Björgunarafrek við Látrabjarg, 1948. Ljósmynd: Óskar Gíslason (1901-1990)

Sjóminjasafn

Kvikmyndin Björgunarafrekið við Látrabjarg eftir Óskar Gíslason rekur hetjudáðir meðlima í Björgunarfélaginu Bræðrabandinu sem björguðu 12 af 15 skipbrotsmönnum af breska togaranum Dhoon sem strandað hafði undir Geldingarskorardal við Látrabjarg þann 12. desember 1947. Afrek björgunarfólksins vakti mikla athygli innanlands sem utan og voru meðlimir Bræðrabandsins heiðraðir sérstaklega af Bretum fyrir stórræði sín. Fljótlega var ákveðið að gera þyrfti kvikmynd um afrekið og var hún unnin af Óskari Gíslasyni og björgunarmönnum sem léku björgunina fyrir myndavélarnar við hættulegar aðstæður í Látrabjargi og fjörunni undir hömrunum. 

Sú merkilega tilviljun átti sér stað við tökurnar að annað skip strandaði í nágrenninu og þurftu björgunarmenn því að stökkva til í útkall. Óskar fylgdi þeim eftir og náði einstökum myndum af björgunarmönnum við störf sín í aftakaveðri í stórgrýttri fjörunni. Óskari Gíslasyni tókst að samtvinna sviðsettu myndirnar af björgunarmönnunum og hinni raunverulegu björgun og búa til eina áhrifaríkustu heimildarmynd kvikmyndasögunnar sem kom svo út árið 1949. 

Viðburðurinn er unninn í góðu samstarfi við Kvikmyndasafn Íslands, sem varðveitir kvikmyndina. 

Björgunarafrekið við Látrabjarg - Kvikmyndasýning

Á Safnanótt 7. febrúar s.l. hóf Sjóminjasafnið sýningar á kvikmyndinni "Björgunarafrekið við Látrabjarg" eftir Óskar Gíslason sem kom út árið 1949. Sýningar munu standa fram til 8. apríl n.k.

Björg­un­ar­a­frekið við Látra­bjarg - Kvik­mynda­sýning

Á Safnanótt 7. febrúar s.l. hóf Sjóminjasafnið sýningar á kvikmyndinni "Björgunarafrekið við Látrabjarg" eftir Óskar Gíslason sem kom út árið 1949. Sýningar munu standa fram til 8. apríl n.k.

Björgunarafrekið við Látrabjarg - Kvikmyndasýning