Hárgreiðslukeppni, 1973. Ljósmynd:  Bjarnleifur Bjarnleifsson (1915-1987)

Ljósmyndasafn

Ljósmyndasafn Reykjavíkur leitaði fanga í eigin myndasöfnum og dregur hér fram í dagsljósið hátt á annað hundrað blaðaljósmyndir frá árunum 1965-1975.
Það er langt í frá að allar þær myndir sem eru á sýningunni hafi komið  fyrir sjónir almennings. Þær sem birtust lesendum voru oft smáar á síðum blaðanna, klipptar og skornar, illa prentaðar og sem hluti af frásögn. Hlutverk blaðaljósmynda er oftast nær bundið við atburðinn. Vinnubrögð blaðaljósmyndara einkennast af hraða og snörum handtökum og blaðaljósmyndum er í raun ætlaður skammur líftími; þær eru vinnugögn og lítt metnar. Að sama skapi hefur varðveislan ekki alltaf verið þeim hliðholl.

Getur blaðaljósmynd staðið ein og sér, óháð frásögninni – á hún sér sjálfstæðan tilverurétt og eigið líf ?



Hér er ljósmyndin tekin úr sínu upprunalega hlutverki sem lyftistöng frásagnar, stækkuð og sett upp á vegg. Þannig gjörbreytist gildi hennar og hún öðlast annað vægi en henni var ætlað í upphafi; ljósmyndin fær að njóta sín til fullnustu. Skynjun og túlkun fólks er ekki stýrt inn á ákveðnar brautir, heldur fær það tækifæri til að upplifa myndina út frá hennar eigin forsendum. 

Með því að standa frjáls og óháð – án titils – öðlast góð blaðaljósmynd líf fyrir utan atburðinn og sjálfstæðan tilverurétt.

'65 - '75│Íslenskar blaðaljósmyndir

Blaðaljósmyndir eru einn stærsti flokkur myndefnis á Ljósmyndasafni Reykjavíkur og varðveitir safnið filmusöfn frá ljósmyndurum sem starfað hafa sem blaðaljósmyndarar auk filmusafna frá einstökum fjölmiðlum.

'65 - '75│­Ís­lenskar blaða­ljós­myndir

Blaðaljósmyndir eru einn stærsti flokkur myndefnis á Ljósmyndasafni Reykjavíkur og varðveitir safnið filmusöfn frá ljósmyndurum sem starfað hafa sem blaðaljósmyndarar auk filmusafna frá einstökum fjölmiðlum.

'65 - '75│Íslenskar blaðaljósmyndir