Árbæjarsafn er útisafn sem var stofnað árið 1957 en auk Árbæjar eru þar yfir tuttugu hús, sem mynda torg, þorp og sveit. Í Árbæjarsafni er leitast við að gefa hugmynd um byggingalist og lifnaðarhætti í Reykjavík á 19. og 20. öld. Hvert og eitt hús geymir annaðhvort sjálfstæða sögusýningu eða þá að þar er sýnt dæmigert heimili frá ákveðnu tímabili. Á safninu má einnig sjá gamaldags verkstæði ýmiskonar þar sem sjá má dæmigerða aðstöðu, tækni og tól.

Árbær was an established farm well into the 20th century, and the museum opened there in 1957. Árbær is now an open-air museum with more than 20 buildings which form a town square, a village and a farm. Most of the buildings have been relocated from central Reykjavik. The Museum seeks to give an idea of architecture and way of life in Reykjavik in the 19th and 20th centuries. Each house contains either an independent historical exhibition or a typical home from a specific period. The museum also houses old-fashioned workshops of typical facilities, technology and tools.

The guide takes guests to all the main houses of the museum and tells their story.

Guided tour at Árbær Open Air Museum

Leiðsögumaður fer með gesti í öll helstu hús Árbæjarsafns og segir frá sögu þeirra.

Leiðsögn á Árbæjarsafni

Fræðsla

Leiðsögn

Aðgengi er gott í Aðalstræti. Athugið þó að það er fremur lítil lýsing inni í sýningarsal hjá skálarústinni og þar er gólfið ójafnt á köflum. Leiðsöguhundar eru velkomnir í safnið.
Strætisvagnar stoppa við Ráðhúsið (2 mín. gangur) og í Lækjargötu (5 mín. gangur).

Accessibility for people with disabilities is good. However, the exhibition is dimly lit, and the floor is uneven in several places. Guide dogs are welcome.

Baktus, the city cat, visits The Settlement Exhibition almost daily. During the winter school break, we invite children to follow Baktus's footsteps through the exhibition and see what he finds most interesting! Admission is free for children and their accompanying adults.

Follow in the footsteps of Baktus the City Cat!

Miðbæjarkötturinn Baktus er fastagestur á Landnámssýningunni og kemur næstum daglega. Í vetrarfríinu bjóðum við börnum upp á að feta í fótspor Baktusar í gegnum sýninguna og skoða það sem honum finnst merkilegast! Frítt inn fyrir börn og fullorðna í þeirra fylgd í tilefni af vetrarfríinu.

Fetaðu í fótspor Baktusar miðbæjarkattarins!

Á grunnsýningu safnsins Fiskur & fólk er hægt að fara í léttar og skemmtilegar þrautir. Þrjú mismunandi erfiðleikastig eru í boði eftir getu og aldri barnanna. Ókeypis inn fyrir börn og fullorðna í þeirra fylgd. Opið alla daga 10:00-17:00.
Grunnsýningin Fiskur & fólk - sjósókn í 150 ár fjallar um sögu fiskveiða á Íslandi, frá því árabátar viku fyrir stórskipaútgerð á síðustu áratugum 19. aldar og allt fram yfir aldamótin 2000. Þessi margslungna saga er sögð frá sjónarhóli stærsta útgerðarbæjar landsins, Reykjavíkur. Umgjörðin á Sjóminjasafninu við Grandagarð er viðeigandi, en safnhúsið hýsti áður blómlega fiskvinnslu.
Aðgengi fyrir hreyfihamlaða er gott á Sjóminjasafninu, sérstaklega við inngang Grandagarðsmegin. Lyfta er á milli hæða.
Strætisvagn, leið 14, stoppar nálægt inngangi safnsins, Grandagarðsmegin.

We have family activity boards with fun games that lead you through the museum‘s permanent exhibition, Fish & Folk. Three different levels of difficulty are available depending on the children's ability and age. Entry is free for children and their accompanying adults. The museum is open daily from 10:00 to 17:00.

The main exhibition Fish & folk - 150 years of fisheries, covers the history of fishing in Iceland, from the time when rowing boats gave way to large fishing vessels in the late 19th century, through to the 21st century. This complex story is told from the perspective of the country's largest fishing town, Reykjavík. The setting at the Maritime Museum at Grandagarður is appropriate, as the museum building used to house a thriving fish processing plant.
Accessibility for people with disabilities is good at the museum, especially at the entrance on the Grandagarður side. There is an elevator between the floors.
Bus route 14 stops near the entrance to the museum on the Grandagarður side.

The Reykjavík Maritime Museum welcomes children and their families during the Winter School Break from 22 to 25 February.

Family Game during Winter School Break

Sjóminjasafnið býður börn og fjölskyldur þeirra velkomin í vetrarfríi grunnskólanna í Reykjavík 22.-25. febrúar.

Fjölskylduleikur í vetrarfríinu

Hvernig verða gæludýr framtíðarinnar? Verða til talandi hundar eða jafnvel risaeðlur?
Við notum 100 ára gamlar ljósmyndir sem innblástur og teiknum myndir af börnum og dýrum eftir 100 ár.
Frítt inn börn og fullorðna í þeirra fylgd í tilefni af vetrarfríi grunnskóla Reykjavíkur.
Aðgengi er gott á Ljósmyndasafninu. Hjálparhundar eru velkomnir í safnið.
Strætisvagnar: Næstu stoppistöðvar heita Hafnarhús, Lækjartorg, Ráðhúsið (2-5 mín. gangur).

