Heilluð af tengslum milli fólks, híbýlum þess og eigum, vinnur bandaríski ljósmyndarinn Beth Yarnelle Edwards, sem búsett er í San Fransisco, með fyrirsætum sínum við að endurskapa aðstæður úr þeirra daglega lífi. 

Nýverið dvaldi Edwards einn sumarmánuð á Íslandi og var Íslands serían afrakstur þeirrar dvalar. 
 „Þó að hið hreina dramatíska landslag hafi vakið áhuga minn og hin stöðuga birta, hafði ég sérstakan áhuga á fólkinu sem ég hitti og kom það mér oft á óvart. Best lesna fólk í heiminum trúir stundum á álfa, tröll og annað huldufólk. Nær allir tala fullkomna ensku. Flestir virðast eiga sér áhugamál frá fyrri tímum – sauma, handavinnu, niðursuðu, útskurð, fiskveiðar, skotveiði, - þó virtist flest af því eldra fólki sem ég hitti vera tölvufærara en jafnaldrar þeirra í Bandaríkjunum. Enginn reyndi að hafa áhrif á mig. Engum leiddist. Hvaða fólk er þetta sem býr samtímis í fortíðinni og framtíðinni? Ég hef myndað á heimilum í meira en tíu ár en þetta er í fyrsta sinn sem ég hef treyst eingöngu á náttúrulega lýsingu. Stöðug dagsbirtan var einstök en mér þótti mikilvægar að allt á myndunum yrði eins ósvikið og viðfangsefni mín. 


Ætlun ljósmyndarans í verkum sínum er ekki að dæma heldur að fylgjast með. Markmiðið er að ljósmyndirnar séu eins sannar og mögulegt er. Þó að myndirnar séu sviðsettar liggja að baki þeim upplýsingar fengnar úr viðtölum við fyrirsæturnar og eru þær ávallt með þeirra vitneskju eða samþykki. Hún stillir fólki ekki upp heldur er um að ræða einskonar spuna þar og bíður svo eftir ósvikinni tjáningu, stellingu eða gagnvirkni.

Beth Yarnelle Edwards er margverðlaunaður ljósmyndari og eru verk hennar að finna í mörgum alþjóðlegum söfnum. 


Beth Yarnelle Edwards│Íslands sería

Beth Yarnelle Edwards│Ís­lands sería

"Íslands sería" er yfirskrift sýningar í Skoti Ljósmyndasafns Reykjavíkur með verkum Beth Yarnelle Edwards.

Beth Yarnelle Edwards│Íslands sería