Borg­ar­sögu­safn
Sagan okkar

Í tilefni af heimsókn konunglega rannsóknarskipsins Sir David Attenborough á Menningarnótt, verður opin litasmiðja þann 22. ágúst kl. 10:00-20:00. Aðgangur er ókeypis og öll eru velkomin.

Í tilefni af Menningarnótt, þann 22. ágúst kl. 10:00-20:00, standa Breska heimskautarannsóknastofnunin (British Antarctic Survey), Breska sendiráðið og Sjóminjasafnið í Reykjavík saman að móttöku konunglega rannsóknarskipsins RRS Sir David Attenborough til Íslands. Skipið kemur við í Reykjavík á leið sinni heim úr rannsóknarleiðangri þar sem bráðnun jökla á Grænlandi var skoðuð. Komið við á safninu og skoðið sérstaka pop-up sýningu þar sem hægt verður að fræðast um skipið, hitta áhöfnina og vísindamennina um borð og heyra hvers vegna rannsóknir á Grænlandi skipta okkur öll máli. Aðgangur er ókeypis og öll eru velkomin.

Í tilefni af Menningarnótt verður ókeypis inn í Aðalstræti 10 og 16 kl. 10-21 þann 22. ágúst.

Í tilefni af Menningarnótt verður víkingaþorpssmiðja fyrir börn og fjölskyldur á Landnámssýningunni Aðalstræti 16, 22. ágúst kl. 10-15. Aðgangur er ókeypis og öll eru velkomin.

Í tilefni af Menningarnótt verður ókeypis inn á Sjóminjasafnið í Reykjavík kl. 10-20 þann 22. ágúst.

Það verður menningarlegt að vanda á Borgarsögusafni á Menningarnótt þar sem fólk á öllum aldri getur fengið að kynnast og njóta þeirrar sögu sem samfélag okkar byggir á. Fjölbreyttir viðburðir fara fram á Landnámssýningunni Aðalstræti 10 og 16, á Ljósmyndasafni Reykjavíkur og á Sjóminjasafninu í Reykjavík. Aðgangur er ókeypis og öll eru velkomin.