Leiðsögn útskriftarnema Ljósmyndaskólans

Útskriftarnemendur Ljósmyndaskólans bjóða skólahópum upp á leiðsögn um sýningu sína í Ljósmyndasafni Reykjavíkur 16. - 31. janúar 2021.

Í janúar 2021 útskrifast 13 nemendur af Námsbraut í skapandi ljósmyndun 2 frá Ljósmyndaskólanum og útskriftarsýningin verður í Ljósmyndasafni Reykjavíkur 16. - 31. janúar. Hér er hægt að bóka leiðsögn með einum af útskriftarnemum Ljósmyndaskólans.

Útskriftarverkin eru afar fjölbreytt enda spanna viðfangsefni og aðferðir nemenda vítt svið. Í verkum sínum takast þau á við ólík málefni út frá ólíkum forsendum, mismunandi nálgun, listrænni sýn og fagurfræði. Verkin á sýningunni endurspegla þannig að einhverju leyti gróskuna í samtímaljósmyndun og fjölbreytta möguleika sem í ljósmyndamiðlinum felast.