Forsíða / Ljósmyndasafn Reykjavíkur / Ljósmyndasafnið - Sýningar / Ljós-hraði – Fjórir íslenskir samtímaljósmyndarar
28.02.2003 - 00:00 til 04.05.2003 - 00:00

Ljós-hraði – Fjórir íslenskir samtímaljósmyndarar

Sýningin Ljós-hraði – Fjórir íslenskir samtímaljósmyndarar – kynnir fram á sjónarsviðið ljósmyndir þeirra Orra, Katrínar Elvarsdóttur, Kristínar Hauksdóttur og Sigríðar Kristínar Birnudóttur.

Ljóshraði

Allar eiga myndirnar á sýningunni það sammerkt að endurspegla áhrif úr samfélaginu sem móta daglegt líf okkar og þann hraða sem því fylgir. Segja má að hver og einn ljósmyndaranna standi fyrir mismunandi viðhorf innan þessa viðfangsefnis og leggi til með verkum sínum eigið sjónarhorn á lífið og tilveruna. Enda þótt efnistök þeirra séu af margvíslegum toga og mótist af persónulegri reynslu, bakgrunni og áhugasviði hvers og eins, þá leiða myndirnar okkur allar inn í heim aðstæðna sem vekja upp ýmsar spurningar um það hvað bærist „undir yfirborðinu”. Verkin færa fram á sjónarsviðið svipleiftur úr fortíðinni og minningar sem gefa ímyndunarafli hlutlauss áhorfanda færi á að spinna eigin söguþráð.

 

Katrín Elvarsdóttir, (f.1964) sýnir ljósmyndir sem draga fram þann veruleika sem birtist okkur milli draums og vöku í staðinn fyrir að einblína á blákaldan raunveruleikann.

Kristín Hauksdóttir, (f.1966) er með tvær myndaraðir á sýningunni sem hún nefnir 1 og Frítími þar sem hún varpar upp í gegnum myndir sínar spurningum um manninn í samfélaginu.

Orri, (f.1970) sýnir portrettmyndaröð litaðri tilfinningaþrunginni spennu sem hefur orðið vegna sterkra og raunsærra áhrifa myndefnisins.

Sigríður Kristín Birnudóttir, (f.1972) leggur af mörkum portrettmyndaröð af eigin sjálfsmyndum, ríkum af tilvísunum eins og breytingum tengdum tímabilum lífs okkar og leitinni að sjálfsmyndinni.

 

Eitt meginmarkmið sýningarinnar er að þessi margvíslegu brot úr hugarheimi ljósmyndaranna varpi ljósi á „daginn í dag” og hvetji áhorfandann til að staldra við og gefa sér tíma til að hugsa um hvernig við lifum í núinu og hvernig við horfum á heiminn í kringum okkur en síðast en ekki síst er ætlunin að sýna almenningi þá miklu grósku sem er um þessar mundir á vettvangi íslenskrar samtímaljósmyndunar. Sýningin er haldin í tengslum við Vetrarhátíð í Reykjavík (27. febrúar til 2. mars 2003).

Upplýsingar

Upplýsingar

Ljósmyndasafn Reykjavíkur

Grófarhús, Tryggvagata 15, 6. hæð

101 Reykjavík

Sími: (+354) 411 6390

Hafðu samband

Opið

Opið

Mánudaga - fimmtudaga:

10:00 – 18:00

Föstudaga:

11:00 – 18:00

Helgar:

13:00 – 17:00

Lokað:

á uppstigningardag og sunnud.-mánud. í hvítasunnu og einnig 17. júní

Aðgangseyrir

Aðgangur

Fullorðnir

1.000 kr.

Börn 17 ára og yngri

Ókeypis

67 ára+ og öryrkjar

Ókeypis

Nemendur með gilt skólaskírteini

900 kr.

Menningarkort, árskort á borgarsöfnin

6.000 kr.

Þarfnast síðan lagfæringar?

Látið okkur vinsamlegast vita

Skráðu þig á póstlista ljósmyndasafnsins

Við sendum þér upplýsingar um viðburði, tilboð og fleira skemmtilegt.