strömholm Estate, Jacky&Adèle Chanel gína, 1960
Grófarsalur
24.09.2016 - 15:00 til 15.01.2017 - 17:00

PORTRETT Handhafar Hasselblad-verðlaunanna

Á sýningunni gefur að líta úrval verka eftir handhafa Hasselblad-verðlaunanna með sérstakri áherslu á portrett. Alls sjö ljósmyndarar eiga verk á sýningunni og spanna þau tímabilið 1940 til 2014.

Nánar
Ljósmynd/Photo: Simone Darcy
Skotið
01.12.2016 - 12:00 til 15.01.2017 - 17:00

Norður: Simone Darcy

Sýningin Norður fjallar um móðurhlutverkið og löngun til að upplifa eitthvað sem ekki getur orðið að veruleika. Myndmálið tvinnar saman fegurð og sorg, þetta er saga kvenna þar sem sameiginleg reynsla kemur fyrir.

Nánar
Photo by Johanna Maria-Fritz
SKOTIÐ
06.10.2016 - 12:00 til 29.11.2016 - 19:00

Sirkus Íslands: Johanna-Maria Fritz

„Áhugi minn á viðfangsefninu kviknaði út frá hugsun um hversu óljóst og hverfult samband mannsins við raunveruleikann er. Ég vildi fanga augnablik sem eiga sér stað utan sviðs og sýna spennuna, léttinn og eftirvæntinguna sem sirkuslistamennirnir upplifa en áhorfendur fá aldrei að sjá. Hvað gerist þegar tjaldið fellur?“

Nánar
Ljósmyndasafn_Reykjavíkur_Katarina Skjonsberg_I.jpg
Bókastofan
20.10.2016 - 10:00 til 28.10.2016 - 16:00

Be Good To Yourself eftir Katarina Skjønsberg

Ljósmyndabókin: Be Good to Yourself eftir Katarinu Skjønsberg handhafa Nordic Dummy Award 2016 Opin mánud. - föstud. kl. 10 - 16 frá 20.-28. október 2016

Nánar
Ljósmyndasafn_Reykjavíkur_photo_beate_korner.jpg
SKOTIÐ
18.08.2016 - 12:00 til 04.10.2016 - 19:00

FYRRA SJÁLFIÐ: Beate Körner

Í myndaröðinni Fyrra sjálfið skoðar listamaðurinn Beate Körner þær huglægu aðferðir sem við notum til að skilja á milli þeirrar manneskju sem við vorum í fortíð og þeirrar sem við erum í nútíð. Togstreita á milli fortíðar og nútíðar verður stundum til þess að við útrýmum eða reynum að grafa okkar fyrri sjálf í undirmeðvitundina. Í listsköpun sinni leitast Beate við að tjá viðbrögð við kvíða og óánægju yfir hinu fyrra sjálfi.

Nánar
Eyja í Ölfusi
Kubburinn
21.05.2016 - 16:00 til 11.09.2016 - 18:00

EYJA Í ÖLFUSI: Valdimar Thorlacius

Eyja í Ölfusi nefnist sýning ljósmyndarans Valdimars Thorlacius. Titillinn vísar til bæjar á Suðurlandi sem er á virku hverasvæði og við þekkjum undir nafninu Hveragerði. Bærinn er einnig heimabær ljósmyndarans og hefur því sérstaka þýðingu fyrir hann sem viðfangsefni.

Nánar
Ljósmynd eftir Þorvald Örn Kristmundsson
Grófarsalur
21.05.2016 - 13:00 til 11.09.2016 - 17:00

Hverfandi menning – Djúpið

Myndir eftir Þorvald Örn Kristmundsson. Sýningin „Hverfandi menning – Djúpið “ fjallar um menningu og samfélag bænda í Ísafjarðardjúpi og gefur innsýn inn í hina forna bændamenningu sem þar ríkir og er hverfandi og breytingar á samfélaginu þar.

Nánar
26. október - Charlotta María Hauksdóttir
SKOTIÐ
02.06.2016 - 12:00 til 09.08.2016 - 19:00

Horfur

Charlotta María Hauksdóttir

Nánar
Á mótum tveggja tíma. Ljósmynd Díana Júlíusdóttir.
SKOTIÐ
31.03.2016 - 12:00 til 31.05.2016 - 18:00

Á mótum tveggja tíma

Díana Júlíusdóttir

Nánar
STEMNING - Friðgeir Helgason
Grófarsalur
16.01.2016 - 00:00 til 15.05.2016 - 00:00

STEMNING

Ljósmyndasýning Friðgeirs Helgasonar

Nánar
Ljósmynd af Þorgeiri Guðmundssyni tekin af Friðgeiri Helgasyni
Kubburinn
16.01.2016 - 00:00 til 15.05.2016 - 00:00

FRIÐGEIR

Brot úr heimildamynd um Friðgeir eftir Þorgeir Guðmundsson

Nánar
Ljósmynd eftir Arnór Kára
SKOTIÐ
28.01.2016 - 00:00 til 29.03.2016 - 00:00

AUGANS TÍMALEYSI

Ljósmyndasýning Arnórs Kára

Nánar
Ljósmynd eftir Peter Holliday
SKOTIÐ
03.12.2015 - 00:00 til 26.01.2016 - 00:00

ÞAR SEM LANDIÐ RÍS

Ljósmyndasýning Peters Holliday

Nánar
Ljósmyndasafn - Sýningar - Gunnar Rúnar
Salur
26.09.2015 - 00:00 til 10.01.2016 - 00:00

Gunnar Rúnar Ólafsson – Yfirlitssýning

Á sýningunni, Gunnar Rúnar Ólafsson – Yfirlitssýning, má sjá nýjar handstækkaðar ljósmyndir gerðar eftir filmum Gunnars, teknar á árabilinu 1947-1964. Auk þess verða sýnd valin myndbrot úr kvikmyndum Gunnars frá Kvikmyndasafni Íslands.

Nánar
Ljósmyndasafn - Sýningar - Höfnin
Skotið
08.10.2015 - 00:00 til 01.12.2015 - 00:00

Julie Fuster - Höfnin

Sýningin Höfnin, samanstendur af 5 ljóðum, 5 ljósmyndum og 5 smásögum. Hvert þema táknar eina árstíð, frá vetri til vetrar. Þau gefa innsýn í óreiðukennt minni höfundar yfir eins árs tímabil sem flakkar um íslenskt landslag og reynir að komast inn í fortíðina.

