Safnfræðsla
Fræðsla fyrir skóla- og frístundahópa
Borgarsögusafn býður upp á fræðslu sem hæfir hverju skólastigi og tekur mið af aðalnámskrá.
Hér er hægt að skoða fræðsluframboð safnsins og bóka heimsóknir á Árbæjarsafn, Landnámssýninguna, Ljósmyndasafn, Sjóminjasafn og Viðey.
Fræðslan er ókeypis fyrir alla skólahópa á öllum skólastigum og hópa í skipulögðu frístundastarfi.
Veldu fyrst viðeigandi skólastig og síðan fræðslu úr listanum með því að ýta á hnappinn BÓKA. Þá opnast upplýsingagluggi, skrollaðu niður og veldu dagsetningu og tíma og fylltu út umbeðnar persónuupplýsingar.
Athugið bóka þarf alla hópa sem hyggjast heimsækja safnið, hvort sem þeir ætla sér að þyggja fræðslu eða ekki.
Nánari upplýsingar: safnfraedsla@reykjavik.is
Manstu gamla daga?
Sumarfræðsla Árbæjarsafns árið 2020. Gengið er um safnsvæðið ásamt leiðsögumanni. Kíkt er inn í nokkur hús, komið við hjá húsdýrunum og endað í skemmtilegum útileikjum.
Bóka
Leikjafjör
Við bjóðum upp á fræðandi leiki fyrir hópa sem vilja njóta útiveru í einstöku umhverfi. Leikirnir eru þrír og henta mismunandi aldri: Litir og form fyrir 5 - 9 ára; Föturnar hans Friðriks fyrir 6 - 14 ára og Lífið án farsíma fyrir 11 - 14 ára. Einnig er hægt að aðlaga leikina fyrir ungt fólk og fullorðna. Tekur u.þ.b. 30 mínútur.
Bóka
Komdu að leika!
Hvað eiga leggur, skel og Baby-born dúkka sameiginlegt? Kynning á sögu leikfanga á tuttugustu öldinni og frjáls leiktími á stöðvum sem sýna hýbýli og leikföng frá mismunandi tímum – allt frá árinu 1900 fram til okkar daga. Vinsamlegast athugið að bóka þarf sérstaklega ef borða á nesti í heimsókninni. Vinslamlegast athugið að vegna aðstæðna í samfélaginu verður leikfangasýningin lokuð um óákveðinn tíma. Við bendum þess í stað á Leikjafjör sem sniðið er að börnum á öllum aldri.
Bóka
Komdu og skoðaðu landnámsdýrin
Fyrsta fólkið sem settist að á Íslandi kom með ýmislegt með sér frá sínum fyrri heimkynnum, þar á meðal húsdýr. Í heimsókninni er rætt um þessi húsdýr og hvernig hugsað var um þau. Einnig kenndir leikir er tengdust dýrunum.
Bóka
Komdu og skoðaðu landnámsdýrin - Heimsókn í leikskóla
Fyrsta fólkið sem settist að á Íslandi kom með ýmislegt með sér frá sínum fyrri heimkynnum, þar á meðal húsdýr. Sérfræðingur frá safninu heimsækir börnin í leikskólann og ræðir um þessi húsdýr og hvernig hugsað var um þau. Þá sýnir hann þeim einnig leiki er tengdust dýrunum.
Bóka
Hvað er sýning?
Hvernig ætli sýning sé búin til á ljósmyndasafni? Er ljósmyndasýning ólík öðrum sýningum t.d. leiksýningum? Æfum myndlestur og spjöllum um það sem fyrir augu ber. Upplagt sem fyrsta heimsókn á safn.
Bóka
Fagur fiskur í sjó
Lærum um fiska í sjónum, stóra sem smáa. Beitum skapandi nálgun til að skoða sýninguna Fiskur & Fólk og nýtum margmiðlun og leiki til þess að læra. Í heimsókninni eru börnin hvött til að taka virkan þátt með samtali og spurningum.
Bóka
Alvöru varðskip!
Könnunarleiðangur um varðskipið Óðinn. Lærum um muninn á varðskipi og togara, trillu og skútu. Skemmtileg og skrítin orð sem eru notuð í tengslum við sjómennsku og skip. Kynnumst fólkinu sem starfaði um borð. Athugið að vegna öryggisráðstafana er hámarksfjöldi um borð 18 (þ.m.t. börn, kennarar og starfsfólk). Vinslamlegast athugið að vegna aðstæðna í samfélaginu verður varðskipið Óðinn lokað umóákveðinn tíma. Við bendum þess í stað á Fagur fiskur í sjó, þar sem börnin fræðast fyrst og fremst um fiskana í kringum Ísland.
