Forsíða / Sjóminjasafnið í Reykjavík / Sjóminjasafnið - Sýningar / Reykvíkingar – myndbrot úr safni verkamanns
01.06.2014 - 00:00 til 31.08.2014 - 00:00

Reykvíkingar – myndbrot úr safni verkamanns

Karl fæddist í Traðarkoti við Hverfisgötu 10. júní 1895 og ólst upp í gamla Austurbænum. Til skamms tíma, um 1914-1916, starfaði hann og nam ljósmyndun á ljósmyndastofu Carls Ólafssonar við Laugaveg.

Reykvíkingar – myndbrot úr safni verkamanns

Karl fæddist í Traðarkoti við Hverfisgötu 10. júní 1895 og ólst upp í gamla Austurbænum. Til skamms tíma, um 1914-1916, starfaði hann og nam ljósmyndun á ljósmyndastofu Carls Ólafssonar við Laugaveg. Eftir það vann hann aðallega láglauna verkamannastörf, lengst af sem bæjarstarfsmaður hjá Reykjavíkurbæ, við gatnagerð, ýmis konar hreinsunarstörf, meindýraeyðingu o.fl.

Þrátt fyrir brauðstritið á götum bæjarins var myndavélin sjaldan langt undan enda má segja að Karl hafi gert ljósmyndaiðkun sína að lífstíll. Í efnahagslegu tilliti var Karl staddur í neðri lögum þjóðfélagsstigans, þ.e. fátækur fjölskyldumaður af alþýðustétt, öreigi í þröngu leiguhúsnæði allt sitt líf. Þrátt fyrir þessar samfélagslegu skorður, tókst honum, vopnaður myndavél, að skapa afar merkilegt heimildasafn ljósmynda sem býður upp á fágætt tækifæri til að skoða hið hversdagslega líf Reykvíkinga á fyrri helmingi 20. aldar í gegnum sjóngler fulltrúa þess sjálfs.

Karl var Reykjavíkurljósmyndari alþýðunnar og eitt af því sem sem einkennir myndir hans og sameinar þær flestar er grákaldur raunsæisblær augnabliksins – tifandi mannlíf hversdagsleikans: Glaðbeittir verkamenn iða af lífi á sólríkum vinnudegi á Ægisgötu, víðavangshlaupari kemur á harðastökki í átt að marki umvafinn áhorfendum í Austurstræti og barnungar stúlkur heilsa að hermannasið á Njálsgötunni.

Sýningin er samtarfsverkefni milli Ljósmyndasafns Reykjavíkur, þar sem að safn Karls Christians er varðveitt og Sjóminjasafnsins í Reykjavík.

Upplýsingar

Upplýsingar

Sjóminjasafnið í Reykjavík

Grandagarði 8

101 Reykjavík

Sími: (+354) 411 6340

Hafðu samband

Opið

Opið

Opið alla daga

10:00-17:00.

Leiðsögn í Óðni

Kl. 13:00, 14:00 og 15:00.

Tekið á móti hópum (10+) eftir samkomulagi. Hafið samband á sjominjasafnid@reykjavik.is

Páskar

Opið alla daga 10:00-17:00

nema föstud. langa og páskadag er opið 12:00-17:00.

Aðgangseyrir

Aðgangseyrir

Fullorðnir

1.600 kr.

Leiðsögn í Óðni

1.300 kr.

Safn + Óðinn

2.400 kr.

Nemendur með gilt skólaskírteini

Safn 900 kr., leiðsögn í Óðni 900 kr. Sameiginlegur miði 1.700 kr.

Börn 17 ára og yngri

Ókeypis

67 ára+ og öryrkjar

Ókeypis

Menningarkort Reykjavíkur

árskort á borgarsöfnin

6.000 kr.

Þarfnast síðan lagfæringar?

Látið okkur vinsamlegast vita

Skráðu þig á póstlista sjóminjasafnsins

Við sendum þér upplýsingar um viðburði, tilboð og fleira skemmtilegt.