Nánar
Ljósmyndasafn - Sýningar - Hið Ósagða
Skotið
13.08.2015 - 14:45 til 06.10.2015 - 14:45

Óskar Kristinn Vignisson - Hið ósagða

Ljósmyndin er miðill sem gerir listamönnum kleift að nálgast og rannsaka viðfangsefni sín á náinn hátt og þannig vinnur Óskar Kristinn með hana. Fyrir honum er ljósmyndin tímabundin rannsókn á viðfangsefni sem tekur svo enda og eftir stendur hún sem niðurstaðan.

Nánar
Á FÖRNUM VEGI
Kubburinn
26.06.2015 - 00:00 til 13.09.2015 - 00:00

Dagur Gunnarsson - Á förnum vegi

Góðar andlitsmyndir hreyfa við okkar innsta kjarna því þær vekja forvitni og viðbrögð sem spanna allan tilfinningaskalann. Við skönnum stöðugt þau andlit sem verða á vegi okkar, það er hluti af viðvörunarkerfi undirmeðvitundarinnar. Er viðkomandi vinveittur eða fjandsamlegur? Skyldur okkur eða framandi? Glaður eða reiður?

Nánar
Verksummerki
Salur
16.05.2015 - 00:00 til 13.09.2015 - 00:00

Verksummerki - Huglæg og persónuleg samtímaljósmyndun

Verksummerki fjallar um það huglæga, persónulega og nærgöngula í ljósmyndun okkar daga. Á sýningunni eru tvinnuð saman verk sex ljósmyndara sem gera hversdaginn og eigið líf að meginviðfangsefni sínu. Ljósmyndirnar á sýningunni eru eftir Agnieszku Sosnowska, Báru Kristinsdóttur, Daniel Reuter, Hallgerði Hallgrímsdóttur, Kristinu Petrošiutė og Skútu.

Nánar
Brotlending
Skotið
04.06.2015 - 00:00 til 11.08.2015 - 00:00

Dominik Smialowski – Brotlending

Sýningin Brotlending eftir ljósmyndarann Dominik Smialowski byggir á vísindaskáldsögulegum söguþræði. Um er að ræða sviðsettar senur með flugmanni í aðalhlutverki, týndum og örvingluðum eftir að hafa brotlent á ókunnum slóðum. Þó hann viti að staða hans sé vonlaus leitar hann leiða til að komast aftur til baka.

Nánar
Ljósmyndasafn - Verkstæðið
29.07.2015 - 17:19

Bára Kristinsdóttir - Verkstæðið

Í Kubbnum sýnir Bára Kristinsdóttir ljósmynda- og vídeóverk sitt Verkstæðið. Verkið gefur innsýn í líf tveggja eldri manna á nælonhúðunar verkstæði í útjaðri Reykjavíkur á síðustu tveimur árum. Áður voru á vinnustaðnum blómleg viðskipti þar sem unnið var handvirkt upp á gamla mátann. Nútímatækni hóf hins vegar aldrei innreið sína í fyrirtækið og sá tími er kominn að handbragð þeirra er ekki lengur eftirsótt. Einungis eigandinn og einn starfsmaður eru eftir. Fyrirtækið þarf því að lúta í lægra haldi fyrir kínverskri verksmiðjuframleiðslu sem yfirtekið hefur markaðinn.

Nánar
Ljósmyndasafn - Það sem ég sé
09.04.2015 - 00:00 til 02.06.2015 - 00:00

Laura Andrés Esteban - Það sem ég sé

Það sem er fyrir framan okkur er ekki endilega það sem við sjáum. Við þekkjum aðeins heiminn í kringum okkur í gegnum eigin skynjun. Hin eiginlega sjón manneskjunnar samsvarar ekki allltaf raunveruleikanum og sem listamaður og ljósmyndari finnst mér það frábært.

Nánar
Varnarliðið
17.01.2015 - 00:00 til 10.05.2015 - 00:00

Bragi Þór Jósefsson - VARNARLIÐIÐ

Myndirnar á sýningunni tók Bragi Þór Jósefsson á svæði varnarliðsins í Keflavík eftir að herinn hafði yfirgefið stöðina árið 2006.

Nánar
Ljósmyndasafn - Íbúð 5
11.12.2014 - 00:00 til 03.02.2015 - 00:00

María Kristín Steinsson - ÍBÚÐ 5

Sýning Maríu Kristínar Steinsson, Íbúð 5, samanstendur af 15 ljósmyndum sem eru hluti af samnefndu verkefni. Myndirnar eru teknar á löngum lýsingartíma og fanga athöfn í heild sinni meðan hún á sér stað fyrir framan myndavélina. Með síendurteknum hversdagslegum verkum inn á heimili sínu gerir ljósmyndarinn tilraun til að sýna hvernig ummerki tilveru okkar birtast meðan tíminn líður hjá. Útkoman verður ljósmynd sem inniheldur tíma og hreyfingu sem þjappað hefur verið í kyrrmynd.

Nánar
Stelpumenning
13.09.2014 - 00:00 til 11.01.2015 - 00:00

Lauren Greenfield - STELPUMENNING

Stelpumenning varpar ljósi á hverfandi skil á milli raunveruleika stúlkna og gildishlaðinnar birtingarmyndar kvenna í bandarískri dægurmenningu. Myndaröðin er afrakstur fimm ára rannsóknar Lauren Greenfield á lífi stúlkna og kvenna víðsvegar um Bandaríkin. Portrettmyndir og viðtöl Greenfield varpa ljósi á upplifanir og athafnir kvenna innan samfélags sem krefst ákveðins útlits, hegðunar og frammistöðu. Í sýningunni mætast hversdagslegar og öfgakenndar aðstæður stelpumenningar: samkeppni og útlitsdýrkun unglingsstúlkna og barátta ungrar konu með lystarstol; barn í búningaleik og fatafella í skólastúlkubúningi.

Nánar
Spegill lífsins
24.05.2014 - 00:00 til 07.09.2014 - 00:00

Ragnar Axelsson - SPEGILL LÍFSINS

Ljósmyndir Ragnars Axelssonar vekja hvarvetna athygli. Þær eru í senn hrífandi og forvitnilegar, auk þess að búa yfir djúpu innsæi í þá heima sem í þeim birtast. Á sýningunni í Ljósmyndasafni Reykjavíkur gefur að líta úrval úr þekktustu myndröðum Ragnars frá síðustu þremur áratugum; ekki síst af heimi og lífsbaráttu veiðimanna í Grænlandi, og bænda og sjómanna á Íslandi og í Færeyjum. Einnig gefur að líta ljósmyndir frá Síberíu og úrval einstakra fréttaljósmynda Ragnars víða að, meðal annars Eystrasaltslöndunum við upphaf nýrra tíma, af skipssköðum og náttúruhamförum, auk áhrifamikilla ljósmynda sem sýna þær breytingar sem eru að verða af manna völdum á náttúru norðursins.

