Gullborinn

arbaejarsafn_gullborinn.jpg

Gullborinn er einlyft timburhús með skúrþak, 8,87 m að lengd og 4,67 m á breidd, fluttur inn frá Þýskalandi, byggður 1922. Á miðhluta hússins er háreist fjórstrent risþak og píramítalöguð járngrind gerð úr fjórum hornstoðum sem ganga upp frá gólfi hússins. Veggir hallast inn að ofan en gaflar eru lóðréttir. Húsið stendur á timburstokkum. Veggir eru klæddir sléttum lóðréttum panelborðum en bakhlið er klædd bárujárni. Þök eru klædd pappa og bárujárni. Á framhlið eru tveir póstagluggar með 16 rúðum hvor og einn með sex rúðum á bakhlið. Hlerar eru fyrir gluggum. Á norðurgafli eru dyr með okahurð en stórar dyr á suðurgafli með vængjahurðum fyrir.  

Húsið er eitt herbergi og veggir og loft eru óklædd að innan. Á gólfi eru aflvélar sem knúðu bor sem notaður var til að var til að bora eftir gulli í Vatnsmýri 1922-1924 en eftir heitu vatni víða í Reykjavík á árunum 1927-1965.

Borinn var fluttur í safnið 1977.

arbaejarsafn_borinn_-_inni.jpg