What kind of pets will people have? Will we have talking dogs or even dinosaurs?
Imagine it’s the future! Draw a picture of what you think animals and kids will do together in 2125. We will use 100-year-old photographs as inspiration and draw pictures of children and animals in 100 years.
Free admission for children and accompanying adults.
Access for people with disabilities is good. Service dogs are welcome at the museum.
Public transport: The nearest bus stops are called Hafnarhús, Lækjartorg, Ráðhúsið (2–5 min. away).
Parking places are available by the museum and in neighbouring parking houses in Vesturgata 7 and Hafnartorg.

Reykjavík Museum of Photography offers a fun drawing workshop for children about the animals in our lives during the winter school break. The museum has countless pictures that show children and animals in the old days, but what will our relationship with animals look like 100 years from now?

Our animals 100 years from now

Borgarsögusafn býður upp á skemmtilega teiknismiðju fyrir börn í vetrarfríinu um dýrin í lífi okkar á Ljósmyndasafni Reykjavíkur. Á safninu eru til ótal myndir sem sýna börn og dýr í gamla daga en hvernig verður samband barna og dýra í framtíðinni?

Dýrin okkar eftir 100 ár

Smiðja

Í Kornhúsinu á Árbæjarsafni er sýningin Vaxtaverkir sem gefur innsýn í veröld grunnskólabarna í Reykjavík á árabilinu 1898-1974. Vaxtaverkir er upplifunarsýning með áherslu á sköpun, fræðslu, ímyndunarafl og leikgleði. Hægt er að fá ratleikinn útprentaðan í móttöku safnsins eða nota QR-kóða sem gefinn er upp á safninu. Leikurinn hefst á torgi safnsins.
Aðgengi: Gangstígar á safnsvæðinu eru flestir malarstígar. Inn í flest húsin er gengið upp eitt þrep eða yfir þröskuld. Hjálparhundar eru velkomnir í safnið.
Strætisvagnar: Næsta stoppistöð heitir Árbæjarsafn (1 mín. gangur). Aðrar nálægar stoppistöðvar heita Laxakvísl og Fagribær (5-6 mín. gangur).
Bílastæði fyrir hreyfihamlaða eru við inngang safnsins.
Öll bílastæði eru ókeypis.
Ljósmynd:

Growing Pains is an experiential exhibition emphasizing creativity, education, imagination, and playfulness. Visitors get an insight into the world of primary school children in Reykjavík between 1898 and 1974. Today, most people living in Iceland take education for granted and even find it hard to imagine that it was not a given. However, it was not so long ago that education was considered a human right.
You can get a printout of the treasure hunt at the museum reception or use the QR code provided at the museum. The game starts in the museum square.
Accessibility: The museum’s footpaths are mainly gravel. Many historic houses have steps and thresholds. Service dogs are welcome.
Public Transport:
Nearest bus stop: Árbæjarsafn (1-minute walk).
Other stops: Laxakvísl and Fagribær (5–6 minutes away).
Free parking, including blue-badge parking spots opposite the entrance, is available.

During the winter school break, we invite children to a fun treasure hunt inside the exhibition Growing Pains. Admission is free for children and adults accompanying them.

Growing Pains - Can you find these old objects in the school exhibition?

Í vetrarfríinu bjóðum við börnum í skemmtilegan ratleik um sýningu sem heitir Vaxtaverkir. Frítt inn fyrir börn og fullorðna í þeirra fylgd.

Vaxtaverkir - Getur þú fundið skóladótið á sýningunni!

Leiðsögnin verður sunnudaginn 23. febrúar, kl. 14:00 á Sjóminjasafninu í Reykjavík. Sigurlín Margrét Sigurðardóttir, táknmálsleiðsögumaður, leiðir gesti um sýningu safnsins Fiskur & fólk - sjósókn í 150 ár. Sýningin er bæði fræðandi og skemmtileg fyrir alla aldurshópa. 

Leiðsögnin er ókeypis og öll þau sem tala táknmál eru boðin hjartanlega velkomin. 

Aðgengi: Safnið er á tveimur hæðum og aðgengi er gott, sérstaklega við inngang Grandagarðsmegin. Lyfta er á milli hæða. Hjálparhundar eru velkomnir. Nánari upplýsingar: https://borgarsogusafn.is/adgengi  

Strætisvagnar: Næsta stoppistöð heitir Grandagarður (1 mín. gangur).

The tour will take place on Sunday, February 23, at 14:00 at the Reykjavík Maritime Museum. 

The guided tour is free of charge, and all those who speak Icelandic sign language are warmly welcome.

On the occasion of the Harvest and Cultural Festival for People with Disabilities and Disability Studies, the Reykjavík City Museum will host a guided tour in Icelandic Sign Language.

Guided tour in Icelandic Sign Language

Í tilefni Uppskeru- og menningarhátíðar fatlaðs fólks og fötlunarfræða býður Borgarsögusafn upp á leiðsögn á táknmáli.

Leiðsögn á táknmáli á Sjóminjasafninu

Ljósmyndasafn

Telma Har│Glansmyndir

Björgunarafrek við Látrabjarg, 1948. Ljósmynd: Óskar Gíslason (1901-1990)

Sjóminjasafn

Björgunarafrekið við Látrabjarg - Kvikmyndasýning

FÍSL – Félag íslenskra samtímaljósmyndara 2025 

Veðrun │ samsýning á verkum félaga í FÍSL – Félags íslenskra samtímaljósmyndara

Tími hjá fjórða bekk í Austurbæjarskóla. Nemendur vinna í skólastofunni. Sennilega náttúrufræði. Stúlka að skrifa um fiðrildi, mars 1970. Ljósmynd: Þjóðviljinn

Árbæjarsafn

Vaxtaverkir

Fornar rætur Árbæjar

Fiskur & fólk - sjósókn í 150 ár

Viðey

Friðarsúlan

Áfangar│Richard Serra

Af sýningunni Neyzlan- Reykjavík á 20. öld.