Nánar
Betur sjá augu
25.01.2014 - 00:00 til 11.05.2014 - 00:00

Betur sjá augu . . . Ljósmyndun íslenskra kvenna 1872 - 2013

Á sýningunni Betur sjá augu er að finna ljósmyndaverk eftir 34 konur sem eiga það sameiginlegt að hafa unnið við ljósmyndun hér á landi – flestar sem atvinnuljósmyndarar en einstaka sem áhugaljósmyndarar. Fyrsta konan sem lærði ljósmyndun og starfaði hér á landi var Nicoline Weywadt sem hóf störf sem ljósmyndari á stofu sinni á Austfjörðum árið 1872. Sýningin nær því yfir 140 ára tímabil og eru viðfangsefni ljósmyndaranna eftir því fjölbreytt. Sýningin er afrakstur tveggja ára rannsóknarvinnu Katrínar Elvarsdóttur, ljósmyndara og sýningarhöfundar við Ljósmyndasafn Reykjavíkur og Þjóðminjasafn Íslands. Ljósmyndirnar valdi sýningarhöfundur út frá fagurfræðilegum forsendum. Lögð var áhersla á myndir þar sem persónuleg sýn og sköpun ljósmyndaranna nýtur sín og sem endurspegla um leið iðjusemi þeirra og áhuga á starfi sínu.

Nánar
Samtímalandslagið
21.09.2013 - 00:00 til 12.01.2014 - 00:00

SAMTÍMALANDSLAGIÐ

Sýningin Samtímalandslagið er sýning á verkum 12 íslenskra ljósmyndara sem beina sjónum sínum að íslenskri náttúru. Náttúru sem hefur birst með ýmsu móti í íslenskum ljósmyndum í gegnum tíðina. Framan af voru henni að mestu gerð skil í formi svokallaðrar „póstkortaljósmyndunar“. Þar var hún í aðalhlutverki – villt og stórbrotin– en á seinni árum hafa rutt sér til rúms ríkjandi straumar og stefnur í greininni þar sem áhrif annarra þátta eins og mannsins sjálfs hafa verið í forgrunni.

Nánar
Nafnlaus hestur
18.05.2013 - 00:00 til 15.09.2013 - 00:00

SPESSI - Nafnlaus Hestur

Sýningin Nafnlaus hestur, samanstendur af portrettmyndum af mótorhjólaköppum sem ljósmyndarinn Spessi tók á ferðalagi sínu um Bandaríkin á tímabilinu 2011 til 2012. Markmiðið með portrettmyndunum er að skrá og veita innsýn inn í þann sérstaka menningarkima sem mótorhjólaheimurinn er. Því er um að ræða eins konar þjóðfræðilega úttekt á þessum sérstaka „ættbálki“ þar sem lagt var upp með að kynnast betur uppruna mótorhjólamenningarinnar. Spessi ferðaðist ýmist á mótorhjóli eða á pallbíl. Hann hélt sig þó aðallega við miðríkin Kansas, þar sem hann bjó í eitt ár, Arkansas, Tennessee, Mississippi, og Louisiana – fátækustu fylki í Bandaríkjanna. Mótorhjólamenningin sem slík rekur uppruna sinn til þess atburðar þegar fjöldi mótorhjólamanna kom saman í smábænum Hollister í Kaliforníu á þjóðhátíðardaginn 4. júlí 1947. Margir þeirra voru fyrrverandi hermenn sem höfðu ekki náð að fóta sig í samfélaginu eftir lok seinni heimstyrjaldar. Þeir hræddu líftóruna úr bæjarbúum og lögreglan kallaði til liðsauka frá öðrum umdæmum. Þetta var í fyrsta sinn sem þessi hópur – mótorhjólafólkið – komst í kastljósið og meðal annars var kvikmyndin The Wild One með Marlon Brando, byggð á atburðunum í Hollister.

Nánar
Guðmundur Ingólfsson - Kvosin
26.01.2013 - 00:00 til 12.05.2013 - 00:00

Guðmundur Ingólfsson - Kvosin – 1986 & 2011

Ekkert er eins leyndarsdómsfullt og skýrlega framsett staðreynd. Fyrir mér er ljósmyndun virðingarvottur að tvennu leyti. Virðing fyrir miðlinum, með því að láta hann gera það sem hann gerir best, að lýsa. Og virðing fyrir viðfangsefninu, með því að lýsa því eins og það er. Ljósmynd verður að bera ábyrgð gagnvart hvoru tveggja. - Garry Winogrand Guðmundur Ingólfsson er einn af máttarstólpunum í íslenskri ljósmyndun. Sýningin KVOSIN 1986 & 2011, samstarfsverkefni Ljósmyndasafns og Minjasafns Reykjavíkur, er byggð á myndum sem hann tók með 25 ára millibili. Myndirnar tók Guðmundur fyrst árið 1986 í tilefni af 200 ára afmæli Reykjavíkur sem ýtti undir áhuga hans að skrásetja miðbæinn með markvissum hætti – á slóðum forvera hans og starfsbræðra, Sigfúsar Eymundssonar og Magnúsar Ólafssonar, sem skrásettu svæðið um hundrað árum fyrr.

Nánar
Mats - 1956–1978
29.09.2012 - 00:00 til 13.01.2013 - 00:00

Mats - 1956–1978

Ljósmyndarinn Mats Wibe Lund er landsmönnum að góðu kunnur fyrir loftljósmyndir sínar af landslagi og átthögum. Myndirnar eiga sinn fasta stað á fjölmörgum íslenskum heimilum og er óhætt að segja að Mats hafi markað sér sérstöðu með þeim á íslenskum ljósmyndamarkaði og átt þar sviðið um áralangt skeið. Á sýningunni Mats 1956–1978 er sjónum beint að fyrri hluta ferils hans. Mats myndar það sem fyrir augu ber og vekur forvitni hans á ferðalögum um landið. Um er að ræða skrásetningu á landi og þjóð á tíma sem einkennist af uppbyggingu og metnaði í innlendum iðnaði og miklum þjóðfélagsbreytingum. Minningar lifna við og fara á flug. Við svífum um malarvegi landsins og fáum innsýn inn í stemningu þessa tíma og upplifum margbreytileika tilverunnar í allri sinni dýrð. Mats fangar síldarstemninguna vel enda öllum hnútum kunnugur þar sem hann tók sjálfur þátt í ævintýrinu. Við stöldrum við í heyskap, fylgjumst með flugvæðingu landans, virðum fyrir okkur atorkusemi í sjávarútvegi, útivist milli fjalls og fjöru og er þá aðeins brot upp talið af myndefninu.

