Dagskrá Borgarsögusafns í haustfríinu 24.-28. okt. 2019

Ókeypis aðgangur fyrir fullorðna í fylgd með börnum!

ÁRBÆJARSAFN

Fimmtudagur 24. okt. – mánudagur 28. okt. kl. 13-17

Hlýtt & kalt. Opin fjölskyldusmiðja á efri hæð í húsinu Líkn þar sem gestir geta sest niður eftir heimsókn í hin fjölmörgu safnhús Árbæjarsafns og velt fyrir sér andstæðum, áferð, lit og formum sem gera hús hlýleg og notaleg eða kuldaleg og drungaleg.

Fimmtudagur 24. okt. – mánudagur 28. okt. kl. 13-17

Prjónarnir hennar Pálínu. Skemmtilegur inniratleikur um safnsvæðið með það að markmiði að finna prjóna og hnykil sem Pálína hefur gleymt í nokkrum húsum safnsins. Verðlaun í boði fyrir góðan árangur!

Sunnudagur 27. okt. kl. 13-16

Hrekkjavökugrímusmiðja. Upphitun fyrir Hrekkjavöku þar sem gestum gefst tækifæri að búa til óhugnalega grímu fyrir hrekkjavöku. Allt hráefni verður á staðnum sem og leiðbeinandi. 

Hrekkjavökugrímusmiðjan fer fram í Kornhúsinu og allir eru velkomnir.

Í boði verður að smakka nýbakaðar og ilmandi lummur í Árbæ.

LANDNÁMSSÝNINGIN

Fimmtudagur 24. okt. – mánudagur 28. okt. kl. 9-18

Finndu geirfuglinn! Ratleikur um Landnámssýninguna en þar hefur verið komið fyrir litlum geirfuglum sem nú þarf að finna! Gaman er að skoða sýninguna í leiðinni og fræðast um landnámið.

Rúnapúsl. Í krakkahorni Landnámssýningarinnar er hægt að setjast niður og spreyta sig á rúnapúsli í rólegheitum.

LJÓSMYNDASAFN REYKJAVÍKUR

24. okt. 10-18, 25. okt. 11-18 , 26.-27. okt 13-17 og 28. okt 10-18

Komdu og sjáðu! Léttur þrautaleikur fyrir krakka og fjölskyldur þeirra um sýningu safnsins Stefnumót– Norræn ljósmyndun út yfir landamæri. Verðlaun í boði fyrir góðan árangur!

SJÓMINJASAFNIÐ Í REYKJAVÍK

Fimmtudagur 24. okt. – mánudagur 28. okt. kl. 10-17

Léttur fjölskylduleikur um sýninguna Fiskur & fólk. Fjölskyldur geta skoðað sýninguna Fiskur & fólk með aðstoð skemmtilegra þrauta. Börn geta sótt sér glaðning þegar þau hafa lokið leiknum.

Fimmtudagur 24. okt. kl. 11

Fjölskylduleiðsögn um varðskipið Óðin. Sérfræðingur frá Sjóminjasafninu í Reykjavík fer með fjölskyldur um borð í varðskipið Óðin sem liggur við festar við safnið.

Athugið að aðeins 20 manns komast í leiðsögnina og gefa þarf sig fram í afgreiðslu. Fyrstir koma fyrstir fá.

Fimmtudagur 24. , 25., 28. okt. kl. 14-16

Neðansjávar sýndarveruleiki. Hægt verður að prófa sýndarveruleikagleraugu á sýningunni Melckmeyt 1659 – fornleifarannsókn neðansjávar dagana 24., 25. og 28. október milli kl. 14-16.