Bóka
Viðey fyrir leikskóla - 5 klst.
Í Viðey eru mörg útivistarsvæði, fjörur og listaverk. Eyjan er friðlýst svæði og hluti af heimsókninni er að læra að bera virðingu fyrir náttúrunni og gæta fyllst öryggis. Hægt er að fá lánuð fræðsluhefti til innblásturs og stuðnings við heimsóknina.
Bóka
Viðey fyrir leikskóla - 3 klst.
Í Viðey eru mörg útivistarsvæði, fjörur og listaverk. Eyjan er friðlýst svæði og hluti af heimsókninni er að læra að bera virðingu fyrir náttúrunni og gæta fyllst öryggis.Hægt er að fá lánuð fræðsluhefti til innblásturs og stuðnings við heimsóknina.
Bóka
Manstu gamla daga?
Sumarfræðsla Árbæjarsafns árið 2020. Gengið er um safnsvæðið ásamt leiðsögumanni. Kíkt er inn í nokkur hús, komið við hjá húsdýrunum og endað í skemmtilegum útileikjum.
Bóka
Kíkt í Koffortið + Komdu að leika!
Nemendum er boðið að skoða opna safngeymslu sem kallast Koffortið og uppgötva þar safngripi (gamla muni) og læra um þá í gegnum leik. Endað er á að skoða sýninguna Komdu að leika.
Bóka
Verk að vinna
Heimsóknin er hugsuð sem vettvangsferð í tengslum við námsefnið „Komdu og skoðaðu íslenska þjóðhætti“ til að kynnast lífinu í gamla bændasamfélaginu og sjávarþorpinu Reykjavík. Nemendur fá að vinna verk inni eða úti eftir árstíma og veðri, til dæmis að kemba ull, sópa, finna eldivið eða bera vatn.
Bóka
Neyzluhættir
Sýningin Neyzlan varpar ljósi á örar breytingar á neysluháttum á 20. öld. Markmið heimsóknarinnar er að beina sjónum að eigin neyslu, sóun og áhrifum mannsins á umhverfið. Nemendur vinna hópverkefni sem eflir skapandi og gagnrýna hugsun í afslöppuðu umhverfi. Rútur í boði fyrir grunnskóla Reykjavíkur.
Bóka
Leikjafjör
Við bjóðum upp á fræðandi leiki fyrir hópa sem vilja njóta útiveru í einstöku umhverfi. Leikirnir eru þrír og henta mismunandi aldri: Litir og form fyrir 5 - 9 ára; Föturnar hans Friðriks fyrir 6 - 14 ára og Lífið án farsíma fyrir 11 - 14 ára. Einnig er hægt að aðlaga leikina fyrir ungt fólk og fullorðna. Tekur u.þ.b. 30 mínútur.
Bóka
Lífið á landnámsöld
Hvað vitum við um líf og störf fólks á landnámsöld? Landnám Reykjavíkur og Íslands er skoðað út frá fornleifum sem hafa fundist m.a. verkfærum, skrautmunum, matarafgöngum og heilum húsum. Þannig fáum við betri skilning á lífinu fyrir 1000 árum.
Bóka
Siglum til Íslands
Á landnámsöld fluttist norrænt fólk til Íslands og settist hér að. Flutningurinn yfir hafið var hvorki auðveldur né áhættulaus. Í heimsókninni verður fjallað um undirbúning og framkvæmd Íslandsfararinnar.
Bóka
Hvaðan komu Íslendingar?
Samkvæmt rannsóknum var Ísland upphaflega land innflytjenda. En hvaðan kom landnámsfólkið? Voru þetta allt heiðnir Norðmenn eða kom fólkið frá ólíkum menningarheimum? Í heimsókninni verður rætt um menningu, trú, þrælahald og viðhorf á víkingaöld.
Bóka
Krakkaleikir í kvosinni
Fræðumst um leiki í gamla daga og prófum! Hvernig lék fólk sér á nítjándu öld? Standast leikirnir tímans tönn? Starfsmaður tekur á móti hópnum utandyra, en leiksvæðið er miðbærinn, ýmsir vellir, garðar og torg. Athugið að þessi dagskrá krefst virkrar þátttöku og er háð veðri.
