Forsíða / Ljósmyndasafn Reykjavíkur / Ljósmyndasafnið - Sýningar / Jóhanna Ólafsdóttir - Ljósmyndir
Grófarsalur
28.01.2017 - 15:00 til 14.05.2017 - 18:00

Jóhanna Ólafsdóttir - Ljósmyndir

Ljosmyndasafn_Johanna_Olafsdottir.jpg

Á sýningunni  gefur að líta úrval verka eftir Jóhönnu Ólafsdóttur ljósmyndara en hún er ein af fáum íslenskum kvenljósmyndurum af sinni kynslóð sem starfað hefur allan sinn feril sem ljósmyndari. Hún tók þátt í samsýningum á árunum 1980 og 1987 og árin 2012 og 2014 voru verk hennar sýnd á  yfirlitssýningum um íslenska ljósmyndasögu þar sem þau  vöktu verðskuldaða athygli. Þetta er fyrsta einkasýning Jóhönnu hér á landi og fylgir henni vegleg sýningarskrá.

Jóhanna er afar næmur mannlífsljósmyndari eins og myndasyrpur hennar af hversdagslegum viðburðum, svo sem mannlífsmyndir úr miðbæ Reykjavíkur og fólki að sækja póst í pósthólf, bera glöggt vitni. Fegurð mannlífsins sem birtist þar sem enginn býst við henni, heillar Jóhönnu fremur en það sem er upphafið. Hennar galdur felst í að gefa auganu þá fjarlægð og umgjörð sem þarf til þess að skynja fegurðina í augnablikunum.

Jóhanna stundaði nám í ljósmyndun hjá ljósmyndurunum Kristjáni Magnússyni og Leifi Þorsteinssyni. Árið 1971 réðst hún til starfa hjá Þjóðleikhúsinu þar sem hún starfaði í 14 ár sem aðalljósmyndari. Áttundi áratugurinn var mikill umbrotatími í íslenskri myndlist en Jóhanna tengdist mörgum myndlistarmönnum sterkum böndum og myndaði þá gjarnan verk þeirra. Ef ekki væri fyrir ljósmyndir Jóhönnu, væru heimildir um þennan merka tíma í listsköpun þjóðarinnar brotakenndar. Jóhanna lét af störfum hjá Þjóðleikhúsinu árið 1987 og hóf þá störf sem ljósmyndari Stofnunar Árna Magnússonar í íslenskum fræðum, þar sem hún starfar enn.

Upplýsingar

Upplýsingar

Ljósmyndasafn Reykjavíkur

Grófarhús, Tryggvagata 15, 6. hæð

101 Reykjavík

Sími: (+354) 411 6390

Hafðu samband

Opið

Opið

Mánudaga - fimmtudaga:

10:00 – 18:00

Föstudaga:

11:00 – 18:00

Helgar:

13:00 – 17:00

Lokað:

á uppstigningardag 25. maí og sunnud. -mánud. í hvítasunnu.

Aðgangseyrir

Aðgangur

Fullorðnir

1.000 kr.

Börn 17 ára og yngri

Ókeypis

67 ára+ og öryrkjar

Ókeypis

Nemendur með gilt skólaskírteini

900 kr.

Menningarkort, árskort á borgarsöfnin

6.000 kr.

Þarfnast síðan lagfæringar?

Látið okkur vinsamlegast vita

Skráðu þig á póstlista ljósmyndasafnsins

Við sendum þér upplýsingar um viðburði, tilboð og fleira skemmtilegt.

Þarnast þessi síða lagfæringar

Þarfnast þessi síða lagfæringar?

Skyldu eftir netfang þitt og sendu okkur ábendingu um hvernig við getum bætt innihald þessarar síðu.