Leikjafjör

Skemmtileg sumardagskrá í heillandi umhverfi Árbæjarsafns. Árbæjarsafn býður upp á gott svæði til alls kyns útiveru og útileikja. Í boði frá 29.maí til 18. ágúst.

Hvaða leikir voru til í gamla daga?
Skemmtileg fræðsluleið sem veita krökkum fjölbreytta dagskrá á safnsvæði Árbæjarsafns. Aðeins í boði á sumrin.

Gamlir og góðir leikir
Byrjað er á léttri leiðsögn um safnsvæðið áður en krakkarnir fá að kynnast gömlum leikjum sem íslensk börn léku sér í á árum áður.
Notast er við leikjahefti safnsins svo að leiðbeinendur geti stýrt krökkunum í hinum ýmsu leikjum sem vinsælir voru á 20. öldinni og margir hverjir þekkja enn þann dag í dag.

Fjölbreytt nestisaðstaða er á svæðinu auk þess sem hægt er að grilla í lundinum á vestanverðu safnsvæðinu.
Vinsamlegast athugið að gert er ráð fyrir að dagskráin taki um 45 mínútum en frístundahópar mega vera að hámarki í 2 klst. á safnsvæðinu.

Í boði frá 8. júní til 18. ágúst.