Bóka
Hvernig lesum við myndir?
Umfjöllunarefni heimsóknarinnar fer eftir sýningu hverju sinni með áherslu á myndlestur, túlkun og staðreyndir. Veltum fyrir okkur spurningum eins og: Höfðar myndin til mín? Hvaða tilfinningar kallar hún fram? Hefur myndin heimildargildi? Gefur hún okkur vísbendingar um raunveruleikann? Fræðslan er aðlöguð að aldri og getu nemenda.
Bóka
Orð og mynd
Léttur leikur sem felst í því að skoða ljósmyndir og tengja orð eða hugtök við þær. Við rýnum í viðfangsefni myndanna og sjáum hvert myndlesturinn leiðir okkur. Einnig er hægt að aðlaga fræðsluna fyrir ungt fólk og fullorðna.
Bóka
Komdu og skoðaðu hafið!
Sýningin Fiskur & fólk er skoðuð og rætt um lífríki sjávar, mismunandi báta og skip ásamt störfum í fiskvinnslu. Heimsóknin tengist námsefninu „Komdu og skoðaðu hafið“ sem er aðlagað sýningunni.
Bóka
Björgunarskipið Óðinn
Rannsóknarferð um króka og kima varðskipsins Óðins sem var eitt helsta björgunarskip við Íslandsstrendur á sínum tíma. Förum yfir sögu skipsins, kynnumst ólíkum hlutverkum sem áhöfnin sinnti í neyðartilvikum og förum stuttlega yfir sögu þorskastríðanna. Athugið að vegna öryggisráðstafana er hámarksfjöldi um borð 18 (þ.m.t. börn, kennarar og starfsfólk). Vinslamlegast athugið að vegna aðstæðna í samfélaginu verður varðskipið Óðinn lokað um óákveðinn tíma. Við bendum þess í stað á Komdu og skoðaðu hafið, þar sem nemendur fræðast um ýmislegt tengt sjósókn.
Bóka
Lífið um borð
Förum í varðskipið Óðinn og setjum okkur í spor áhafnarinnar. Nemendur fá einstakt tækifæri að klæðast búningum og kynnast ólíkum störfum um borð. Lærum jafnframt um sögu varðskipsins Óðins á göngu okkar um skipið. Áhersla lögð á umræður og þáttöku. Athugið að vegna öryggisráðstafana er hámarksfjöldi um borð 18 (þ.m.t. börn, kennarar og starfsfólk). Vinslamlegast athugið að vegna aðstæðna í samfélaginu verður varðskipið Óðinn lokað um óákveðinn tíma. Við bendum þess í stað á Þúsund þorskar á færibandi, þar sem nemendur fræðast fyrst og fremst fiskvinnslu.
Bóka
Kafað eftir fornleifum!
Hollenska skipið Mjaltastúlkan sökk fyrir rúmum 350 árum síðan. Á sýningunni „Melckmeyt 1659 – fornleifarannsókn neðansjávar“ skoðum við gripi úr skipinu sem fundust á hafsbotni og kynnumst aðferðum fornleifafræðinnar á virkan hátt með aðstoð sýndarveruleika. Vinslamlegast athugið að vegna aðstæðna í samfélaginu verður ofangreind fræðsla ekki í boði um óákveðinn tíma. Við bendum þess í stað á Þúsund þorskar á færibandi (5.-7. bekk), þar sem nemendur fræðast fyrst og fremst um fiskvinnslu, eða Hvað er svona merkilegt við fiskveiðar? (8.-10. bekk), þar sem nemendur skoða aðalsýningu safnsins út frá áhrifum veiða á umhverfið.
Bóka
Þúsund þorskar á færibandi
Á sýningunni „Fiskur & fólk“ er aflanum fylgt frá miðum í maga og skoðað hvernig hann er unninn. Nemendur kynnast starfi fiskvinnslufólks Bæjarútgerðar Reykjavíkur sem áður var staðsett í safnhúsinu og vinna verkefni í hópum.
Bóka
Hvað er svona merkilegt við fiskveiðar?
Sýningin „Fiskur & fólk“ er skoðuð út frá umhverfismálum. Nemendur vinna í hópum, beita sjálfstæðum vinnubrögðum og rýna í veiðiaðferðir fyrr og nú.
Bóka
Til hvers eru varðskip?