Neyzlan – Reykjavík á 20. öld

Börn að leik í kassabílum á Árbæjarsafni.

Kerruöldin

Aðalstræti

### Árbæjarsafn 

Árbæjarsafn

Kistuhyl, 110 Reykjavík

Sími: 411 6304

Netfang: arbaejarsafn@reykjavik.is


Árbæjarsafn er útisafn á stóru safnsvæði. Þar eru yfir 20 hús opin gestum á opnunartíma safnsins. Húsin eru margbreytileg, í sumum þeirra eru lítil rými og þröngir stigar en í öðrum eru stærri salir.

Auðvelt er að þekkja starfsfólk safnsins sem klæðist búningum frá fyrri tímum. Í miðasölunni er alltaf starfsmaður sem getur aðstoðað og gefið upplýsingar.

Tímalengd heimsóknar: 1 – 2 klukkustundir.


Inngangur safnsins séð frá bílastæði.

#### Bílastæði

Bílastæði eru við inngang safnsins. Hægt er að stöðva bíl við miðasöluhúsið til að hleypa farþegum út og inn.
5 bílastæði fyrir hreyfihamlaða eru 50 metra frá inngangi safnsins og er gönguleið frá þeim að miðasölu hituð með snjóbræðslukerfi.


#### Strætó

Strætisvagnar númer 12 og 24 stoppa á Höfðabakka, rétt við safnið. Leið 16 stoppar við Streng (5 mínútna gangur) og leið 5 við Rofabæ (6 mínútna gangur).


#### Inngangur

Gengið er inn í safnið gegnum miðasöluna. Þar er safnverslun og starfsfólk sem getur gefið upplýsingar um safnið. Hurðir á miðasölu opnast sjálfkrafa og stigið er yfir þröskuld.
Gengið er út úr miðasölu á opið grassvæði eða torg. Við torgið standa nokkur hús og þaðan liggja gangstígar innar á safnsvæðið.


#### Hjólastólar

Tveir strandhjólastólar eru til láns á safninu. Stólarnir eru með breiðum dekkjum sem renna yfir sand, möl, gras og ójafnt undirlag. Strandhjólastólarnir eru fyrir fólk með hreyfiskerðingu og aðra sem eiga erfitt með að komast gangandi um útisvæði safnsins. Það þarf fullorðinn einstakling til að ýta stólnum áfram.




#### Göngustígar

Göngustígar á safnsvæðinu eru flestir sléttir malarstígar en sums staðar eru hellulagðar stéttir. Í votviðri myndast pollar á gangstígum og í frosti geta þeir verið hálir þó að þeir séu sandaðir reglulega. Hægt er að fá lánaða mannbrodda í afgreiðslu. 
Safnsvæðið liggur að hluta á jafnsléttu en lækkar í átt að Elliðaám svo göngustígar liggja víða í aflíðandi brekkum.


#### Sæti

Það eru bekkir á ýmsum stöðum utandyra. Einnig er hægt að setjast inni í mörgum húsum, til dæmis í Landakoti, Lækjargötu 4, miðasölu, kirkju og Líkn.


#### Salerni

Það eru salerni í nokkrum húsum:

- Landakoti
- Lækjargötu 4
- Kornhúsi
- Dillonshúsi, þegar það er opið.


Í Landakoti eru salerni með aðgengi fyrir fatlaða og skiptiborði fyrir ungabörn.


#### Barnakerrur

Gestum er velkomið að koma með sínar eigin kerrur og vagna á safnið. Safnið býður ekki upp á leigu á barnakerrum.


#### Dýr

Á safninu búa hænur sem ganga lausar um safnsvæðið allan ársins hring. Yfir sumarmánuðina eru einnig önnur húsdýr innan girðinga á svæðinu, til dæmis kindur og hestar. Hundar eru ekki leyfðir á safnsvæðinu. 

Leiðsöguhundar eru velkomnir.


#### Nestisaðstaða

Nestisaðstaða með borðum og áföstum bekkjum er á 2 stöðum á útisvæði safnsins:

Við torgið.

Vestan megin á safnsvæðinu (þar er einnig kolagrill).




#### Veitingar

Kaffihús er vanalega starfrækt í Dillonshúsi á sumrin en er lokað sumarið 2024.  Sunnan megin við húsið er pallur með garðhúsgögnum. Húsið skiptist í þrjár misstórar stofur og þar er einnig salerni.


#### Áreiti

Hljóðáreiti í Landakoti getur verið nokkuð vegna bergmáls þegar margir gestir eru inni. Í sumum húsum eru sýningar með hljóði og myndböndum. Í Lækjargötu 4, á efri hæð, er til dæmis sýning með tónlist og litlum skjáum með myndböndum.
Það eru margir kyrrlátir staðir inni og úti á safninu og áreiti á safninu á almennum opnunartíma er lítið.
Safnið auglýsir reglulega sérstaka opnunartíma fyrir einhverfa og fólk með skynúrvinnsluvanda. Þá er áreiti á sýningum stillt með þarfir hópsins í huga, eins og ljós og hljóð.








#### Lýsing

Það eru nokkrir ljósastaurar á safnsvæðinu en lýsing getur verið takmörkuð yfir myrkasta tíma ársins.


### Hús safnsins

Inn í flest húsin er gengið upp eitt þrep eða yfir þröskuld. Hér er lýsing á þremur húsum.


