SKOTIÐ 03.12.2015 til 26.01.2016

ÞAR SEM LANDIÐ RÍS

Ljósmyndasýning Peters Holliday

Ljósmynd eftir Peter Holliday

Í nýjustu ljósmyndaröð sinni, Þar sem landið rís, fjallar Peter Holliday um eldgosið í Heimaey sem hófst þann 23. janúar 1973. Þessar ofsafengnu jarðhræringar höfðu óafturkræf áhrif á útlit og landslag eyjarinna, fjölmörg heimili grófust undir hraun sem breiddi úr sér yfir hluta byggðarinnar. Umhverfið og búsetuskilyrði gjörbreyttust. Rýma varð eyjuna nánast á einni nóttu og átti fólk ekki kost á að snúa heim fyrr en mörgum mánuðum síðar. Þrátt fyrir að ásýnd eyjarinnar hafi breyst á svo ofsafenginn hátt, leit og lítur meginþorri eyjabúa á Heimaey sem sitt heimili, sína öruggu höfn í óstýrilátu Atlantshafinu.

Peter tók ljósmyndir af fólki sem upplifði hamfararnir ásamt því að skrásetja upplifun þess. Í gegn um minningar þess gerði hann sér í hugarlund hvernig landslag eyjarinnar var áður en hraunbreiða huldi hluta hennar. Hann fór í saumana á atburði sem átti sér stað ekki fyrir svo löngu, þar sem fólk missti eða átti á hættu að missa heimili sitt og lífsviðurværi.

Peter vinnur með þemun tími, heimili, minningar og samfélag. Í Ljósmyndaröðinni tekur ljósmyndarinn á því hvernig landslag mótar mannlega reynslu. Breytilegt landslag eldfjallaeyjarinnar hefur áhrif á sálarlíf og hugsanir fólks sem þar býr.

Peter Holliday (f. 1992) lauk námi í hönnun og menningarmiðlun frá Glasgow School of Art árið 2015. Hann var í hópi tuttugu útskriftanema í ljósmyndun á landsvísu sem fékk boð um að taka þátt í Creative Review’s UK sem er vettvangur fyrir unga sjónlistamenn til að sýna verk sín í almenningsrými s.s. á lestarstöðvum og í verslunarmiðstöðum. Verk Peters hafa birst víða m.a. nýverið í franska dagblaðinu Libération.

http://www.peterhollidayphoto.com/

Upplýsingar

Upplýsingar

Ljósmyndasafn Reykjavíkur

Grófarhús, Tryggvagata 15, 6. hæð

101 Reykjavík

Sími: (+354) 411 6390

Hafðu samband

Opið

Opið

mán-fim 10:00-18:00

fös 11:00-18:00

lau-sun 13:00-17:00

Lokað:

Á páskum frá fimmtudegi - mánudags. Hvítasunnudag og annan í hvítasunnu.

24.-26. des og 31. des og 1. jan ár hvert

Aðgangseyrir

Aðgangur

Fullorðnir

1.000 kr.

Börn 17 ára og yngri

Ókeypis

Öryrkjar

Ókeypis

Nemendur með gilt skólaskírteini

700 kr.

Menningarkort, árskort á borgarsöfnin

6.500 kr.

Skráðu þig á póstlista ljósmyndasafnsins

Við sendum þér upplýsingar um viðburði, tilboð og fleira skemmtilegt.