Forsíða / Viðey / Viðey - Listaverk / Friðarsúlan
Viðey 18.09.2015 - 15:18

Friðarsúlan

Friðarsúlan í Viðey er hugarfóstur myndlistarmannsins, tónlistarmannsins og friðarsinnans Yoko Ono og er hugsuð sem leiðarljós fyrir heimsfrið.

Viðey_Friðarsúlan.jpg
Friðarsúla Yoko Ono

Verkið er í formi „óskabrunns“ en á hann eru orðin „Hugsa sér frið“ grafin á 24 tungumálum. Upp úr brunninum stígur ljóssúla sem er saman sett úr fimmtán geislum sem sameinast í einu sterku ljósi. Sex ljósgeislanna fara lárétt um göng á palli í kring um brunninn og er endurkastað upp á við með speglum. Pallurinn er þakinn þrenns konar íslensku grjóti – líparíti, grágrýti og blágrýti. Þessi hönnun er táknræn tjáning Yoko Ono á leiðbeiningarverki sem hún gerði árið 1965 og nefnist Ljóshús. „Ljóshúsið er tálsýn, byggt úr tæru ljósi. Sláðu upp strendingum á ákveðnum tíma dags, við ákveðna kvöldbirtu sem streymir gegnum strendingana, og ljóshúsið birtist í miðju vallarins eins og táknmynd, nema hvað þessi táknmynd býður þér inngöngu ef þú vilt. Svo kann að fara að ljóshúsið birtist ekki daglega, alveg eins og sólin skín ekki daglega.“

Þann 9. október 2007 var listaverkið tileinkað minningu Johns Lennon sem hefði þá orðið 67 ára. Á hverju ári lýsir friðarsúlan frá 9. október (fæðingardegi Lennons) til 8. desember (dánardags hans). Einnig logar ljósið frá vetrarsólstöðum til nýársdags og eina viku að vori. Rafmagnið í súluna er framleitt úr jarðhita og kemur frá Hellisheiðarvirkjun.

Uppsetning friðarsúlunnar er samstarfsverkefni Yoko Ono, Reykjavíkurborgar, Listasafns Reykjavíkur og Orkuveitu Reykjavíkur.

„Hugsa sér allt fólkið lifa lífinu í friði.“
– John Lennon

„Draumur sem mann dreymir einn er aðeins draumur. Draumur sem okkur dreymir saman er raunveruleiki.“
– Yoko Ono

„Ég vona að friðarsúlan muni lýsa upp heitar óskir um heimsfrið hvaðanæva að úr veröldinni og veita hvatningu, innblástur og samstöðu í heimi þar sem nú ríkir ótti og ringulreið. Sameinumst um að gera friðsæla veröld að veruleika.“
– Yoko Ono

Vefur Friðarsúlunnar 

Kveikt er árlega á Friðarsúlunni á eftirfarandi dögum:

  • 9. október - 8. desember (frá fæðingardegi John Lennons til dánardægurs hans)
  • 21. - 31. desember
  • 18. febrúar
  • 20. - 27. mars

Upplýsingar

Upplýsingar

Viðey

104 Reykjavík

Sími: (+354) 411-6360

Netföng:

Viðey - Borgarsögusafn

Ferjan

Viðeyjarstofa

Opið

Opið

Vetraropnun

1. okt - 14.maí. Einungis siglt laugardaga og sunnudaga.

Fyrsta sigling til Viðeyjar kl.13:15. Síðasta sigling frá Viðey kl.16:30.

Sumaropnun

15. maí - 30. sept. daglega.

Fyrsta sigling til Viðeyjar kl. 10:15.Síðasta sigling frá Viðey kl. 18:30.

Aðgangseyrir

Aðgangseyrir í ferjuna

Fullorðnir

1.200 kr.

Börn 0 - 6 ára

Ókeypis

Börn 7 - 15 ára

600 kr.

Eldri borgarar 70+

1.000 kr.

Öryrkjar

1.000 kr.

Handhafar Menningarkorts Reykjavíkur

10% afsláttur

Does this site need fixing?

Please send us your feedback

Skráðu þig á póstlista Viðey

Við sendum þér upplýsingar um viðburði, tilboð og fleira skemmtilegt.

Þarnast þessi síða lagfæringar

Þarfnast þessi síða lagfæringar?

Skyldu eftir netfang þitt og sendu okkur ábendingu um hvernig við getum bætt innihald þessarar síðu.