#### Landakot

Aðgengi að Landakoti er gott. Hiti er í stéttum og rampur liggur að lyftu fyrir hjólastóla. Lyftan er læst en það þarf aðstoð starfsfólks til að nota hana. Á 1. hæð hússins er salerni fyrir fólk í hjólastólum, nestisaðstaða og sýning. Dyraop í húsinu eru víð og passa fyrir hjólastóla.
Það er stigi upp á sýningu á efri hæð og einnig niður í kjallara þar sem stundum er opið fyrir gesti að skoða sýningu. Kjallarinn er aðgengilegur fyrir hjólastóla að utan með aðstoð starfsfólks sem getur opnað þann inngang sérstaklega.


#### Lækjargata 4

Gengið er inn í húsið upp eitt þrep og yfir þröskuld. Færanlegur trérampur er inni í húsinu sem er hægt að leggja á stéttina fyrir framan húsið. Á 1. hæð eru tvö rými með setuaðstöðu auk salernis fyrir gesti þegar rýmin eru ekki í útleigu. Breiður stigi með handriði er upp á sýningu á 2. hæð. Inni á sýningunni eru stólar fyrir gesti.


#### Kornhús

Gengið er inn í Kornhús yfir háan þröskuld. Færanlegur rampur er við húsið fyrir létta hjólastóla. Rampurinn er þungur og það þarf aðstoð starfsfólks við að koma honum fyrir.
Salerni er í húsinu, en ekki fyrir hreyfihamlaða. Á 1. hæð eru tímabundnar sýningar með breytilegum sýningartíma. Stigi liggur upp á efri hæð í húsinu. Efri hæðin er notuð fyrir útleigu og fundahald og er því oft lokuð gestum nema þegar um viðburði er að ræða.


**Leiðsögn**

Á safninu er reglubundin ferðamannaleiðsögn á ensku en á einstökum sýningum er auglýst leiðsögn. Borgarsögusafn auglýsir reglulega leiðsögn fyrir hópa með mismunandi þarfir. Dæmi má nefna: leiðsögn á táknmáli og sjónlýsing fyrir blinda og sjónskerta. 


**Bóka sjónlýsingu**

Það er hægt að bóka sjónlýsingu með því að senda póst á hopar.borgarsogusafn@reykjavik.is. Sjónlýsingar eru í boði á virkum dögum og eru ókeypis fyrir öryrkja og aðstoðarfólk. Leiðsögnin tekur um klukkustund og þátttakendur fá að snerta á völdum gripum á sýningu safnsins.


Hjálparhundar eru velkomnir á safnið.


### Aðalstræti

Aðalstræti 10 & 16

101 Reykjavík

Sími: 411 6370

Netfang: adalstraeti@reykjavik.is


Í Aðalstræti er sýning sem fjallar um sögu Reykjavíkur og hvernig hún þróaðist frá landnámi til dagsins í dag. Hægt er að fara inn um tvo mismunandi innganga, Aðalstræti 16 og Aðalstræti 10.

Eldri hlutinn (áður Landnámssýningin) tengist nýrri hlutanum neðanjarðar með björtum gangi þannig að hægt er að ganga yfir í nýrri hlutann.

Eldri hluti sýningarinnar er neðanjarðar og er inngangurinn á horni Aðalstrætis 16 og Túngötu. Þar er sýningarsalur, fræðsluherbergi fyrir skólahópa, salernisgangur, móttökusvæði með fjölskylduhorni og barnaleiksvæði ásamt safnbúð.

Í Aðalstræti 10 er safnbúð, miðasala, nokkur lítil sýningarrými, stigi, lyfta og salerni. Gengið er þar inn frá Bröttugötu.



Sýningin er oftast rólegur staður til að heimsækja. Það heyrast ýmis hljóð, eins og söngur, dýrahljóð, vinnuhljóð frá tölvuskjám og margmiðlun inni í sýningarrýmunum. Hún er á þremur hæðum og tvær lyftur ganga á milli hæða.

Aðgengi fyrir hreyfihamlaða er gott. Það er hægt að stöðva bíl við báða innganga til að hleypa farþegum út og inn. Inni á sýningunum er hægt að tylla sér á bekk á nokkrum stöðum. Þó er fremur lítil lýsing á eldri hluta sýningarinnar í Aðalstræti 16 og gólfið þar er ójafnt á köflum.

Tímalengd heimsóknar: 60 mín.


**Bílastæði**

Almenn bílastæði eru við Túngötu, stutt frá innganginum. Það er einnig hægt að leggja í bílakjallaranum í Ráðhúsinu (2 mínútna ganga) og í bílastæðahúsinu í Mjóstræti (4–5 mínútna ganga). Borga þarf fyrir stæði á öllum þessum stöðum.
Það eru stæði fyrir rútur fyrir framan Ráðhúsið. Stæði fyrir leigubíla eru beint fyrir framan inngang Aðalstræti 16. Ef stæðið er laust er hægt að hleypa fólki þar út og finna svo stæði fyrir bílinn.
Það eru tvö bílastæði fyrir hreyfihamlaða við Ráðhúsið, eitt við Kirkjutorg (2 mínútna ganga) og eitt við Austurstræti (2 mínútna ganga). Það eru fleiri blá stæði í bílakjallaranum í Ráðhúsinu og í bílastæðahúsinu í Mjóstræti.

**Strætó**

Strætó stoppar við Ráðhúsið (2 mínútna gangur) og í Lækjargötu (5 mínútna gangur).


**Inngangur á horni Aðalstrætis 16 og Túngötu.**

Gengið er inn frá Aðalstræti. Tvær tröppur liggja frá Túngötu niður á lítið útisvæði eða torg framan við innganginn. Frá Aðalstræti er aðgengi inn í safnið auðvelt og engar tröppur. Hægt er að ýta á hnapp til að útidyr opnist sjálfkrafa og það er enginn þröskuldur. Lyftan er beint af augum við innganginn.


