SKOTIÐ
31.03.2016 - 12:00 til 31.05.2016 - 18:00

Á mótum tveggja tíma

Díana Júlíusdóttir

Á mótum tveggja tíma. Ljósmynd Díana Júlíusdóttir.
Á mótum tveggja tíma

Díana fæddist á Ísafirði árið 1973 og er ættuð frá Suðureyri við Súgandafjörð en ólst upp í Reykjavík.

Fjöll og stórfenglegt landslag hefur alltaf heillað Díönu og hefur hún leitast við að beina linsunni að hvoru tveggja. Í fjallgöngum og ferðalögum á vit einstakrar náttúru hefur hún túlkað það sem fyrir augu ber með lýsingu á fólki og náttúru og samspilinu sem skapast þar á milli. 

Díana stundaði nám í Ljósmyndaskólanum og tók með öðrum nemendum þátt í ljósmyndasýningu skólans árið 2012.  

Hún var ásamt ellefu öðrum ungum samtímaljósmyndurum valin til að taka þátt í sýningunni Samtímalandslagið (2013-2014) á Ljósmyndasafni Reykjavíkur.  Einnig hélt hún sína fyrstu einkasýningu í Turninum árið 2013. 

Díana hefur hér heima og utan vakið athygli fyrir landslagsmyndir og að nálgast náttúruna á annan hátt en tíðkast hefur. Ljósmyndin Angel sem tekin var á Hvannadalshnúk árið 2012 vann silfurverðlaun í alþjóðlegri ljósmyndakeppni í San Fransisco árið 2014 og var þar til sýnis í Gallery 17.  Í bígerð er útgáfa ljósmyndabókar með ljósmyndum sem teknar voru á göngu á Hvannadalshnúk og sýning í Anarkíu Gallery í Kópavogi í mai næstkomandi. 

Myndirnar á sýningunni leitast við að túlka á ljóðrænan hátt hið einangraða þorp Kulusuk sem oft er kallað dyrnar að Austur-Grænlandi. Börnin í þorpinu eru sérstakt viðfangsefni myndanna en framtíð þeirra er óviss sökum mikillar fólksfækkunar á svæðinu. Sýningin er afrakstur innblásturs sem löngu yfirgefin hús, börn að leik og stórtbrotið landslag veittu á Grænlandi. Börnin eru hamingjusöm, kröftug, brosmild og nægjusöm. Þorpið allt er leikvöllur þeirra og hefur skírskotun í báðar áttir, til horfinnar fortíðar og óráðinnar framtíðar. Landslagið í bakgrunni er í senn ógnvekjandi og rómantískt. 

Upplýsingar

Upplýsingar

Ljósmyndasafn Reykjavíkur

Grófarhús, Tryggvagata 15, 6. hæð

101 Reykjavík

Sími: (+354) 411 6390

Hafðu samband

Opið

Opið

Mánudaga - fimmtudaga:

10:00 – 18:00

Föstudaga:

11:00 – 18:00

Helgar:

13:00 – 17:00

Lokað:

á uppstigningardag og sunnud.-mánud. í hvítasunnu og einnig 17. júní

Aðgangseyrir

Aðgangur

Fullorðnir

1.000 kr.

Börn 17 ára og yngri

Ókeypis

67 ára+ og öryrkjar

Ókeypis

Nemendur með gilt skólaskírteini

900 kr.

Menningarkort, árskort á borgarsöfnin

6.000 kr.

Þarfnast síðan lagfæringar?

Látið okkur vinsamlegast vita

Skráðu þig á póstlista ljósmyndasafnsins

Við sendum þér upplýsingar um viðburði, tilboð og fleira skemmtilegt.