Ljósmyndarýni á Ljósmyndahátíð Íslands 2020

Frá ljósmyndarýni 2018
Frá ljósmyndarýni árið 2018

Ljósmyndahátíð Íslands 2020

Kynnir:

LJÓSMYNDARÝNI 2020
17 - 18. janúar 2020

Staður: Sjóminjasafnið í Reykjavík (Borgarsögusafn) Grandagarði 8, 101 Reykjavík

Föstudagur 17. janúar kl. 9:00 - 15:00
Laugardagur 18. janúar kl. 9:00 - 12:00

Ljósmyndarýni verður haldin í fimmta skipti á Ljósmyndahátíð Íslands dagana 17. og 18. janúar 2020 og er það  Ljósmyndasafn Reykjavíkur (Borgarsögusafn) sem hefur veg og vanda af skipulagningu hennar.

Markmiðið með ljósmyndarýninni er að útvíkka tengslanet milli ljósmyndara í öllum greinum og listamanna sem vinna með miðilinn og veita þeim ráðleggingar og endurgjöf um verk sín.
 

HVAÐ ER LJÓSMYNDARÝNI?

Ljósmyndarýni er 20 mínútna fundur þar sem ljósmyndari/listamaður mætir með myndir sínar, á pappír eða á stafrænu formi og sýnir viðkomandi rýnanda. Um er að ræða bæði erlenda og íslenska rýnendur, sem eru sérfræðingar í sínu fagi, ýmist safn- og/eða sýningastjórar á söfnum og galleríum eða ritstjóra ljósmyndatímarita. Auk þess að veita þátttakendum umsögn um verk þeirra getur þátttaka í ljósmyndarýni haft í för með sér ýmis tækifæri eins og boð á erlendar hátíðir og/eða sýningaþátttöku innanlands sem utan.
 

STYRKUR ÚR MINNINGARSJÓÐI MAGNÚSAR ÓLAFSSONAR

Við skráningu getur viðkomandi valið hvort hann/hún vill sækja um styrk sem veittur er úr minningarsjóði Magnúsar Ólafssonar ljósmyndara (1862-1937). Dómnefnd sem samanstendur af öllum rýnendunum, velur svo styrkþega úr hópi þeirra þátttakenda sem kjósa að taka þátt.

Upphæð styrksins er 400.000 kr.

Minningarsjóðurinn er eini sjóður sinnar tegundar hér á landi og er tilgangur hans er að styrkja ljósmyndun á Íslandi sem listgrein.
 

FYRRI STYRKÞEGAR Á LJÓSMYNDARÝNI

2018 – Þorsteinn Cameron
2016 – Agnieszka Sosnowska
2014 – Bára Kristinsdóttir og Valdimar Thorlacius

SKRÁNING

Senda skal póst á umsjónarmann ljósmyndarýni: johanna.gudrun.arnadottir@reykjavik.is, þar sem eftirtalin atriði þurfa að koma fram:
 

  • Nafn, heimilisfang og kennitala viðkomandi.
  • Val á 4 til 5 rýnendum sem þú vilt hitta og raðaðu þeim í mikilvægiröð frá 1-5.

Nr. 1 er sá sem þú vilt helst hitta og sá 5. er til vara.

  • Reikningur birtist í heimabanka viðkomandi nokkrum dögum eftir að tilkynnt hefur verið um skráninguna og fer greiðslan því fram þannig.

ÞÁTTTÖKUGJALD

Þátttökugjald er 16.000 kr. fram til 31.desember n.k.
Eftir áramót fer gjaldið upp í 18.500 kr.

Takmarkað pláss er á rýnina og eftir því sem fólk skráir sig fyrr eru meiri líkur á að hitta þá sem það óskar helst.
 

LISTI YFIR RÝNENDUR