Skotið
23.11.2018 til 04.02.2019

Ng Hui Hsien - "Byrði hismisins"

Sýning Ng Hui Hsien er tilraun listamannsins til að fanga tilfinningar sem kviknuðu í undirmeðvitund hennar við náttúruskoðun á Íslandi.

Ljósmyndasafn - Ng Hui Hsien

Kyrrð, ofsafengnir snjóstormar og tindrandi norðurljós urðu Ng Hui Hsien innblástur við sköpun myndraðarinnar Byrði hismisins. Verkið er ekki raunsönn birtingarmynd á landslagi og náttúru, fremur tilraun listamannsins til að fanga tilfinningar sem kviknuðu í undirmeðvitund hennar við náttúruskoðun. Eða með hennar eigin orðum: „Ég fer yfir þær hugsanir og tilfinningar sem koma upp á yfirborðið þegar ég kyrri hugann. Það ferli er ferðalag uppgötvunar.“

Ng Hui Hsien dvaldi á Húsavík árið 2015. Hún fór reglulega ein í gönguferðir í leit að hugarró, vopnuð myndavél og varð fyrir sterkum áhrifum af íslenskri náttúru og kyrrðinni sem hún upplifði.

Ng Hui Hsien vinnur sem listamaður og rithöfundur. Í list sinni kannar hún ýmis þemu s.s. meðvitund, raunveruleika og tengsl milli lifandi vera. Hún er menntuð í félagsfræði en hefur snúið sér að ljósmyndun í auknu mæli í seinni tíð. Verk hennar hafa verið sýnd í Singapúr, Malasíu, Grikklandi, Þýskalandi, Bretlandi og Japan.

Á sýningunni ber einnig að líta handsaumaða bók eftir ljósmyndarann sem gefin er út af Reminders Photography Stronghold galleríinu í Tókýó. Nánari upplýsingar www.huihsien.com  

Upplýsingar

Upplýsingar

Ljósmyndasafn Reykjavíkur

Grófarhús, Tryggvagata 15, 6. hæð

101 Reykjavík

Sími: (+354) 411 6390

Hafðu samband

Opið

Opið

Mánudaga - fimmtudaga:

10:00 – 18:00

Föstudaga:

11:00 – 18:00

Helgar:

13:00 – 17:00

Lokað:

Lokað á hvítasunnudag og annan í hvítasunnu./p>

24.-26. des og 31. des og 1. jan ár hvert

Aðgangseyrir

Aðgangur

Fullorðnir

1.000 kr.

Börn 17 ára og yngri

Ókeypis

Öryrkjar

Ókeypis

Nemendur með gilt skólaskírteini

700 kr.

Menningarkort, árskort á borgarsöfnin

6.000 kr.

Skráðu þig á póstlista ljósmyndasafnsins

Við sendum þér upplýsingar um viðburði, tilboð og fleira skemmtilegt.