Nánar
Kona
12.05.2012 - 00:00 til 02.09.2012 - 00:00

KONA – Berglind Björnsdóttir

Berglind Björnsdóttir ljósmyndari hlaut styrk úr Minningarsjóði Magnúsar Ólafssonar sumarið 2010 til að gera ljósmyndabók um íslenskar konur. Afrakstur þeirrar vinnu er nú kynntur í Ljósmyndasafni Reykjavíkur með sýningunni Kona. Í þessari myndaseríu leitast Berglind við að draga upp mynd af hinni íslensku nútímakonu. Hver er hún? Hvaðan kemur hún? Hverjir eru draumar hennar og langanir?

Nánar
Bergmál
14.01.2012 - 00:00 til 06.05.2012 - 00:00

BERGMÁL - Charlotta Hauksdóttir & Sonja Thomsen

Bergmál nefnist samsýning Charlottu Maríu Hauksdóttur og Sonju Thomsen sem sett er upp í Ljósmyndasafni Reykjavíkur. Sýningin samanstendur af einstökum verkum sem mynda órofa heild. Viðfangsefnið er tíminn og endurbirting hins liðna og má segja að titillinn vísi ekki aðeins til þess hvernig hið liðna endurvarpast inn í nútímann heldur einnig til þess hvernig verkin á sýningunni kallast á. Þær Charlotta María og Sonja stunduðu nám á sama tíma við San Fransisco Art Institute, þaðan sem þær útskrifuðust með MFA gráðu í ljósmyndun árið 2004.

Nánar
Marc Riboud
03.09.2011 - 00:00 til 08.01.2012 - 00:00

Marc Riboud - Ljósmyndir í 50 ár

Marc Riboud hóf störf sem blaðaljósmyndari á sjötta áratug síðustu aldar og varð einn af ljósmyndurum Magnum umboðsskrifstofunnar árið 1953. Þar hlaut hann hvatningu ásamt Robert Capa og Henri Cartier-Bresson sem urðu lærifeður hans og varð í framhaldinu leikinn og næmur ljósmyndari. Hinn franski Riboud er einna þekktastur fyrir ítarlegar myndfrásagnir sínar frá Austurlöndum en hann var einn af fyrstu vestrænu ljósmyndurunum til að komast inn í Kína eftir Menningarbyltingu Maós árið 1966.

Nánar
Reykvíkingar - Myndbrot úr safni verkaman
14.05.2011 - 00:00 til 03.09.2011 - 00:00

Karl Christian Nielsen - REYKVÍKINGAR – MYNDBROT ÚR SAFNI VERKAMANNS

Á 30 ára afmæli Ljósmyndasafns Reykjavíkur er það okkur mikil ánægja að efna til yfirlitssýningar á úrvali ljósmynda úr safni ljósmyndarans og verkamannsins Karls Chr. Nielsens (1895-1951), en safn hans er varðveitt á Ljósmyndasafninu.

Nánar
Orri - Innviðir
15.01.2011 - 00:00 til 08.05.2011 - 00:00

Orri – Innviðir

Ljósmyndarinn Orrihefur um árabil myndað íslensk eyðibýli og á sýningunni Innviðir birtist yfirlit eyðibýlamynda hans frá árunum 1999-2010. Um langt skeið hafa íslenskir ljósmyndarar heillast af íslenskum eyðibýlum, en athygli þeirra hefur oftar en ekki beinst að ytra byrði húsanna; á samhengi sjálfra bygginganna við umhverfi sitt og íslenskt landslag. Þar að auki hafa eyðibýlamyndir undanfarinna ára gjarnan verið svarthvítar og sveipaðar rómantískri mystík. Í ljósmyndum Orra kveður við annan tón. Þar er gerð tilraun til að fanga litríkan andann sem ríkir í innviðum eyðibýlanna og þá ómetanlegu litapallettu sem skapast þegar óreiðukennt veðurfar vinnur á veggfóðri, málningu og húsgögnum; á að fanga áru hins yfirgefna.

Nánar
Sjónarhorn - Ljósmyndir eftir Wayne Guðmundson
18.09.2010 - 00:00 til 09.01.2011 - 00:00

Sjónarhorn – Ljósmyndir eftir Wayne Gudmundson

Vestur-Íslendingurinn Wayne Gudmundson hefur um árabil getið sér gott orð fyrir víðáttumiklar landslagsmyndir sínar. Wayne hóf að taka landslagsljósmyndir í byrjun níunda áratugarins eftir að hafa lagt stund á ljósmyndun í rúm tíu ár. Í bernsku kynntist hann sögunum og hefðunum frá Íslandi í gegnum föðurforeldra sína sem voru í hópi Vesturfaranna. Eftir því sem árin liðu og verk hans þróuðust fann Wayne hjá sér löngun til að kanna land forfeðra sinna en hann kom til Íslands í fyrsta skipti árið 1997. Hann tók hér m.a. myndir af Öskju, Herðubreið, Jökulsárlóni og Grímsey en landslag í Norður Dakóta og á Íslandi á það sameiginlegt að vera gríðarlega víðáttumikið. Þetta sama ár setti hann upp sýninguna Heimahagar ásamt hinum góðkunna íslenska ljósmyndara Guðmundi Ingólfssyni og var hún afrakstur ferða þeirra á heimaslóðir hvors annars, Wayne tók myndir á Íslandi og Guðmundur í Norður-Dakóta.

Nánar
thomsen thomsen
15.05.2010 - 00:00 til 29.08.2010 - 00:00

Pétur Thomsen & Pétur Thomsen - THOMSEN & THOMSEN

Á sýningunni Thomsen & Thomsen gefur að líta portrettmyndir og umhverfismyndir frá Reykjavíkursvæðinu á tveimur mismunandi tímaskeiðum eftir tvo ljósmyndara, þá Pétur Thomsen eldri (1910–1988) og sonarson hans Pétur Thomsen yngri (1973). Sýningin er samtal tveggja tíma; samtal Péturs við afa sinn. Pétur hefur valið úrval umhverfis- og portrettmynda úr safni hans og kallast á við þær í verkum sínum. Myndir Péturs eldri eru teknar fyrir árið 1973 og var hann starfandi á tímum þegar Reykjavík var óðum að taka á sig borgarbrag og íbúarnir fullir ákefðar að sjá borgina stækka. Sýningin gefur innsýn inn í veröld fjölskyldunnar á sjötta og sjöunda áratug síðustu aldar og veröld hennar á árunum 2008 til 2010 með augum Péturs yngri – tíma breytinga þar sem viðhorfið í garð þess manngerða í landslagi hefur einkennst af nokkurri spennu og ris og hnig samfélagsins sett sinn svip á mannfólkið.

