Umhverfismennt

Heimsókn á sýninguna Við erum jörðin – við erum vatnið. Fræðsla byggir á námsefni í umhverfismennt: Hreint haf og Mengun sjávar.

Fræðsla er byggð á Umhverfismennt út frá námsefninu Hreint haf sérstaklega miðað að 1. - 7. bekk grunnskóla.

Fyrri hluti heimsóknar:

Heimsókn á nýja sýningu Við erum jörðin – við erum vatnið sem er upplifunarverk Heimis Hlöðverssonar. Kynnumst náttúrunni á óvenjulegan hátt þar sem lögð áhersla á upplifun og ímyndunarafl nemanda. 

Förum yfir nýlegar rannsóknir varðandi ruslmengun í hafinu og kynnumst hvaða rusl er algengast við Ísland. Tölum um nýja tækni við hreinsun, endurvinnslu, endurnýtingu og mikilvægi að bera virðingu fyrir náttúrunni.

Hvernig höfum við áhrif á hafið? Veltum fyrir okkur lausnum og spjöllum um hvað nemendur gera í skólanum og heima fyrir umhverfið.

Seinni hluti heimsóknar: 

1. - 4. bekkur: Gengið saman um sýninguna Fiskur og fólk og veltum fyrir okkur notkun á plasti í sjávarútveginum og á sýningunni. Getum við notað eitthvað annað efni? Hvenær er sniðugt að nota plast og hvenær getum við notað eitthvað annað?

5. - 7. bekkur: Hópavinna og verkefni um notkun plasts í sjávarútveginum: Nemendur velta fyrir sér hvaða efn væri hægt að nota? 

Eftir fræðsluna er frjáls tími í Bryggjusalnum þar sem er fjölskyldurými þar sem börn geta leikið sér frjálst og horft út á hafið.

Fræðslan er aðlöguð að aldri og getu nemenda.