Ljósmyndasafn

"Í augans tímaleysi leggjast fætur fram á við,
og sækja í hið ósýnilega, hið dulda nærri framtíð.
Það óvissa er öruggt og því er engin hætta á ferð,
þegar fingrafarið fest er á filmu.

Hreyfingin er kyrrð,
litir fjara út,
og eftir standa upplýstir skuggarnir."


Við ljósmyndun, leggur Arnór Kári áherslu á að vera staðsettur í núinu. Hann leitar eftir augnablikinu þar sem hann sjálfur rennur saman við myndefnið. Með öðrum orðum, vill hann komast í það hugarástand að hætta að hugsa um leitina að „hinni fullkomnu ljósmynd“ og smellir þar af leiðandi frekar af, þegar tilfinningin kallar.

Þegar rýnt er í ljósmyndir Arnórs Kára, er eins og þær dragi áhorfandann til sín, og jafnvel mætti segja að hann upplifi sig á tilteknum stað. Áferð og myndefni gefa tilfinningu tímaleysis og blandast náttúrulegir og mannlegir þættir eðlilega saman.

Arnór Kári (f.1987) lauk námi við myndlistadeild Listaháskóla Íslands vorið 2012. Frá þeim tíma hefur hann flakkað víða um hnetti listarinnar. Ásamt því að ljósmynda annað hvert skref vegferðar sinnar, hefur hann breytt ásýnd miðbæjarins með litríkum veggmyndum í formi götulistar, tekið þátt í listasýningum, myndlistar- og tónlistarhátíðum víða um landið. Þar má nefna Listahátíð í Reykjavík, Secret Solstice og LungA. Arnór Kári hefur undanfarið ár mest megins dvalið í heimi tónlistarinnar undir nafninu Andartak, en árið 2015 gaf hann út sína fyrstu plötu hjá Möller Records sem ber titilinn Mindscapes. Um þessar mundir vinnur hann að ævintýralegri 100 metra langri veggmynd á Landspítalanum. Myndefnið mun einnig birtast í barnabók.

Arnór Kári │ Augans Tímaleysi

Sýning Arnórs Kára "Augans Tímaleysi er sýnd í Skotinu.

Arnór Kári │ Augans Tíma­leysi

Sýning Arnórs Kára "Augans Tímaleysi er sýnd í Skotinu.

Arnór Kári │ Augans Tímaleysi