Gengið saman um varðskipið Óðinn, fjallað um hlutverk þess, sögu og þátttöku Íslands í þorskastríðunum. Fjallað ítarlega um hlutverk Óðins í deilunum sem og almenna sögu skipsins. Athugið að vegna öryggisráðstafana er hámarksfjöldi um borð 18 (þ.m.t. börn, kennarar og starfsfólk). Vinslamlegast athugið að vegna aðstæðna í samfélaginu verður varðskipið Óðinn lokað um óákveðinn tíma. Við bendum þess í stað á Hvað er svona merkilegt við fiskveiðar?, þar sem nemendur skoða aðalsýningu safnsins út frá áhrifum veiða á umhverfið.
Bóka
Fiskur og fjör
Stuttur og léttur leiðangur um sýninguna „Fiskur & fólk“ þar sem leiðbeinendur og krakkar vinna saman í hópum við að leysa þrautir. Í lok heimsóknar er upplagt að skoða hafnarsvæðið í Reykjavík með hjálp smáforritsins Minjaslóð. Bjóðum upp á tvennskonar erfiðleikastig, sem henta annars vegar fyrir 6 - 9 ára og hinsvegar fyrir 10 - 12 ára. Miðað er við að hópar séu ekki stærri en 25 (þ.m.t. börn, kennarar og starfsfólk).
Bóka
Varðskipið Óðinn
Könnunarleiðangur um króka og kima varðskipsins Óðins þar sem farið er yfir hlutverk þess og öryggi á sjó. Gengið um þilför skipsins þar sem við skoðum brú, káetur og messa. Sérstök leiðsögn fyrir frístundahópa. Athugið að vegna öryggisráðstafana er hámarksfjöldi um borð 18 (þ.m.t. börn, kennarar og starfsfólk). Vinslamlegast athugið að vegna aðstæðna í samfélaginu verður varðskipið Óðinn lokað um óákveðinn tíma. Við bendum þess í stað á Fiskur og fjör, þar sem krakkar og leiðbeinendur vinna saman við að leysa þrautir.
Bóka
Viðey fyrir grunnskóla - 5 klst.
Saga Viðeyjar og náttúra skapa ríkulegan jarðveg til fræðslu í ólíkum námsgreinum. Það er tilvalið fyrir 5. - 7. bekk að nýta sér fræðsluhefti sem fjalla ýmist um sögu, náttúru eða list. Kennarar geta svo valið að nota allt heftið eða hluta þess, eftir því sem hentar best.
Bóka
Viðey fyrir grunnskóla - 3 klst.
Saga Viðeyjar og náttúra skapa ríkulegan jarðveg til fræðslu í ólíkum námsgreinum. Það er tilvalið fyrir 5. - 7. bekk að nýta sér fræðsluhefti sem fjalla ýmist um sögu, náttúru eða list. Kennarar geta svo valið að nota allt heftið eða hluta þess, eftir því sem hentar best.
Bóka
Þorp og sveit í borginni
Á Árbæjarsafni er leitast við að gefa hugmynd um byggingalist og lifnaðarhætti í Reykjavík. Boðið er upp á sýningar og leiðsagnir, þar sem einstökum þáttum í sögu Reykjavíkur eru gerð skil. Kennarar geta nýtt sér sýningar safnsins í verkefnavinnu nemenda eða fengið leiðsögn með safnkennara um valdar sýningar og tiltekin hús. Við hvetjum kennara að hafa samband við fræðsluteymi safnsins við nánari útfærslu á heimsóknum og leiðsögnum.
Bóka
LÍKN – fjölnota fræðsluhús fyrir smiðjur og nemendasýningar
Á efri hæð hússins LÍKN er aðstaða fyrir ýmsar smiðjur og nemendasýningar í samstarfi við skóla og aðra aðila er tengjast starfsemi safnsins. Á neðri hæðinni er sýning um sögu ljósmyndunnar og ljósmyndastúdíó með búningum og fylgihlutum. Við hvetjum kennara til að ráðfæra sig við fræðsluteymi Borgarsögusafns um möguleika rýmisins.
Bóka
Líf og tilvera fyrstu íbúa Reykjavíkur
Þungamiðja Landnámssýningarinnar er rúst skála frá 10. öld sem fannst árið 2001 og er varðveitt á sínum upphaflega stað. Reynt er að gefa hugmynd um líf og umhverfi Reykjavíkur eins og það var við landnám. Efni sýningarinnar byggir á niðurstöðum fornleifarannsókna og kynna túlkanir fræðimanna á þessu tímabili sögunnar. Við hvetjum kennara að ráðfæra sig við fræðsluteymi Borgarsögusafns við útfærslu og bókun heimsókna.