**Inngangur á horni Aðalstrætis 10**

Gengið er inn frá Bröttugötu í bakhús Aðalstrætis 10. Hægt er að ýta á hnapp til að útidyr opnist sjálfkrafa og engir þröskuldar eru á leiðinni. Móttaka og safnbúð eru við innganginn. Úr móttökunni er hægt að ganga inn í elsta hús Kvosarinnar, Aðalstræti 10, eða fara inn í sýningarrými inn fyrir safnbúðina. Inn af safnbúð er lyfta og stigi.


**Hjólastólar**

Það er ágætis aðgengi hjólastóla í húsinu og á sýningunni sjálfri. Gólfið inni á eldri hluta sýningarinnar er þó ójafnt. Á nokkrum stöðum liggur leiðin yfir steinabreiður á gólfinu sem eru brúaðar með sléttu gólfefni. Brýrnar liggja í sömu hæð og gólfið og eru nógu breiðar fyrir hjólastóla.


**Sæti**

Það eru bekkir við afgreiðsluna, háir stólar við tölvuborð, stólar í fjölskylduhorni og einnig bekkir inni á sýningunni sjálfri.


**Salerni**

Það eru 2 salerni vinstra megin við móttökuna í Aðalstræti 16. Á sama gangi eru skápar og snagar. Eitt salernið er sérstaklega hannað með hjólastóla í huga.
Það eru líka 3 salerni nálægt tengigangi á milli eldri og nýrri hluta sýningarinnar. Eitt þeirra er hannað fyrir hreyfihamlaða og fólk í hjólastólum.


**Barnakerrur**

Tvær barnakerrur eru til láns við báðar móttökur. Það má að sjálfsögðu líka koma með eigin barnakerru.


**Nestisaðstaða og veitingar**

Það er hvorki nestisaðstaða né veitingasala á safninu.


**Áreiti**

Það er nokkuð áreiti á sýningunni. Á sýningunni eru margir tölvuskjáir og það eru spiluð hljóð, til dæmis í fuglum, kindum og hamarshöggum. Einnig er lykt hluti af sýningunni, til dæmis sjávarilmur, ávaxta- eða sælgætislykt og tjörulykt. Við sérstakar aðstæður er hægt að fara inn í fræðslurýmið til að fá næði (ef það er laust).


Tengigangur er yfir í Aðalstræti 10. Við enda hans er komið inn í stærra rými þar sem hægt er að setjast niður og horfa á ljósmyndir sem er varpað á vegg. Þar eru einnig salerni. Þaðan liggur leiðin upp á næstu hæð (1. hæð). Bæði er hægt að ganga upp stiga eða fara í lyftu.

Þegar komið er upp á 1. hæð taka við tvö sýningarrými. Í öðru þeirra er líkan af húsum við Aðalstræti. Frá líkaninu heyrast hljóð (söngur, dýrahljóð og vinnuhljóð). Einnig er hægt að nota kíki til að horfa á líkanið. Þar sést fólk birtast á milli húsanna og heyrist tala með hjálp tækni í kíkinum. Í þessu rými eru einnig tveir skjáir og frá þeim heyrist til dæmis harmónikkuspil. Það er hægt að slökkva á hljóðinu á meðan skoðað er á skjáina.

Frá þessu rými er bæði hægt að ganga fram í safnbúð í Aðalstræti 10 eða fara upp á efstu hæð eða ris hússins. Í risinu er hægt að setjast niður og skoða ljósmyndir sem birtast á stórum skjám og skoða líkan af Reykjavíkurflugvelli. Fremur lítil lýsing er á þessum tveimur hæðum.

Frá safnbúðinni er hægt að ganga út í Bröttugötu eða fara inn í elsta hús Kvosarinnar, Aðalstræti 10. Þar eru 3 frekar lítil en vel lýst sýningarrými. Það má finna ávaxta- og sælgætislykt og tjörulykt í tveimur þessara rýma.

Borgarsögusafn auglýsir reglulega sérstaka opnunartíma fyrir einhverfa og fólk með skynúrvinnsluvanda. Þá er áreiti á sýningum stillt með þarfir hópsins í huga, eins og ljós og hljóð. Hópar og félagasamtök einhverfra geta óskað eftir séropnun fyrir hópinn með því að senda tölvupóst á hopar.borgarsogusafn@reykjavik.is 


**Lýsing**

Það er ekki mikil lýsing inni á eldri hlutanum í Aðalstræti 16.


**Leiðsögn**

Á safninu er reglubundin ferðamannaleiðsögn á ensku yfir sumartímann. Borgarsögusafn auglýsir reglulega leiðsögn fyrir hópa með mismunandi þarfir. Dæmi má nefna: leiðsögn á táknmáli og sjónlýsing fyrir blinda og sjónskerta. 


**Bóka sjónlýsingu**

Það er hægt að bóka sjónlýsingu með því að senda póst á hopar.borgarsogusafn@reykjavik.is. Sjónlýsingar eru í boði á virkum dögum og eru ókeypis fyrir öryrkja og aðstoðarfólk. Leiðsögnin tekur um klukkustund og þátttakendur fá að snerta á völdum gripum á sýningu safnsins.


Hjálparhundar eru velkomnir á safnið.




