Ljósmyndasafn

Verkefni þetta sem Sander vann að ævilangt, inniheldur yfir sexhundruð portrettmyndir sem var ætlað að endurspegla á hlutlausan og raunsæjan hátt þýsku þjóðina, stéttir manna og stöður innan þess, á tuttugustu öldinni. 
En portrettmyndir Sanders frá árunum 1911-1943 eru ekki einungis mikið heimildarverðmæti um Þýskaland á tímum mikilla hræringa í þjóðfélaginu, heldur ekki hvað síst veigamikið innlegg í ljósmyndasöguna og að sama skapi listasöguna. Sander var einn fremsti fulltrúi Nýju ljósmyndunarinnar eða Nýju hlutlægnisstefnunnar eins og hún var kölluð innan málaralistinni og markaði þar tímamót á þriðja tug 20. aldar. Ekki hvað síst lagði Sander grunninn að því að ljósmyndun yrði metin sem listgrein því hann náði með verkum sínum að afmá skilin milli heimildar og listar. Hin „nýja ljósmyndun” í anda Sanders fól í sér eins og hann segir sjálfur frá, „að sjá hlutina í sínu réttu ljósi, ekki eins þeir ættu vera eða gætu verið “,  því ekkert var honum meira á móti skapi en „sykursæt ljósmyndun með tilgerð, uppstillingum og brellum.”

Hin „nýja ljósmyndun” í anda Sanders fól í sér eins og hann segir sjálfur frá, „að sjá hlutina í sínu réttu ljósi, ekki eins þeir ættu vera eða gætu verið “.

August Sander er enn þann dag í dag fyrirmynd fjölmargra samtímalistamanna. Kerfisbundin, nákvæm og hlutlaus nálgun hans á viðfangsefninu eru orðin sjálfsögð aðalsmerki í heimildarljósmyndun og sú formgerðaflokkun sem endurspeglast í portrettmyndum hans ruddi brautina fyrir raunsærri nálgun á viðfangsefninu innan fjölbreytilegra listforma samtímans. Áhrif Sanders ná einnig til íslenskrar ljósmyndasögu, fyrr og nú.  Má sjá þau í verkum íslenskra samtímaljósmyndara en einnig í verkum ljósmyndarans Sigríðar Zoëga (1889-1968) en hún lærði og vann hjá meistaranum á árunum 1911 til 1914 og aðstoðaði Sander við portrettmyndagerð á þessum árum. 

August Sander│Portrett

Á sýningunni gefur að líta 76 portrettmynda Augusts Sander frá árunum 1911-1943 sem allar tilheyrðu stórhuga brautryðjendaverkefni hans "Maður tuttugustu aldarinnar".

August Sand­er│Portrett

Á sýningunni gefur að líta 76 portrettmynda Augusts Sander frá árunum 1911-1943 sem allar tilheyrðu stórhuga brautryðjendaverkefni hans "Maður tuttugustu aldarinnar".

August Sander│Portrett