Teikningar Jóns Baldurs Hlíðberg

Sýningin samanstendur af teikningum Jóns Baldurs af fiskum, hryggleysingjum og kynjaskeppnum ásamt stuttu kynningamyndbandi um störf hans sem teiknara.

Jón Baldur Hlíðberg fæddist í Reykjavík árið 1957. Hann stundaði nám við Myndlistarskólann í Reykjavík 1982-83 og Myndlista- og handíðaskóla Íslands 1983-85.  Jón Baldur hefur myndskreytt fjölda bóka, m.a. Íslenskir fuglar (1998), Íslensk spendýr (2004) og Íslenskir fiskar (2006). Teikningar og vatnslitamyndir eftir Jón hafa einnig birst í ýmsum útgáfum, svo sem bæklingum, fræðsluskiltum, frímerkjum, kennslubókum, tímaritum og vefsíðum.