### Ljósmyndasafn

Ljósmyndasafn Reykjavíkur

Grófarhúsi, Tryggvagötu 15, 6. hæð

101 Reykjavík

Sími: 411 6390

Netfang: ljosmyndasafn@reykjavik.is


Ljósmyndasafn Reykjavíkur er á efstu hæð í Grófarhúsi (sama húsi og Borgarbókasafnið). Sýningarrýmin eru tvö, Skotið í anddyri safnsins og aðalsalur safnsins.
Safnið er oftast rólegur staður til að heimsækja. Stundum eru myndbandsverk með hljóði á sýningum safnsins. Inn af afgreiðslu er lítið rými með bókum og setuaðstöðu.
Aðgengi fyrir hreyfihamlaða er gott. Hægt er að stöðva bíl við inngang safnsins til að hleypa farþegum út og inn.

Tímalengd heimsóknar: 20 – 45 mín.


**Bílastæði**

Almenn bílastæði eru á bak við húsið og í bílakjöllurum á Vesturgötu 7 og við Hafnartorg. Það þarf að borga fyrir stæði á öllum þessum stöðum.
Tvö bílastæði fyrir hreyfihamlaða eru norðan við Hafnarhús (hafnar megin).


**Strætó**

Stoppistöðvar eru á Lækjargötu og Mýrargötu (5 – 10 mínútna gangur).


**Inngangur**

Gengið er inn í safnið í gegnum sameiginlegan inngang með Borgarbókasafni á jarðhæð. Þegar inn er komið er gengið inn um dyr á hægri hönd, en þar er lyfta. Það er líka hægt að ganga upp stiga upp á 6. hæð.
Engir þröskuldar eru á leiðinni og útihurð opnast sjálfkrafa. 

Afgreiðsla og safnverslun eru staðsett við inngang inn á sýningar safnsins á 6. hæð. Þar má skoða gott úrval mynda úr safneigninni á þremur snertiskjáum. Sæti eru við skjáina.


**Hjólastólar**

Einn hjólastóll er til láns í húsinu, staðsettur á jarðhæð.


**Sæti**

Það eru stólar í afgreiðslu á 6. hæð og inni í sýningarrými.


**Salerni**

Það er salerni á 6. hæð en það er ekki sérhannað fyrir hreyfihamlaða. Salerni fyrir hreyfihamlaða er í bókasafninu á 1. hæð í sama húsi.


**Barnakerrur**

Barnakerrur eru ekki í boði á Ljósmyndasafninu en gestum er velkomið að koma með sína eigin barnakerru á sýningar safnsins.


**Nestisaðstaða og veitingar**

Það er hvorki nestisaðstaða né veitingasala á safninu.



Lyfta á 1. hæð fer upp á 6. hæð þar sem Ljósmyndasafnið er staðsett

**Áreiti**

Safnið er oftast rólegur staður til að heimsækja en stundum eru myndbandsverk með hljóði á sýningum safnsins. Inn af afgreiðslu er lítið rými með bókum og setuaðstöðu þar sem oft er rólegt.

Safnið auglýsir reglulega sérstaka opnunartíma fyrir einhverfa og fólk með skynúrvinnsluvanda. Þá er áreiti á sýningum stillt með þarfir hópsins í huga, eins og ljós og hljóð.


**Leiðsögn** 

Það er ekki reglubundin leiðsögn á safninu en á einstökum sýningum er auglýst leiðsögn. Borgarsögusafn auglýsir reglulega leiðsögn fyrir hópa með mismunandi þarfir. Dæmi má nefna: leiðsögn á táknmáli og sjónlýsing fyrir blinda og sjónskerta. 


**Bóka sjónlýsingu**

Það er hægt að bóka sjónlýsingu með því að senda póst á hopar.borgarsogusafn@reykjavik.is. Sjónlýsingar eru í boði á virkum dögum og eru ókeypis fyrir öryrkja og aðstoðarfólk. Leiðsögnin tekur um klukkustund og þátttakendur fá að snerta á völdum gripum á sýningu safnsins.


Hjálparhundar eru velkomnir á safnið.


### Sjóminjasafn

Sjóminjasafnið í Reykjavík

Grandagarði 8, 101 Reykjavík

Sími: 411 6300

Netfang: sjominjasafnid@reykjavik.is


Sjóminjasafnið er staðsett við Grandagarð 8, á móti gömlu verbúðunum þar sem nú eru ýmsar verslanir og þjónusta. Aðalinngangur safnsins er við Grandagarð en það er líka hægt að ganga inn sjávarmegin, frá bryggjunni sem snýr að slippnum. Miðasala og safnverslun eru í rýminu við innganginn.
Á grunnsýningunni, _Fiskur og fólk – sjósókn í 150 ár_, er áreiti nokkurt. Þar eru meðal annars björt ljós og myndbönd með hljóðum á stórum flötum.
Safnið er á tveimur hæðum en aðgengi fyrir hreyfihamlaða er gott, sérstaklega við inngang Grandagarðsmegin. Lyfta er á milli hæða.   
Í varðskipinu Óðni eru brattir stigar, háir þröskuldar og þröngir gangar. Þar er því ekki aðgengi fyrir hjólastóla né þá sem eiga erfitt með gang. Fólki með innilokunarkennd er ekki ráðlagt að fara um borð í skipið. 

Tímalengd heimsóknar: 1 – 1,5 klukkustund.


Inngangur Sjóminjasafnsins við Grandagarð

**Bílastæði**

Það eru bílastæði báðum megin við húsið: við Grandagarð og Rastargötu. Bílastæðin við Grandagarð eru við inngang safnsins, en bílastæði við Rastargötu eru í um 150 metra göngu að safninu. Bílastæði ætlað rútum er staðsett Grandagarðsmegin.
Það er 1 bílastæði fyrir hreyfihamlaða hægra megin við inngang safnsins (Grandagarðsmegin). 


**Strætó**

Leið 14 stoppar nálægt inngangi safnsins, Grandagarðsmegin.


