STEMNING

Ljósmyndasýning Friðgeirs Helgasonar

„Engu virðist skipta hvort ljósmyndarinn er staddur í New Orleans eða á Fáskrúðsfirði, ólíkir heimar verða að einum heimi, séð í gegnum linsuna hans.“  - Auður Jónsdóttir rithöfundur

Friðgeir fæddist í Vestmannaeyjum árið 1966. Þegar hann var aðeins sex ára gamall braust út eldgos sem leiddi til þess að fjölskylda hans og aðrir íbúar eyjarinnar þurftu að yfirgefa hana. Hús fjölskyldunnar fór undir hraun og þau sneru ekki aftur. Friðgeir ólst því upp í Reykjavík en hélt ungur út í hinn stóra heim. Hann hætti í menntaskóla þegar forsætisráðherra Ísland, Steingrímur Hermannsson, afhenti honum flugmiða sem hann vann í rokk spurningakeppni.

Friðgeir ílengdist í Louisiana í Bandaríkjunum og þar sem hann vann sér inn gott orðspor sem kokkur í New Orleans. Um tíma var Friðgeir heimilislaus og barðist við fíkn, vandi m.a. komur sínar á hina alræmdu götu, Skid Row, í Los Angeles. Árið 2004 náði Friðgeir botninum, skráði sig í meðferðarúrræði hjá Midnight Mission og útskrifaðist þaðan árið 2006. Í kjölfarið nam hann ljósmyndun og kvikmyndun við Los Angeles City College á árunum 2006-2009. Hann fann fljótt sína sterku rödd og einstöku sýn sem hefur skapað honum sérstöðu.

„Ljósmyndirnar á sýningunni eru teknar á þvælingi um þau tvö svæði sem eru mér kærust, Ísland og Louisiana. Ég vann að verkinu frá 2008 til 2013. Myndirnar eru allar teknar á Kodak-filmu og ég stækka filmurnar á gamla mátann. Fyrir mér er ekkert skemmtilegra en að keyra stefnulaust um þjóðvegi, með gamla góða Pentaxinn og slatta af filmum í skottinu. Stoppa í vegasjoppu, spjalla við innfædda og fá mér eitthvað gott í gogginn. Vera fullkomlega gegnsósa í góðri stemningu og taka ljósmyndir.“ –Friðgeir Helgason

Sýningin er á dagskrá Ljósmyndahátíðar Íslands sem fram fer dagana 14.-17. janúar 2016