Árbæj­arsafn

Leiðsögumaður fer með gesti í öll helstu hús Árbæjarsafns og segir frá sögu þeirra. Leiðsögnin fer að mestu fram á ensku og tekur rúma klukkastund.

Það ber sannarlega vel í veiði fyrir aðdáendur íslenska fjárhundsins Lubba því sunnudaginn 31. maí kl. 13.00-16.00 verður haldið útgáfuhóf í tilefni af útgáfu bókanna Lubbi á Árbæjarsafni og Lubbi og Púki prakkari, en það er Forlagið sem gefur bækurnar út. 📖 🐕 kl. 13.00-16.00 – Teiknaðu þinn eigin Lubba! Börn teikna sínar eigin Lubba-myndir úr verkefnabókunum hans Lubba. 🐕 kl. 13.00-16.00 – Skemmtilegur ratleikur með Lubba um safnsvæðið fyrir unga sem aldna. 🐕 kl. 14.00 – Eyrún Ísfold Gísladóttir og Þóra Másdóttir, höfundar bókanna, lesa upp fyrir áheyrendur og árita. Kassabílarnir og fleiri útileikföng verða á staðnum fyrir börnin og svo auðvitað hin sívinsæla sýning í Landakotshúsinu „Komdu að leika!“ Landnámshænurnar vappa líka frjálsar um safnsvæðið. Ókeypis aðgangur fyrir fullorðna í fylgd með börnum.

Laugardaginn þann 6. júní kl 13:00 til 16:00 munu Árbæjarsafn og Björk Bjarnadóttir, þjóðfræðingur bjóða upp á fræðslu og verklega kennslu í flestu því sem kemur að því að búa til rabarbaragarð, hugsa um garðinn, taka upp rabarbara sem og útbúa rabarbarasultu. Einnig munu þátttakendur fræðast um ræktunarsögu rabarbarans, lækningarmátt hans og sögur tengdar honum. Athugið að skráning er nauðsynleg. Við biðjum þátttakendur vinsamlegast um að skrá sig hér: https://outlook.office.com/book/vidburdir_borgarsogusafn@reykjavik.is/?ismsaljsauthenabled Námskeiðið kostar 3.100 kr. Greitt er á staðnum.

Dagana 15., 16., 18. og 19. júní kl. 9-12 fer fram fjögurra daga sumarnámskeið á Árbæjarsafni fyrir krakka á aldrinum 9-12 ára. Námskeiðið kostar 12.000 kr. Skráning er nauðsynleg og fer fram hér: https://outlook.office.com/book/vidburdir_borgarsogusafn@reykjavik.is/?ismsaljsauthenabled

Þjóðhátíðardeginum 17. júní verður fagnað með fjölbreyttri og skemmtilegri dagskrá þar sem þjóðbúningar, þjóðdansar, fjallkonan, fornbílar, harmonikkuleikur, veitingasala og gömlu góðu sleikjóarnir koma við sögu. Ókeypis aðgangur fyrir þá sem mæta í þjóðbúningi, öryrkja, börn og menningarkortshafa.

Á Kvenréttindadaginn, þann 19. júní, býður Árbæjarsafn konum og kvár ókeypis aðgang að safninu í tilefni dagsins.