**Inngangur**

Hægt er að fara inn á safnið á tveimur stöðum. Annars vegar Grandagarðsmegin og hins vegar bryggjumegin (Slippsmegin). Grandagarðsmegin er rennihurð sem opnast sjálfkrafa, enginn þröskuldur. Bryggjumegin er hægt að ýta á hnapp til að útidyr opnist sjálfkrafa. Þar er þröskuldur hallandi. 
Afgreiðsla og safnverslun safnsins er staðsett við inngangana tvo á 1. hæð. Þar er líka fatahengi og skápar sem hægt er að læsa. 
Það er lyfta upp á 2. hæð, vinstra megin við stigann upp. Hjólastólalyfta er af 1. hæð niður á sérsýningu safnsins. Hún er vinstra megin við tröppur niður á sýninguna.


**Varðskipið Óðinn**

Í skipinu eru brattir stigar, þröngir gangar og háir þröskuldar. Þar er því ekki aðgengi fyrir hjólastóla né þá sem eiga erfitt með gang. Fólki með innilokunarkennd er ekki ráðlagt að fara um borð. 


**Hjólastólar**

Það er einn hjólastóll í boði á safninu. Hann er staðsettur í fatahengi á 1. hæð. Gott aðgengi er fyrir hjólastóla á öllu safninu.


**Salerni**
Það eru 3 salerni á 2. hæð, við upphaf aðalsýningarinnar, þar af eitt fyrir hreyfihamlaða.


**Nestisaðstaða og veitingar**

Það er hvorki nestisaðstaða né veitingasala á safninu. Á bryggjunni við safnið eru bekkir sem er tilvalið að nýta sér þegar veður er gott.



Afgreiðsla og safnbúð safnsins er staðsett við inngangana tvo á 1. hæð.

**Barnakerrur**

Barnakerrur eru ekki í boði á Sjóminjasafninu en gestum er velkomið að koma með sína eigin barnakerru á sýningar safnsins.  



**Sæti**

Við upphaf aðalsýningar er svokallaður Íslandsbekkur sem hægt er að setjast á. Auk þess eru bekkir upp við veggi á tveimur stöðum innar á aðalsýningunni.  



**Áreiti**

Áreiti er nokkuð, sérstaklega á aðalsýningu safnsins. Þar má nefna:

- sterk lýsing
- stórir veggir með myndböndum
- hljóð frá margmiðlunarefni
- lykt af saltfiski og skreið


Safnið auglýsir reglulega sérstaka opnunartíma fyrir einhverfa og fólk með skynúrvinnsluvanda. Þá er áreiti á sýningum stillt með þarfir hópsins í huga, eins og ljós og hljóð.



**Leiðsögn**

Það er ekki reglubundin leiðsögn á safninu en á einstökum sýningum er auglýst leiðsögn. Borgarsögusafn auglýsir reglulega leiðsögn fyrir hópa með mismunandi þarfir. Dæmi má nefna: leiðsögn á táknmáli og sjónlýsing fyrir blinda og sjónskerta. 


**Bóka sjónlýsingu**

Það er hægt að bóka sjónlýsingu með því að senda póst á hopar.borgarsogusafn@reykjavik.is. Sjónlýsingar eru í boði á virkum dögum og eru ókeypis fyrir öryrkja og aðstoðarfólk. Leiðsögnin tekur um klukkustund og þátttakendur fá að snerta á völdum gripum á sýningu safnsins.


Hjálparhundar eru velkomnir á safnið.



### Viðey

Viðey

104 Reykjavík

Sími 411 6360

Netfang: videy@reykjavik.is


Til að komast í Viðey er tekin ferja sem siglir frá Skarfabakka í Sundahöfn. Á sumrin er líka siglt frá Ægisgarði. Gengið er í ferjuna um landgang sem er misbrattur eftir sjávarföllum. Fyrir vikið er aðgengi fyrir hreyfihamlaða með miklum takmörkunum.
Viðey er friðlýst svæði og þar eru sögufrægar byggingar, útivistarsvæði, fjörur og útilistaverk. Heimsókn í eyna felur í sér töluverða útiveru. Gott er að hafa í huga að hvassara getur verið í eyjunni en á landi.




Séð frá Skarfabakka þar sem ferjan leggur frá að Viðey.

**Bílastæði**

Nokkur bílastæði eru við afgreiðslu ferjunnar á Skarfabakka. Góð aðkoma er að bryggjunni og eru bílastæði og gangstéttir í sömu hæð. 

**Strætó **
Á virkum dögum stoppar leið 16 við Skarfagarð. Um helgar er hægt að taka leiðir 12 eða 14 og ganga í um 15 – 20 mínútur að Skarfabakka.



**Ferjan**

Miðasala er á þremur stöðum: við Skarfabakka, Gömlu höfnina við Ægisgarð og í Hörpu. Einnig er hægt að kaupa miða á vefsíðu Eldingar. Hægt er að fá upplýsingar um tímasetningar og annað á vefnum eða hjá starfsfólki Eldingar.

Við Skarfabakka er stigið yfir þröskuld inn í miðasöluhús.



Listar mynda „þrep“ á landganginum svo betra sé að fóta sig og á honum eru handrið til að styðjast við.

Til að fara um borð þarf að fara um landgang niður á flotbryggju sem ferjan liggur við. Flotbryggjan hækkar og lækkar eftir sjávarstöðu. Þess vegna er landgangurinn misbrattur eftir flóði og fjöru (hallinn er mestur 21 gráða). Listar mynda „þrep“ á landganginum svo betra sé að fóta sig og á honum eru handrið til að styðjast við.

