Forsíða / Ljósmyndasafn Reykjavíkur / Ljósmyndasafnið - Sýningar / Betur sjá augu . . . Ljósmyndun íslenskra kvenna 1872 - 2013
25.01.2014 - 00:00 til 11.05.2014 - 00:00

Betur sjá augu . . . Ljósmyndun íslenskra kvenna 1872 - 2013

Á sýningunni Betur sjá augu er að finna ljósmyndaverk eftir 34 konur sem eiga það sameiginlegt að hafa unnið við ljósmyndun hér á landi – flestar sem atvinnuljósmyndarar en einstaka sem áhugaljósmyndarar. Fyrsta konan sem lærði ljósmyndun og starfaði hér á landi var Nicoline Weywadt sem hóf störf sem ljósmyndari á stofu sinni á Austfjörðum árið 1872. Sýningin nær því yfir 140 ára tímabil og eru viðfangsefni ljósmyndaranna eftir því fjölbreytt. Sýningin er afrakstur tveggja ára rannsóknarvinnu Katrínar Elvarsdóttur, ljósmyndara og sýningarhöfundar við Ljósmyndasafn Reykjavíkur og Þjóðminjasafn Íslands. Ljósmyndirnar valdi sýningarhöfundur út frá fagurfræðilegum forsendum. Lögð var áhersla á myndir þar sem persónuleg sýn og sköpun ljósmyndaranna nýtur sín og sem endurspegla um leið iðjusemi þeirra og áhuga á starfi sínu.

Betur sjá augu

Ljósmyndunum var skipt í þrjá flokka eftir viðfangsefni: landslag/náttúra, fjölskylda/heimilislíf og portrett/mannlíf. Á sýningunni er áhugavert framlag þessara 34 ljósmyndara til ljósmyndasögunnar dregið fram í dagsljósið. Sú staðreynd að ljósmyndararnir eru allir konur kann að hafa haft áhrif á að verk þessi hafa þar til nú í mörgum tilvikum ekki fengið þá athygli sem þau eiga skilið. Sýningin er samstarfsverkefni Þjóðminjasafns Íslands og Ljósmyndasafns Reykjavíkur og er samtímis á báðum stöðum.

Í Myndasal Þjóðminjasafns eru myndir sem flokka má sem fjölskylda/heimilislíf og portrett/mannlíf. Í sýningarsal Ljósmyndasafns Reykjavíkur eru myndir úr flokknum landslag/náttúra.

Bók verður gefin út samhliða sýningunni. Í henni er meðal annars að finna ítarlega grein eftir Lindu Ásdísardóttir um ljósmyndun íslenskra kvenna 1872-2013 og verk eftir ljósmyndara á sýningunni.

Upplýsingar

Upplýsingar

Ljósmyndasafn Reykjavíkur

Grófarhús, Tryggvagata 15, 6. hæð

101 Reykjavík

Sími: (+354) 411 6390

Hafðu samband

Opið

Opið

Mánudaga - fimmtudaga:

10:00 – 18:00

Föstudaga:

11:00 – 18:00

Helgar:

13:00 – 17:00

Lokað:

á uppstigningardag og sunnud.-mánud. í hvítasunnu og einnig 17. júní

Aðgangseyrir

Aðgangur

Fullorðnir

1.000 kr.

Börn 17 ára og yngri

Ókeypis

67 ára+ og öryrkjar

Ókeypis

Nemendur með gilt skólaskírteini

900 kr.

Menningarkort, árskort á borgarsöfnin

6.000 kr.

Þarfnast síðan lagfæringar?

Látið okkur vinsamlegast vita

Skráðu þig á póstlista ljósmyndasafnsins

Við sendum þér upplýsingar um viðburði, tilboð og fleira skemmtilegt.