Það ber vel í veiði því gestir eiga kost á að eignast blómvönd beint úr beði í tilefni dagsins. Blómdís og jóndís blómahönnuðir (Bryndís Eir Þorsteinsdóttir og Valgerður Jóndís Guðjónsdóttir) kenna gestum hönnun og samsetningu blómvanda úr sumarblómum sem hafa verið ræktuð á Árbæjarsafni í sumar. Gestum býðst að koma við á safninu hvenær sem er á milli kl. 13-16 þennan dag og spreyta sig á blómvandagerð. Viðburðurinn er samstarfsverkefni Grasagarðs Reykjavíkur og Borgarsögusafns.

Þá munu félagar úr Heimilisiðnarfélaginu sýna lifandi handverk eins og baldýringu, orkeringu, spuna, og fleira í hinum ýmsu safnhúsum. Einkum verður sjónum beint að blómstursaumi en það er útsaumsaðferð sem notuð er til að skreyta pils, svuntu og samfellu faldbúninga. Blómstursaumur er saumaður eftir ýmsum munstrum sem dregin eru eða þrykkt á efnið.

Sigurður Guðmundsson málari (1833-1874) hannaði blómamunstur fyrir kyrtla og skautbúninga en hann leigði einmitt herbergi í safnhúsinu Hansenhús á sínum tíma. Það er því viðeigandi að félagar úr Heimilisiðnarfélaginu sýni gestum hvernig sóleyjar spretta fram undan saumnálinni einmitt í því húsi. Hver veit nema Sigurður líti yfir öxlina á þeim! 

Dagskráin stendur frá klukkan 13-16 en safnið er opið 10 -17.
Ókeypis aðgangur fyrir börn, öryrkja og menningarkortshafa.
Öll velkomin!

Flower designers Blómdís and jóndís teach visitors the design and composition of flower arrangements from summer flowers that have been grown at Árbær Open Air Museum this summer. The event is a collaboration between the Reykjavík Botanical Garden and Árbær Open Air Museum. 

Members of the Icelandic Handicraft Association will also introduce to guests various kinds of folk art and handcrafts, especially an embroidery technique were different kind of flower patterns is the main focus.

The official programme is between 13:00 and 16:00 but the museum is open from 10:00 to 17:00.
Everyone is welcome!

On August 18th flowers will be the main focus of the day at Árbær Open Air Museum, as both flower designers and members of the Icelandic Handicraft Association visit the museum.

In full bloom

18. ágúst, á afmælisdegi Reykjavíkurborgar, verður mikið um dýrðir á Árbæjarsafni er bæði blómahönnuðir og félagar í Heimilisiðnarfélagi Íslands sækja safnið heim.