Af flotbryggjunni er farið upp 4 þrep á timburpall og stigið niður í ferjuna. Það fer eftir því hvaða ferja er í notkun hvort stigið er niður á tröppur í ferjunni eða niður á sætisbekk og þaðan niður á gólf bátsins. Hægt er að fá aðstoð hjá ferjumönnum við að komast um borð.

Þegar komið er í Viðey er gengið úr ferjunni á pall með nokkrum þrepum niður á flotbryggju. Svo er farið upp landgang sem er bæði mjórri og brattari en sá sem er við Skarfabakka. Listar sem mynda „þrep“ á landganginum liggja handriða á milli og ekkert skarð er í listum fyrir hjólastóla. Af landganginum er komið á breiða timburbryggju. Þaðan liggur leiðin upp nokkuð bratta brekku, annað hvort eftir hellulögðum vegi eða göngupalli með stigum, að Viðeyjarstofu og kirkju.

Það eru rampar inn í Viðeyjarstofu (norðurhlið) og Viðeyjarnaust en engar lyftur eru í húsum Viðeyjar.



**Staðhættir í Viðey**

Það er hægt að fá ókeypis kort af Viðey í ferjunni og í afgreiðslu ferjunnar.
Fyrir aftan Viðeyjarstofu liggur göngustígur í tvær áttir. Til vesturs er þéttur og sléttur malarstígur að Viðeyjarnausti og Friðarsúlunni og til austurs er grófari malarstígur í átt að gamla skólahúsinu.

Viðey skiptist í tvo hluta (Heimaey og Vesturey) sem tengjast saman um Eiðið. Strandlengja Viðeyjar er að mestu girt hömrum en það er hægt að finna aðgengilegar fjörur, til dæmis á Eiðinu og við Viðeyjarnaust. Á austurhluta Heimaeyjar eru rústir þorps sem var einu sinni í eyjunni og tvær eftirstandandi byggingar: skólahús og vatnstankur. Í Vesturey er útilistaverkið Áfangar. Gönguslóðar liggja víða um eyjuna í gegnum graslendi, engi og móa. 


**Öryggi**

Í Viðey eru brattir klettar og þangi vaxnar fjörur með hálum steinum þar sem gæta þarf fyllsta öryggis.



**Hjólastólar**

Tveir strandhjólastólar eru til láns í Viðey. Stólarnir eru með breiðum dekkjum sem renna yfir sand, möl, gras og ójafnt undirlag. Strandhjólastólarnir eru fyrir fólk með hreyfiskerðingu og aðra sem eiga erfitt með að komast gangandi um Viðey. Það þarf fullorðinn einstakling til að ýta stólnum áfram. Stólarnir eru staðsettir hjá salernum við hesthús, fyrir aftan Viðeyjarstofu.


**Sæti**

Víða um eyjuna má finna bekki sem hægt er að tylla sér á.


**Salerni**

Það eru salerni á 3 stöðum á eyjunni:

- Við hesthús, þar er salerni fyrir hreyfihamlaða. 
- Viðeyjarnaust, ar er salerni fyrir hreyfihamlaða. 
- Skólahúsið.



**Nestisaðstaða og veitingar**

Það er nestisaðstaða á 3 stöðum í Viðey. Á öllum stöðum eru salerni.

Hesthúsið fyrir aftan Viðeyjarstofu. Þar er kolagrill sem gestum er frjálst að nota og leiksvæði skammt frá.
Viðeyjarnaust er með aðstöðu fyrir gesti ásamt kolagrilli. Rampur er inn í Naustið og við það er pallur með útsýni yfir nærliggjandi fjöru og sjóinn.
Skólahúsið er á austurhluta Viðeyjar. Þar er hægt að setjast inn og borða nesti.

Til að nýta grillaðstöðu í Viðey þarf að hafa með allt sem þarf til grillsins, það er allan mat og meðlæti, kol, olíu, eldfæri, grilltangir, ruslapoka, diska, glös og þess háttar.

Á sumrin er kaffihús og veitingastaður í Viðeyjarstofu. Inngangur er á suðurhlið hússins, þar er gengið upp þrjú þrep og yfir þröskuld.
Húsið er á 2 hæðum auk kjallara. Efri hæðin rúmar yfir 100 manns í sæti og á neðri hæðinni eru minni rými fyrir 10 – 25 manns. Salerni er í kjallara. Breiðir stigar með handriðum liggja á milli hæða. Engin lyfta er í húsinu.


Það eru salerni á 3 stöðum á eyjunni

**Áreiti**

Áreiti getur verið nokkuð í ferjunni þegar siglt er yfir í Viðey. Það fer þó eftir því hversu margir eru í ferjunni hverju sinni. Þegar komið er yfir í eyjuna tekur náttúran við og þar er auðvelt að finna sér rólega staði.

Í Viðeyjarstofu getur verið margt fólk og áreiti því nokkuð. Það sama gildir um helstu áningarstaði á eyjunni (eins og Skólahúsið, Friðarsúlan, Viðeyjarnaust) en allt fer eftir því hversu margir eru staddir í Viðey hverju sinni. 

Skoða félagsfærnisögu um heimsókn

**Leiðsögn**

Það er ekki reglubundin leiðsögn á safninu en á einstökum sýningum er auglýst leiðsögn.
Borgarsögusafn auglýsir reglulega leiðsögn fyrir hópa með mismunandi þarfir. Dæmi má nefna:

- Döff leiðsögn á táknmáli.
- Leiðsögn fyrir blinda og sjónskerta.
- Leiðsöguhundar eru velkomnir í ferjuna og Viðey.


Aðgengi

-Frítt inn fyrir öryrkja og aðstoðarfólk.

-Frítt fyrir forráðamenn langveikra og fatlaðra barna gegn framvísun umönnunarkorts.