Nánar
Gengið að verki
23.01.2010 - 00:00 til 09.05.2010 - 00:00

Jakob Jakobsson - GENGIÐ AÐ VERKI

Jakob Jakobsson hefur tekið ljósmyndir í hálfa öld. Helstu viðfangsefni hans hafa verið portrettmyndir, landslagsmyndir og myndir af fólki við byggingarstörf. Sýningin Gengið að verki sem nú er sýnd í Ljósmyndasafni Reykjavíkur fjallar einmitt um það síðastnefnda; svarthvítar myndir af byggingarstörfum og er lögð sérstök áhersla á myndir teknar á Íslandi á árunum 1955 til 1970. Ljósmyndirnar hafa ekki einungis mikið sögulegt gildi heldur eru teknar með næmu auga ljósmyndarans Jakobs sem vegna ævistarfs síns sem byggingatæknifræðingur hefur tekið þátt í mörgum stórum byggingaframkvæmdum og eru þar helstar Búrfellsvirkjun og Findhornbrúin í skosku hálöndunum.

Nánar
Skynjanir
23.01.2010 - 00:00 til 09.05.2010 - 00:00

Jóna Þorvaldsdóttir - SKYNJANIR

Jóna Þorvaldsdóttir ljósmyndari er þekkt fyrir að nota sígildar ljósmyndunaraðferðir (alternative photography) við gerð verka sinna en þær voru vinsælar á upphafstímum ljósmyndunar. Auk hinnar hefðbundnu silfur-gelatín prentunar notar Jóna palladíum-platínum aðferðina og bromoil blektækni og nýtur þar töluverðrar sérstöðu hér á landi. Þess má geta að ljósmyndarinn Pétur Brynjólfsson (1881-1930) notaði platínu-palladíum aðferðina við kóperingu fram að fyrri heimsstyrjöld.

Nánar
Frakkland - landið mitt
26.09.2009 - 00:00 til 17.01.2010 - 00:00

André Kertész - FRAKKLAND – LANDIÐ MITT

Sýning eins mesta ljósmyndara allra tíma, André Kertész Frakkland – landið mitt (Ma France) kemur frá hinu virta Jeu de Paume safni í París. Ferðalangur þriðja áratugarins kaus Frakkland og var hinn ungverski André Kertész þar engin undantekning en hann kom til Parísar árið 1925, sem á þeim tíma var borg ljóðskálda og listmálara. Hinar klassísku ljósmyndir hans af Eiffel-turninum, vinnustofu Mondrian og hinnar einstöku ljósmynd af dansmey í skopstælingum (Satiric Dancer) voru upphaf stíls sem m.a. starfsfélagar hans og samtímamenn Brassaï og Cartier-Bresson tóku upp. “Allt sem að við höfum gert gerði Kertész á undan okkur” sagði Cartier-Bresson eitt sinn um kollega sinn en hinn lýríski stíll Kertész varð til þess að hann var stundum kallaður “ljóðskáld með myndavélina” . Sýningin er styrkt af Franska sendiráðinu á Íslandi og Alliance Francaise en þessir aðilar koma einnig að viðburðadagskrá í tengslum við sýninguna sem nánar verður auglýst síðar.

Nánar
Heima-heiman
13.09.2009 - 00:00 til 11.01.2010 - 00:00

HEIMA – HEIMAN - Katrín Elvarsdóttir og Sigrún Sigurðardóttir

Á sýningunni Heima – Heiman hittum við fyrir ólíka einstaklinga sem allir eiga það sameiginlegt að hafa þurft að flýja heimkynni sín. Flestir hafa þeir þurft að yfirgefa heimaland sitt vegna stríðsátaka. Sumir hafa leitað skjóls í flóttamannabúðum – aðrir hafa flúið land úr landi – en allir eiga þeir sameiginlegt að hafa að lokum komið hingað til Íslands og búið sér hér nýtt heimili.

Nánar
Lífið er ekki bara leikur
16.05.2009 - 00:00 til 30.08.2009 - 00:00

Lífið er ekki bara leikur – það er líka dans á rósum…

Laugardaginn 16.maí n.k. opnar í Ljósmyndasafni Reykjavíkur sýningin Lífið er ekki bara leikur – það er líka dans á rósum sem er samstarfsverkefni Ljósmyndasafns Reykjavíkur og hönnunar- og arkitektúrdeildar Listaháskóla Íslands. Sýningarstjórar hennar eru þau Guðmundur Oddur Magnússon (Goddur) prófessor í grafískri hönnun og Guðfinna Mjöll Magnúsdóttir fagstjóri vöruhönnunar.

Nánar
Tíra
17.01.2009 - 00:00 til 10.05.2009 - 00:00

Bjargey Ólafsdóttir - Tíra: Horfðu í ljósið heillin mín en ekki í skuggann þarna

Listsköpun Bjargeyjar Ólafsdóttur er ekki bundin við einn listmiðil heldur velur hún sér þann miðil sem henni finnst henta hugmyndinni best hverju sinni. Það má því líkja henni við alhliða hljóðfæraleikara því Bjargey fæst við kvikmyndagerð, hljóðverk, gjörninga, teiknar, málar og ljósmyndar.

Nánar
Skovbo
31.05.2008 - 00:00 til 07.09.2008 - 00:00

VIGGO MORTENSEN - SKOVBO

Það er Ljósmyndasafni Reykjavíkur mikill heiður að kynna sýningu á verkum Viggo Mortensen – SKOVBO. Heiti sýningarinnar,SKOVBO, kemur úr öðru móðurmáli ljósmyndarans, dönsku, og gæti útleggst sem skógarbýli eða í víðara samhengi – það að eiga heima í skóginum.

Nánar
Staðir úr dagbók 1988 - 2008
23.02.2008 - 00:00 til 25.05.2008 - 00:00

Einar Falur Ingólfsson - STAÐIR – úr dagbók 1988 – 2008

Staðir – Úr dagbók 1988 – 2008 er yfirskrift sýningar Einars Fals Ingólfssonar sem nú er sett upp í Ljósmyndasafni Reykjavíkur. Viðfangsefni sýningarinnar er að finna í dagbók ljósmyndarans sem hann hefur haldið frá árinu 1988 en sem skrásetningartæki notar hann þar myndavél í stað penna. Dagbókin er flæði lífsins og hann flokkar myndirnar ekki ekki sem ákveðin verkefni heldur eru þetta myndir af hans daglega lífi teknar á tuttugu ára tímabili. Myndirnar eru færslur í dagbókinni og sjálft myndavalið á sýningunni, rúmlega 100 myndir úr tugþúsundum mynda, er ekki síður jafn mikilvægt og myndatakan sjálf.

