Árbæj­arsafn

Leiðsögumaður fer með gesti í öll helstu hús Árbæjarsafns og segir frá sögu þeirra. Leiðsögnin fer að mestu fram á ensku og tekur rúma klukkastund.

Hvaða dýr eru í sveitinni? Verið velkomin í föndursmiðju með húsdýraþema á Árbæjarsafni í vetrarfríinu, 19. febrúar kl. 13-15. Frítt fyrir fullorðna í fylgd með börnum allt vetrarfríið. --- Það er skráning í smiðjuna og það er miðað við 20 börn ásamt fylgdarliði. Vinsamlegast sendið póst á hopar.borgarsogusafn@reykjavik.is til að skrá ykkur --- Í smiðjunni er endurnýting í lykilhlutverki þar sem aðalföndurefnið föndrað verður með eggjabakka ásamt öðru efni. Smiðjan fer fram í húsi sem nefnist Lækjargata og er á torgi safnsins. Á safnsvæðinu er einnig að finna húsið Líkn, sem er fjölnota fræðsluhús. Á efri hæð eru tvær teikni/föndursmiðjur og spilaherbergi, einnig er rólegt rými til að slaka á og glugga í bækur. Á neðri hæðinni er að finna QR kóða fyrir ýmsa skemmtilega leiki á svæðinu.

Húsverndarstofa býður til fræðslufundar í Lækjargötuhúsi á Árbæjarsafni, fimmtudaginn 26. Febrúar kl. 17-19, um lífið í gömlu húsi. Að þessu sinni mun Bjarni Agnar Agnarsson, eigandi hússins að Tjarnargötu 22 í Reykjavík, deila reynslu sinni af lífinu í húsi sínu, verndun og viðhaldi þess, en húsinu er vel við haldið og það er enn mjög upprunalegt. Frítt inn og öll velkomin! --- Skráning fer fram hér: https://www.idan.is/vidburdir/1364/tjarnargata-22-fraedslufundur-husverndarstofu/ --- Húsið við Tjarnargötu 22 er eitt hinna glæsilegu timburhúsa í bárujárns-sveitserstíl sem standa við Tjörnina í Reykjavík. Húsið, sem var reist árið 1906 eftir uppdráttum Rögnvaldar Ólafssonar arkitekts, stendur enn í sinni upprunalegu mynd þökk sé góðu og reglulegu viðhaldi. Húsið var reist fyrir Klemens Jónsson landritara, æðsta embættismann Stjórnarráðsins sem síðar varð bæði þingmaður og ráðherra. Húsið er enn í fjölskyldunni en núverandi eigandi þess er barnabarn Klemens, Bjarni Agnar Agnarsson. Á fundinum mun Bjarni Agnar fræða viðstadda um húsið sjálft, áhugaverða sögu þess auk þess að veita innsýn í lífið með gömlu friðlýstu húsi. Boðið verður upp á kaffi og te. Fundinum verður streymt fyrir þau sem ekki komast á staðinn. Húsverndarstofa er fyrir húseigendur, iðnaðarmenn, arkitekta, námsmenn og allt áhugafólk um byggingarsögu og húsvernd. Að henni standa Iðan fræðslusetur, Minjastofnun Íslands og Borgarsögusafn Reykjavíkur.