Ljósmyndasafn

Afrakstur þeirrar vinnu er nú kynntur í Ljósmyndasafni Reykjavíkur með sýningunni Kona. Í þessari myndaseríu leitast Berglind við að draga upp mynd af hinni íslensku nútímakonu. Hver er hún? Hvaðan kemur hún? Hverjir eru draumar hennar og langanir? 

Konurnar á sýningunni, sem Berglind hefur valið, eru af ýmsum toga, allt frá bónda, leikkonu til fyrrum forseta og er aldursbilið breitt eða frá 18 að 88 ára aldri. Konurnar eru myndaðar heima hjá sér eða á stað sem tengist þeim á einhvern hátt. Myndatakan er því einskonar samtal á milli ljósmyndarans og konunnar þar sem ekkert er fyrirfram ákveðið annað en staðsetningin.Þrátt fyrir að mismunandi bakgrunn  kvennanna fann Berglind fljótt út að þær áttu einn sameiginlegan þráð – tenginguna við íslenska náttúru. Þó að hluti þeirra sé búsettur erlendis er Ísland eftir sem áður mikilvæg uppspretta sköpunar þeirra og hefur mótað sjálfmynd þeirra mjög sterkt. 

Berglind Björnsdóttir er með B.A. gráðu í ljósmyndun frá Arizona State University- School of Art og M.A. gráðu í Hagnýtri menningarmiðlun frá Háskóla Íslands. Einnig nam Berglind við Kvikmyndaskóla Íslands veturinn 2004-2005. Berglind hefur haldið einkasýningar og tekið þátt í fjölda samsýninga  bæði hér og erlendis. 

Berglind Björnsdóttir│Kona

Berglind Björnsdóttir ljósmyndari hlaut styrk úr Minningarsjóði Magnúsar Ólafssonar sumarið 2010 til að gera ljósmyndabók um íslenskar konur.

Berg­lind Björns­dótt­ir│­Kona

Berglind Björnsdóttir ljósmyndari hlaut styrk úr Minningarsjóði Magnúsar Ólafssonar sumarið 2010 til að gera ljósmyndabók um íslenskar konur.

Berglind Björnsdóttir│Kona