back

Kúmentínsla í Viðey

25.07.2022 X

Kúmen vex villt í Viðey og er fullþroskað og tilbúið til tínslu í ágústmánuði. Venju samkvæmt verður farið í kúmentínslu um eynna þetta árið.

tinum_kumen.jpg

Kynnt verður meðferð og virkni kúmens og hvar það sé helst að finna. Björk Bjarnadóttir, umhverfis- og þjóðfræðingur leiðir kúmentínsluna og segir gestum frá sögu kúmensins og fleiru sem tengist Viðey.

Upphaf kúmenræktunar má rekja til aftur til Skúla Magnúsar landfógeta sem hóf ýmsar ræktunartilraunir í Viðey upp úr miðri átjándu öld, þó með misjöfnum árangri. Viðeyjarkúmenið vex þar enn og þykir smærra og sætara en annað kúmen en það eru ekki allir sem vita að þetta litla fræ hefur þó nokkurn lækningamátt og ekki skemmir fyrir hversu bragðgott það er. 

Nánari upplýsingar um hvenær kúmentínslan fer fram verður birt innan skamms.

Viðey er hluti af Borgarsögusafni Reykjavíkur - Eitt safn á fimm frábærum stöðum.