Forsíða / Ljósmyndasafn Reykjavíkur / Ljósmyndasafnið - Sýningar / Jo Duchene - MARGLITT – ÚTLIT - Made in Iceland
23.02.2007 - 00:00 til 26.05.2007 - 00:00

Jo Duchene - MARGLITT – ÚTLIT - Made in Iceland

Á sýningunni Marglitt – útlit: Made in Iceland gefur að líta ljósmyndir af húsum á Íslandi; þessi hús eru jafnt opinber sem í einkaeigu, íbúðarhús, iðnaðarhús, verslunarhús, sveitabæir og kirkjur. Húsin sem fangað hafa auga franska ljósmyndarans Jos Duchene eru af fjölbreytilegum toga, stór, lítil, gömul, ný, tignarleg eða í niðurníðslu. Hann velur myndefni sín út frá byggingar- og félagsfræðilegum formerkjum, hús sem geyma sögu og menningu; hús sem eru samofin íslenskri þjóðarvitund.

Marglitt útlit

Duchene leggur áherslu á að vera hlutlaus gagnvart myndefninu. Hann upplifir landslag íslenskrar húsagerðar með auga gestsins; sér húsin með „frönskum augum“ og út frá franskri menningu. Hann hrífst af líflegum skreytingum á húsum í öllum regnbogans litum, hvort heldur úr steinsteypu, timbri eða bárujárni. Hann hrífst af því „marglita útliti“ sem er á skjön við ríkjandi stefnu í húsagerð á Íslandi í dag.

Sýningin í Ljósmyndasafni Reykjavíkur er ferðalag inn í ýmsa menningarkima hér og þar á landinu og vekur ekki bara upp spurningar um sérkenni og eðli húsanna heldur varpar einnig ljósi á menningarsögulega hlið þeirra. Með þessu heildstæða safni er markmiðið að fá áhorfandann til þess að staldra við og velta fyrir sér íslenskri húsagerðarlist og uppruna hennar – „made in Iceland“.

Jo Duchene er fæddur 1947 í Portúgal, býr og starfar í París. Jo Duchene er listamannsnafn José D.F. de Carvalho. Menntaður ljósmyndari og stundaði einnig nám í félags- og stjórnmálafræði. Hefur verið virkur þáttakandi í ljósmyndaheimi Parísar til margra ára og tekið t.d. tekið þátt í Mois de la Photo og Prix Européen de la Photography. Duchene er mikið gefinn fyrir ferðalög og hefur ferðast reglulega um Evrópu, Ameríku og Asíu við heimildaöflun á sviði ljósmyndunar. Hann hefur sýnt ferðaljósmyndir sínar í Galerie BIP í Montrouge í yfir áratug.

Upplýsingar

Upplýsingar

Ljósmyndasafn Reykjavíkur

Grófarhús, Tryggvagata 15, 6. hæð

101 Reykjavík

Sími: (+354) 411 6390

Hafðu samband

Opið

Opið

Mánudaga - fimmtudaga:

10:00 – 18:00

Föstudaga:

11:00 – 18:00

Helgar:

13:00 – 17:00

Lokað:

á uppstigningardag og sunnud.-mánud. í hvítasunnu og einnig 17. júní

Aðgangseyrir

Aðgangur

Fullorðnir

1.000 kr.

Börn 17 ára og yngri

Ókeypis

67 ára+ og öryrkjar

Ókeypis

Nemendur með gilt skólaskírteini

900 kr.

Menningarkort, árskort á borgarsöfnin

6.000 kr.

Þarfnast síðan lagfæringar?

Látið okkur vinsamlegast vita

Skráðu þig á póstlista ljósmyndasafnsins

Við sendum þér upplýsingar um viðburði, tilboð og fleira skemmtilegt.