Sjóminjasafn eldri nemendur 07.03.2017

Menning og mál

Leiðsögn fyrir erlenda nema í íslenskunámi, Íslenska fyrir útlendinga, um sýningar safnsins og varðskipið Óðinn. Miðuð að aldri og getu nemenda. Viðfangsefni heimsóknar er þróun í sögu fiskveiða á Íslandi og mikilvægi þeirra í sögu landsins. Gengið er síðan saman út í varðskipið Óðinn þar sem sögu þorskastríðanna er gerð skil ásamt sögu skipsins.

Sjóminjasafnið og Varðskipið Óðinn standa við höfnina

Mál og menning er samofin heild. Heimsókn á safn getur verið hjálpartæki í tungumálanámi og veitt innsýn inn í íslenskt menningarlíf. Í leiðsögninni kynnast nemendur sérstæðum orðaforða og málsniði.

Markmið

  • Að kynna sögu fiskveiða á Íslandi, mikilvægi þeirra í sögu landsins, sögu þorskastríðanna og varðskipsins Óðins.
  • Að auka við menningartengdan orðaforða og skilning á íslensku samfélagi og menningu.
  • Að efla samfélagslega vitund einstaklinga og hvetja til þátttöku í íslensku menningarlífi.

Tenging við námskrá

Í námskrá Mennta- og menningarmálaráðuneytis fyrir framhaldsfræðslu í íslensku fyrir útlendinga kemur fram mikilvægi þess að tengja saman námið og að kynnast menningarlífi landsins. Mál og menning er þannig samofin heild. Við gerð safnaefnis fyrir nemendur í íslenskukennslu voru námskrár Menntamálaráðuneytisins fyrir bæði grunnnám og framhaldsnám hafðar til hliðsjónar.

Kennsluefni / Kennslugögn

Kennurum stendur til boða listi yfir þann sérstæða orðaforða sem tengist sýningum Sjóminjasafnsins. Listinn er aðgengilegur hér að neðan í pdf skrá.

Undirbúningur fyrir heimsókn

Til að stuðla að vel heppnaðri heimsókn á safnið getur verið gott að fara yfir nokkur atriði:

  • Sjóminjasafnið er staðsett að Grandagarði 8, 101 Reykjavík. Strætó nr.14 stoppar beint fyrir utan.
  • Tímasetning heimsóknar ásamt lengd. Árétta fyrir hópnum að mæta stundvíslega.

Skipulag heimsóknar

Hópurinn hittist í andyri Sjóminjasafnsins við Grandagarð 8. Efni og tilurð heimsóknarinnar er útskýrð stuttlega áður en leiðsögnin hefst.

Leiðsagnir og málfar er miðað að aldri, getu og skilning hópsins hverju sinni. Nemendur eru jafnframt hvattir til að koma með spurningar og athugasemdir á meðan heimsókn stendur.

Gengið saman í gegnum sýningar safnsins, síðan haldið saman út í skip. Heimsókninni er lokið þegar hópurinn er komin aftur í andyri safnsins.

Úrvinnsla

Gagnlegt er að vinna úr heimsókninni fljótlega að henni lokinni, til dæmis næst þegar hópurinn hittist. Þetta eykur líkurnar á því að uppfylla markmið safnheimsóknarinnar og efla íslenskunám nemenda.

  • Nýta orðalistann. Jafnvel tengja einstök orð við hluti sem nemendur skoðuðu á safninu. Í tengslum við þetta er hægt að taka ljósmyndir af safngripum á meðan heimsókn stendur til að nýta síðar.
  • Upprifjun. Nemendur tala saman um það sem vakti athygli þeirra, hvað var áhugavert, hvað vissu þau ekki fyrir heimsóknina t.d.  Upprifjun getur verið á íslensku, móðurmáli nemenda eða öðru tungumáli.

Upplýsingar

Upplýsingar

Sjóminjasafnið í Reykjavík

Grandagarði 8

101 Reykjavík

Sími: (+354) 411 6340

Hafðu samband

Opið

Opið

Opið alla daga

10:00-17:00.

Leiðsögn í Óðni

Kl. 13:00, 14:00 og 15:00.

Tekið á móti hópum (10+) eftir samkomulagi. Hafið samband á sjominjasafnid@reykjavik.is

Páskar

Opið alla daga 10:00-17:00

nema föstud. langa og páskadag er opið 12:00-17:00.

Aðgangseyrir

Aðgangseyrir

Fullorðnir

1.600 kr.

Leiðsögn í Óðni

1.300 kr.

Safn + Óðinn

2.400 kr.

Nemendur með gilt skólaskírteini

Safn 900 kr., leiðsögn í Óðni 900 kr. Sameiginlegur miði 1.700 kr.

Börn 17 ára og yngri

Ókeypis

67 ára+ og öryrkjar

Ókeypis

Menningarkort Reykjavíkur

árskort á borgarsöfnin

6.000 kr.

Þarfnast síðan lagfæringar?

Látið okkur vinsamlegast vita

Skráðu þig á póstlista sjóminjasafnsins

Við sendum þér upplýsingar um viðburði, tilboð og fleira skemmtilegt.