Nánar
Flickr flakk og heljarstökk
01.12.2007 - 00:00 til 17.02.2008 - 00:00

FLICKR-FLAKK OG HELJARSTÖKK

Ljósmyndasafni Reykjavíkur er ánægja að kynna sýninguna Flickr-flakk og heljarstökk sem beinir sjónum sínum að íslenskum ljósmyndurum og ljósmyndaáhugamönnum sem lifa og hrærast í ljósmyndarasamfélaginu Flickr á netinu. Aldrei hefur verið eins auðvelt að koma myndum sínum á framfæri. Það sem áður fyrr tók vikur og mánuði er nú gert á nokkrum sekúndum og er titill sýningarinnar vísun í þessa kúvendingu sem hefur átt sér stað.

Nánar
Daagbladid Víísir 1960 - 2000
15.09.2007 - 00:00 til 25.11.2007 - 00:00

DAAGBLAÐIÐ VÍÍSIR! 1960 – 2000

Ljósmyndir hafa áhrif á það hvernig við skynjum heiminn og ekki síður það hvernig við skynjum fortíðina. Rithöfundurinn Susan Sontag hefur jafnvel staðhæft að vandamálið sé ekki það „að fólk muni í gegnum myndir heldur að það muni einungis eftir myndinni sjálfri“. Hér er Sontag öðru fremur að fjalla um fréttaljósmyndir sem síðustu áratugi hafa verið fyrirferðamiklar í upplifun okkar af atburðum samtímans og eru meðal helstu sögulegu heimilda okkar tíma um samfélagið.

Nánar
Automatos
01.06.2007 - 00:00 til 09.09.2007 - 00:00

Olaf Otto Becker – Páll Stefánsson – Rax - AUTOMATOS

Það að íslensk náttúra er fræg fyrir fjölbreytileika sinn, og að landið þykir land- og jarðfræðilega einn sérstakasti staður á jörðinni, er flestum kunnugt. Innlendir sem erlendir ljósmyndarar hafa í gegnum tíðina sótt sér hingað innblástur og gert frægum sögustöðum og stórbrotnu landslaginu vegleg skil. Á fyrri hluta 20. aldar var hin rómantíska náttúrusýn, ósnortin víðátta og hrífandi útsýni ríkjandi í landslagsljósmyndun og mátti þar greina tengsl við sjálfstæðisbaráttu Íslendinga. Aðalmarkmiðið var að fanga andblæ staðarins þar sem stöðug fegurð ríkti og breytingar í landslaginu voru einungis árstíðunum og umbrotum náttúrunnar undirorpnar.

Nánar
Sund og Gufa
23.02.2007 - 00:00 til 27.05.2007 - 00:00

Damien Peyret - SUND & GUFA

Damien Peyret er franskur kvikmyndagerðarmaður og ljósmyndari. Hann hefur verið mjög ötull við að taka ljósmyndir í um tíu ára skeið og notar ljósmyndaverk í heimildamyndum sínum. Í sýningunni Sund & Gufa sem nú er sett upp í Ljósmyndasafni Reykjavíkur sýnir hann Polaroid myndir af fólki í Sundlaug Kópavogs ásamt stuttmyndinni A Taxi for Reykjavik frá árinu 2001. Myndin var gerð fyrir fransk-þýsku sjónvarpsstöðina Arte og var valin á kvikmyndahátíðina í Locarno. Henni hefur verið lýst sem hvorki raunverulegri heimildamynd né hreinum tilbúningi heldur einhvers staðar á milli mannlýsingar og skissu þar sem gefið er í skyn hvað er raunverulegt án þess þó að fletta hulunni alveg af því.

Nánar
Marglitt útlit
23.02.2007 - 00:00 til 26.05.2007 - 00:00

Jo Duchene - MARGLITT – ÚTLIT - Made in Iceland

Á sýningunni Marglitt – útlit: Made in Iceland gefur að líta ljósmyndir af húsum á Íslandi; þessi hús eru jafnt opinber sem í einkaeigu, íbúðarhús, iðnaðarhús, verslunarhús, sveitabæir og kirkjur. Húsin sem fangað hafa auga franska ljósmyndarans Jos Duchene eru af fjölbreytilegum toga, stór, lítil, gömul, ný, tignarleg eða í niðurníðslu. Hann velur myndefni sín út frá byggingar- og félagsfræðilegum formerkjum, hús sem geyma sögu og menningu; hús sem eru samofin íslenskri þjóðarvitund.

Nánar
Analog dilalog
24.11.2006 - 00:00 til 28.01.2007 - 00:00

Mogens S. Koch - Analog-Dialog

Á árunum 1965-1980, ferðaðist danski ljósmyndarinn Mogens S. Koch alls tíu sinnum til Grænlands með Hasselblad-myndavél sína. Afrakstur ferðanna er yfir 100 þúsund myndir en aðeins örsmátt brot af þeim er á þessari sýningu hér í Ljósmyndasafni Reykjavíkur. Myndirnar sem teknar eru í svarthvítu sýna stórbrotið landslag Grænlands þar sem andstæður ljóss og skugga eru í öndvegi. Mogens fléttar saman töfrandi landslagið, íbúana og hrjóstrugt umhverfið í myndum sínum sem gefa heilstæða og jafnframt raunsæja mynd af landinu sjálfu. Mogens framkallar myndir sínar á hefðbundinn hátt á silfur-gelatín fíberpappír sem gefur mestu gæðin og eftir hið hefðbundna framköllunarferli meðhöndlar hann þær með seleníum-tóner og þurrkar þær á réttan hátt. Gæði eru Mogens mjög mikilvæg. Ljósmyndirnar eiga að endast og mögulega verða fallegri með tímanum og er ekki vikið frá þeirri reglu við gerð myndanna á þessari sýningu.

Nánar
Pólland kommúnismans
30.09.2006 - 00:00 til 19.11.2006 - 00:00

Chris Niedenthal – Pólland kommúnismans 1969-1989

Chris Niedenthal er heimsþekktur ljósmyndari sem hefur unnið sem fréttaljósmyndari fyrir Newsweek, TIME og Der Spiegel og var m.a. svæðisljósmyndari fyrir alla Austur-Evrópu og Sovétríkin þegar hann vann fyrir tímaritið TIME. Hann var kjörinn alþjóðlegur fréttaljósmyndari árið 1986 (World Press Photo prize).

Nánar
Andrés Kolbeinsson
01.06.2006 - 00:00 til 24.09.2006 - 00:00

Andrés Kolbeinsson - Yfirlitssýning 1952 – 1965

Á sýningunni er úrval mynda sem hann tók á tímabilinu 1952 – 1965. Myndir Andrésar Kolbeinssonar (1919-2008) frá þessum árum lýsa ungri höfuðborg með vaxandi atvinnulífi og menningu.

