back

Heyannir í Árbæjarsafni

Það verður líf og fjör á Árbæjarsafni sunnudaginn 10. júlí kl. 13-16 því þá munu gestir ungir sem aldnir geta fylgst með og tekið virkan þátt í heyönnum eins og þær tíðkuðust fyrir daga heyvinnuvéla, með þeim fyrirvara að veður haldist þurrt.

Um aldir höfðu Íslendingar engin önnur verkfæri en ljá, orf og hrífu til að afla vetrarforðans. Víða var heyjað upp á gamla mátann fram yfir miðja síðustu öld, en nú eru gömlu handbrögðin sjaldséð í sveitum landsins. Missið ekki af þessu tækifæri til að komast í kynni við orf, ljá og hrífur og að taka þannig virkan þátt í heyönnum á Árbæjarsafni. Athugið að heyannir geta fallið niður ef veður er óhagstætt en þá er í hið minnsta alltaf hægt að njóta þess að kíkja í gömlu húsin og á allar sýningarnar sem þar er að finna og svo auðvitað að kíkja í kaffi á kaffihús safnsins í Dillonshúsi.

Árbæjarsafn er opið í allt sumar frá klukkan 10-17.

Ókeypis aðgangur fyrir börn, öryrkja og menningarkortshafa.