Ljósmyndasafn

Auður Ómarsdóttir tekur ljósmyndir sínar af eðlislægum áhuga á mannlegu atferli. Hún lýsir eigin verkum sem persónulegum en einnig hlutlægum athugunum á aðstæðum. Í stöðugri skimun sér hún heiminn fyrir sér sem uppfullan af vísbendingum um uppákomur sem þegar hafa átt sér stað eða eiga eftir að gerast.



Vísbendingarnar virka sem samhengislaus brot af ósýnilegri heild, eins og stilla úr kvikmynd eða setning úr handriti. Í sýningunni "Aðstæður# tengir listamaðurinn saman sjálfsævisöguleg verk sín við ljósmyndir sem hún safnar úr fundnum filmum. Filmurnar finnast áteknar og óframkallaðar í notuðum myndavélum; gefnar, gleymdar eða týndar af fyrri eigendum. Með samruna mynda úr fundnu filmunum við hennar eigin víkkar frásögnin og virkar sem tenging milli hins nána og þess hlutlæga. Ljósmyndirnar eru nafnlausar og mynda því óskilgreinda samsetningu sem afhjúpar mannsævina sem samfellda sviðsmynd óútskýranlegra atvika. Í skilningi Auðar endurspegla verkin jafnt líf annarra og hennar eigið – sem hún upplifir reglulega sem líf einhvers annars.

Auður Ómarsdóttir │Aðstæður

Sýning Auðar Ómarsdóttur "Aðstæður" er sýnd í sýningarrýminu Skotinu.

Auður Ómars­dóttir │Aðstæður

Sýning Auðar Ómarsdóttur "Aðstæður" er sýnd í sýningarrýminu Skotinu.

Auður Ómarsdóttir │Aðstæður