Nánar
10.000 dagar með myndavél
18.02.2006 - 00:00 til 24.05.2006 - 00:00

Friðrik Örn - 10.000 – dagar með myndavél

Sýning Friðriks Arnar ljósmyndara, 10.000 – dagar með myndavél verður opnuð í Ljósmyndasafni Reykjavíkur hinn18. febrúar 2006. Titill sýningarinnar vísar til þess að 27 ár, eða um tíu þúsund dagar, eru liðnir frá því að Friðrik Örn eignaðist sína fyrstu myndavél þá átta ára að aldri. Myndirnar á sýningunni spanna allt þetta tímabil fram til dagsins í dag.

Nánar
Heima - Ríki i uppnámi
02.09.2005 - 00:00 til 30.10.2005 - 00:00

LARS TUNBJÖRK - Heima / Ríki í uppnámi

Sýningin samanstendur af verkum úr myndaröðunum „Ríki í uppnámi” og „Heima“. Þessar myndaraðir tilheyra þríleik sem hófst með bókinni „Landet utom sig/ Ríki í uppnámi” (1993) en hún er þegar orðin klassísk. Í þessum verkum verkum hefur Lars Tunbjörk skoðað veruleika okkar daga eins og hann birtist í starfi og leik, á opinberum vettvangi og nú síðast á heimilinu.

Nánar
Rótleysi
28.05.2005 - 00:00 til 28.08.2005 - 00:00

RÓTLEYSI - 8 suður-afrískir ljósmyndarar

Ljósmyndasafn Reykjavíkur er mikil ánægja að kynna sýninguna Rótleysi – 8 suður-afrískir ljósmyndarar sem markar þau tímamót að tíu ár eru liðin frá stofnun lýðræðis í Suður-Afríku. Útgangspunktur sýningarinnar er að kanna hinar miklu breytingar sem Suður-Afríka hefur gengið í gegnum frá kosningunum 1994. Sýningin gefur innsýn inn í einstaka ljósmyndahefð þar sem ljóðrænn kraftur og gæði heimildaljósmyndunar eru í sérflokki.

Nánar
Heitir Reitir
12.02.2005 - 00:00 til 22.05.2005 - 00:00

Bára ljósmyndari - Heitir reitir

Bára K. Kristinsdóttir er að góðu kunn sem auglýsinga- og iðnaðarljósmyndari hér á landi. Meðfram þeirri vinnu hefur hún einnig sinnt eigin listsköpun á sviði ljósmyndunar, haldið einkasýningar og tekið þátt í fjölda samsýninga frá byrjun ferils síns.

Nánar
Fyrir og eftir
06.02.2004 - 00:00 til 06.11.2004 - 00:00

Fyrir og Eftir

Fyrir og eftir er heiti á sýningu sem Ljósmyndasafn Reykjavíkur opnar 6. nóvember. Með þessum titli er verið að skírskota til útlits, fyrirmynda eða ímynd manneskjunnar sem situr fyrir á ljósmynd hjá ljósmyndara. Frá upphafi ljósmyndunar árið 1839 hefur verið leitast við að sýna manneskjuna sem fallegasta á hefðbundnum andlitsljósmyndum og tekið mið af tískustraumum hvers tíma.

Nánar
Nýir veruleikar
16.05.2004 - 00:00 til 29.08.2004 - 00:00

NÝIR VERULEIKAR - Finnsk Samtímaljósmyndun

Finnsk samtímaljósmyndun hefur undanfarinn áratug hlotið mikla alþjóðlega athygli og verið fremst í flokki Norðurlandanna á þeim vettvangi. Í dag er hún fjölbreyttari og alþjóðlegri en nokkru sinni fyrr og er árangur á alþjóðavísu ekki hvað síst að þakka kerfi á vegum finnska ríkisins sem stuðlaði að alþjóðlegri dreifingu á ljósmyndun og list ásamt markvissri fjárfestingu í ljósmyndafræðslu almennings.

Nánar
Fólk og borg
07.02.2004 - 00:00 til 09.05.2004 - 00:00

LEIFUR ÞORSTEINSSON - Fólk og borg

Leifur Þorsteinsson hóf feril sinn sem ljósmyndari upp úr 1960 og er frumkvöðull í auglýsinga- og iðnaðarljósmyndun á Íslandi. Hann er einn virtasti ljósmyndari sinnar kynslóðar hérlendis og hefur tekið þátt í sýningum víða bæði innan lands og utan. Má þar nefna þátttöku hans í heimssýningunni EXPO 70 í Osaka auk þess sem hann var í forsvari fyrir Íslendinga á ljósmyndasýningunni Frozen Image á Scandinavia Today í Bandaríkjunum 1982. Einnig hefur Leifur hlotið menningarverðlaun DV í listhönnun fyrir sýninguna Kyrralíf í Stöðlakoti.

Nánar
Magnús Ólafsson
27.09.2003 - 00:00 til 01.12.2003 - 00:00

MAGNÚS ÓLAFSSON - Ljósmyndari

Ljósmyndasafni Reykjavíkur er mikill heiður að kynna yfirlitssýningu á verkum Magnúsar Ólafssonar (1862-1937) eins helsta frumherja í íslenskri ljósmyndun. Verk Magnúsar, sem eru kjölfestan í safneign Ljósmyndasafns Reykjavíkur, varpa ljósi á tímabilið frá aldamótum 1900 fram undir miðbik 20. aldar og fletta upp svipmyndum frá tímabili er samhliða tækniframförum einkenndist af þjóðfélagsbreytingum og þróun borgarsamfélags í Reykjavík.

Nánar
Frumefnin fimm
24.05.2003 - 00:00 til 01.09.2003 - 00:00

FRUMEFNIN FIMM - Ferðadagbækur Claire Xuan

Sýningin Frumefnin fimm– Ferðadagbækur Claire Xuan er byggð á ferðadagbókum frönsk-víetnömsku listakonunnar Claire Xuan og er safn ljósmynda sem eru geymdar í handgerðri öskju. Ljósmyndirnar eru unnar með litógrafíu og á pappír úr náttúrulegum efnum. Á milli myndanna er þunnur pappír (papyrus) með áþrykktum sérkennum og leturtáknum mismunandi þjóða.

Nánar
Ljóshraði
28.02.2003 - 00:00 til 04.05.2003 - 00:00

Ljós-hraði – Fjórir íslenskir samtímaljósmyndarar

Sýningin Ljós-hraði – Fjórir íslenskir samtímaljósmyndarar – kynnir fram á sjónarsviðið ljósmyndir þeirra Orra, Katrínar Elvarsdóttur, Kristínar Hauksdóttur og Sigríðar Kristínar Birnudóttur.