Bóka
Leiðsögn um sýningar
Í heimsókn á Ljósmyndasafnið fá nemendur innsýn í þær hugmyndir sem sýningin byggir á. Ljósmyndasafn Reykjavíkur setur upp fjölbreyttar sýninga ár hvert. Markmiðið er að kynna íslenska ljósmyndara og koma á framfæri, sýna verk úr safneign sem og að sýna verk erlendra ljósmyndara.
Bóka
Fiskur og fólk: sjósókn í 150 ár
Sýningin fjallar um sögu fiskveiða á Íslandi, frá því árabátar viku fyrir stórskipaútgerð á síðustu áratugum 19. aldar og allt fram yfir aldamótin 2000. Þessi margslungna saga er sögð frá sjónarhóli stærsta útgerðarbæjar landsins, Reykjavíkur. Bjóðum upp á leiðsagnir um sýninguna.
Bóka
Varðskipið Óðinn: Björgun og barátta
Bjóðum upp á klukkustundarleiðsögn um borð í varðskipinu Óðni, en skipið tók þátt í þorskastríðunum gegn bretum á 20. öld. Í leiðsögninni er bæði rætt um þorskastríðin og björgunarsögu skipsins. Athugið að vegna aðstæðna í samfélaginu verður varðskipið Óðinn lokað um óákveðinn tíma. Þess í stað bendum við á fræðsluna okkar Fiskur og Fólk: Sjósókn í 150 ár, þar sem aðalsýning safnsins er skoðuð.
Bóka
Þorp og sveit í borginni
Á Árbæjarsafni er leitast við að gefa hugmynd um byggingalist og lifnaðarhætti í Reykjavík. Boðið er upp á sýningar og leiðsagnir, þar sem einstökum þáttum í sögu Reykjavíkur eru gerð skil. Kennarar geta nýtt sér sýningar safnsins í verkefnavinnu nemenda eða fengið leiðsögn með safnkennara um valdar sýningar og tiltekin hús. Við hvetjum kennara að hafa samband við fræðsluteymi safnsins við nánari útfærslu á heimsóknum og leiðsögnum.
Bóka
Líf og tilvera fyrstu íbúa Reykjavíkur
Þungamiðja Landnámssýningarinnar er rúst skála frá 10. öld sem fannst árið 2001 og er varðveitt á sínum upphaflega stað. Reynt er að gefa hugmynd um líf og umhverfi Reykjavíkur eins og það var við landnám. Efni sýningarinnar byggir á niðurstöðum fornleifarannsókna og kynna túlkanir fræðimanna á þessu tímabili sögunnar. Við hvetjum kennara að ráðfæra sig við fræðsluteymi Borgarsögusafns við útfærslu og bókun heimsókna.
Bóka
Leiðsögn um sýningar
Í heimsókn á Ljósmyndasafnið fá nemendur innsýn í þær hugmyndir sem sýningin byggir á. Ljósmyndasafn Reykjavíkur setur upp fjölbreyttar sýninga ár hvert. Markmiðið er að kynna íslenska ljósmyndara og koma á framfæri, sýna verk úr safneign sem og að sýna verk erlendra ljósmyndara.
Bóka
Fiskur og fólk: sjósókn í 150 ár
Sýningin fjallar um sögu fiskveiða á Íslandi, frá því árabátar viku fyrir stórskipaútgerð á síðustu áratugum 19. aldar og allt fram yfir aldamótin 2000. Þessi margslungna saga er sögð frá sjónarhóli stærsta útgerðarbæjar landsins, Reykjavíkur. Bjóðum upp á leiðsagnir um sýninguna.
Bóka
Varðskipið Óðinn: Björgun og barátta
Bjóðum upp á klukkustundarleiðsögn um borð í varðskipinu Óðni, en skipið tók þátt í þorskastríðunum gegn bretum á 20. öld. Í leiðsögninni er bæði rætt um þorskastríðin og björgunarsögu skipsins. Athugið að vegna aðstæðna í samfélaginu verður varðskipið Óðinn lokað um óákveðinn tíma. Þess í stað bendum við á fræðsluna okkar Fiskur og Fólk: Sjósókn í 150 ár, þar sem aðalsýning safnsins er skoðuð.
Bóka