07.02.2004 til 09.05.2004

LEIFUR ÞORSTEINSSON - Fólk og borg

Leifur Þorsteinsson hóf feril sinn sem ljósmyndari upp úr 1960 og er frumkvöðull í auglýsinga- og iðnaðarljósmyndun á Íslandi. Hann er einn virtasti ljósmyndari sinnar kynslóðar hérlendis og hefur tekið þátt í sýningum víða bæði innan lands og utan. Má þar nefna þátttöku hans í heimssýningunni EXPO 70 í Osaka auk þess sem hann var í forsvari fyrir Íslendinga á ljósmyndasýningunni Frozen Image á Scandinavia Today í Bandaríkjunum 1982. Einnig hefur Leifur hlotið menningarverðlaun DV í listhönnun fyrir sýninguna Kyrralíf í Stöðlakoti.

Fólk og borg

Leifur er einn af stofnendum Ljósmyndasafnsins sem síðar varð Ljósmyndasafn Reykjavíkur og hefur unnið ötullega að ljósmyndafræðslu, fyrst á vegum Ljósmyndarafélagsins, síðar í Iðnskólanum og Listaháskólanum. Þekking Leifs á efnafræðilegri hlið ljósmyndunar eins og lit og litvinnslu er mikils metin og hefur hann verið lærifaðir margra íslenskra ljósmyndara á því sviði sem og í tölvu- og myndvinnslu.

 

Myndirnar á sýningunni eru svart/hvítar og teknar á um 40 ára tímabili, frá 1963 allt til dagsins í dag. Þær bregða upp ýmsum stemmningum úr Reykjavík þar sem viðfangsefnið er fólkið og borgin, tveir órjúfanlegir þættir sem endurspeglast hvor í öðrum.

 

Leifur Þorsteinsson er fæddur í Reykjavík árið 1933. Hann stundaði nám í Kaupmannahöfn á árunum 1955 –1962, þar sem hann hóf nám í eðlis- og efnafræði en snéri sér síðan að ljósmyndun. Eftir Kaupmannahafnardvöl sína, árið 1962, stofnaði hann ljósmyndastofu sína Myndiðn í Reykjavík.

Upplýsingar

Upplýsingar

Ljósmyndasafn Reykjavíkur

Grófarhús, Tryggvagata 15, 6. hæð

101 Reykjavík

Sími: (+354) 411 6390

Hafðu samband

Tekið á móti hópum (10+) eftir samkomulagi

Skólaheimsóknir

Hafðu samband

Opið

Opið

mán-fim 10:00-18:00

fös 11:00-18:00

helgar 13:00-17:00

Jólahátíðin

Lokað 24.-26. des og 31. des- 1. jan.

Páskar

Lokað páskahelgina frá fim-mán

Verkalýðsdagurinn

Lokað 1. maí

Uppstigningardagur

Lokað 13. maí

Hvítasunna

Lokað 23.-24. maí

Þjóðhátíðardagurinn

Lokað 17. júní

Aðgangseyrir

Aðgangur

Fullorðnir

1.000 kr.

Börn og öryrkjar

Ókeypis

Nemendur með gilt skólaskírteini

720 kr.

Menningarkort, árskort á borgarsöfnin

6.500 kr.

ICOM og FÍSOS korthafar

Ókeypis

Skráðu þig á póstlista ljósmyndasafnsins

Við sendum þér upplýsingar um viðburði, tilboð og fleira skemmtilegt.