Nánar
August Sander
26.10.2002 - 00:00 til 01.12.2002 - 00:00

August Sander – Portrett

Laugardaginn 26. október opnaði Ljósmyndsafn Reykjavíkur sýningu á verkum eins þekktasta portrett-ljósmyndara allra tíma, Augusts Sanders (1876-1964). Á sýningunni gefur að líta yfir 70 af portrettmyndum hans frá árunum 1911-1943, hans allra þekktustu og aðrar minna þekktar, en sem allar tilheyrðu stórhuga brautryðjendaverki hans Maður tuttugustu aldarinnar.

Nánar
Þýsk samtímaljósmyndun
28.09.2002 - 00:00 til 15.10.2002 - 00:00

Aenna Biermann Preis – Þýsk samtímaljósmyndun

Um er að ræða sýningu á ljósmyndum eftir 36 þýska samtímaljósmyndara sem tekið hafa þátt í ljósmyndasamkeppni sem kennd er við hinn kunna þýska ljósmyndara Aenne Biermann (1898-1933). Samkeppnin hóf göngu sína árið 1992 í í borginni Gera í Þýskalandi og er sýningin í Ljósmyndasafni Reykjavíkur sett saman úr úrvali verka frá keppninni undanfarin fimm ár. Sýningin er annars vegar í samvinnu við Goethe Zentrum á Íslandi en hins vegar við Nytjalistasafnsins í Gera sem á öll verkin á sýningunni.

Nánar
65-75-Íslenskar blaðaljósmyndir
30.05.2002 - 00:00 til 01.09.2002 - 00:00

65-75 – Íslenskar blaðaljósmyndir

Ljósmyndasafn Reykjavíkur leitar fanga í eigin myndasöfnum og dregur fram í dagsljósið hátt á annað hundrað blaðaljósmyndir frá árunum 1965-1975.

Nánar
Mary Ellen Mark - American Odyssey
12.05.2002 - 00:00 til 02.06.2002 - 00:00

Mary Ellen Mark – American Odyssey

Mary Ellen Mark er einn áhrifamesti og markverðasti heimildaljósmyndari sem nú starfar. Um það vitna meira en tugur athyglisverðra bóka, sýningar sem víða hafa verið settar upp, auk myndafrásagna og stakra ljósmynda sem birst hafa í helstu tímaritum heims á nærfellt fjórum áratugum. Ljósmyndarinn hefur hlotið flest þau verðlaun og viðurkenningar sem veitt eru í faginu og fyrir nokkrum misserum kusu lesendur tímaritsins American Photo hana áhrifamesta kvenljósmyndara sögunnar, og var þar úr fríðum flokki kvenna að velja.

Nánar
Gudmundur Ingólfsson-Óðöl og innréttingar
09.02.2002 - 00:00 til 24.03.2002 - 00:00

Guðmundur Ingólfsson – Óðöl og innréttingar

Guðmundur (f. 1946) lærði ljósmyndun hjá Otto Steinert við Folkwangschule für Gestaltung í Essen í Þýskalandi á árunum 1968 -1971 og var síðar aðstoðarmaður hans. Guðmundur hefur rekið ljósmyndastofuna Ímynd frá 1972 og fengist við alls konar ljósmyndun, aðallega fyrir auglýsingar og leikhús. Myndir Guðmundar hafa birst víða og verið á mörgum sýningum, enda er Guðmundur meðal kunnustu ljósmyndara Íslands.

Nánar
Reykjavík samtímans - Samsýning 17 ljósmyndara
03.11.2001 - 00:00 til 09.12.2001 - 00:00

Reykjavík samtímans – samsýning 17 ljósmyndara

Reykjavíkurborg hefur löngum verið ljóðskáldum, rithöfundum og listmálurum hugleikin. Á sýningu Ljósmyndasafns Reykjavíkur er borgin viðfangsefni margra af fremstu ljósmyndurum samtímans. Hvaða augum líta ljósmyndarar samtímans borgina á nýju árþúsundi ? Hvaða einkenni borgarinnar má greina í myndum þeirra ? Hvað segja myndirnar um hug þeirra til Reykjavíkur ?

Nánar
HENRY CARTIER BRESSON – PARIS
09.06.2001 - 00:00 til 29.07.2001 - 00:00

Henry Cartier Bresson – Paris

Franski ljósmyndarinn Henri Cartier-Bresson sem nú er á áttræðisaldri hóf listferil sinn sem listmálari en sneri sér að ljósmyndun um 1930. Cartier-Bresson er þekktasti núlifandi ljósmyndari heims og hefur nafn hans og list jafnan tengst hugtakinu “hin afgerandi augnablik”. Hann er einn af fremstu listamönnum 20. aldar og átti ríkan þátt í að gera ljósmyndun að sjálfstæðri og viðurkenndri listgrein.

Nánar
Eyðibýli
10.02.2001 - 00:00 til 01.03.2001 - 00:00

Eyðibýli - Nökkvi Elíasson og Brian Sweeney

Um er að ræða samsýningu ljósmyndaranna Nökkva Elíassonar og Brian Sweeney, sem samanstendur af á fjórða tug ljósmynda, svart hvítum og litmyndum, teknum af eyðibýlum víðsvegar á Íslandi.

Nánar
Ljósmyndasafnið - Sýningar - Jóhanna Ólafsdóttir
01.01.2001 - 00:00 til 02.01.2001 - 00:00

SÝNINGAR 1981 – 2000

SÝNINGAR 1981 – 2000

Nánar

Upplýsingar

Upplýsingar

Ljósmyndasafn Reykjavíkur

Grófarhús, Tryggvagata 15, 6. hæð

101 Reykjavík

Sími: (+354) 411 6390

Hafðu samband

Opið

Opið

Mánudaga - fimmtudaga:

10:00 – 18:00

Föstudaga:

11:00 – 18:00

Helgar:

13:00 – 17:00

Lokað:

á uppstigningardag og sunnud.-mánud. í hvítasunnu og einnig 17. júní

Aðgangseyrir

Aðgangur

Fullorðnir

1.000 kr.

Börn 17 ára og yngri

Ókeypis

67 ára+ og öryrkjar

Ókeypis

Nemendur með gilt skólaskírteini

900 kr.

Menningarkort, árskort á borgarsöfnin

6.000 kr.

Þarfnast síðan lagfæringar?

Látið okkur vinsamlegast vita

Skráðu þig á póstlista ljósmyndasafnsins

Við sendum þér upplýsingar um viðburði, tilboð og fleira skemmtilegt.