Claire Xuan│Frumefnin fimm– Ferðadagbækur  

Ljósmyndasafn

Ljósmyndirnar eru unnar með litógrafíu og á pappír úr náttúrulegum efnum. Á milli myndanna er þunnur pappír (papyrus) með áþrykktum sérkennum og leturtáknum mismunandi þjóða. Ferðadagbækurnar eru eftirsóttar af söfnurum þar eð þekkja má hvert verk fyrir sig vegna þess að hvert þeirra er einstakt að því er varðar prenttækni og framsetningu. Ætingarnar í dagbókunum, svo og framsetningin sjálf, eru dæmi um hvernig nútímatækni í útgáfumálum og hefðir og arfleifð prentiðnarinnar mætast.

Þær handunnu pappírstegundir sem valdar voru eru búnar til með hefðbundnum aðferðum og þær eru fyrst og fremst notaðar við leturgröft. Sérstök áhersla er lögð á þurrkunina milli einstakra lita og blaðsíðurnar eru að öllu leyti handbundnar og notaður er pappír í fágætum gæðaflokki sem er unninn úr tetrefjum, þara, pergamenti eða úr pappír framleiddum af handverksmönnum í heimalandi viðkomandi bókverks.

Claire sækir innblásturinn að hugmyndinni um ferðadagbækurnar til meginfrumefnanna fimm í Asíu 

Claire sækir innblásturinn að hugmyndinni um ferðadagbækurnar til meginfrumefnanna fimm í Asíu og spanna þær starfsferil Claire Xuan síðastliðin sex ár í fimm mismunandi löndum: Víetnam, París (Frakklandi), Marokkó, Madagaskar og á Íslandi. Á ferðum sínum vítt og breitt um heiminn leitar Claire að birtingarmyndum þessara fimm náttúrulegu frumefna alheimsins: trés, elds, jarðar, málma og vatns og festir þau á filmu.  

Myndavalið á sýningunni byggðist fyrst og fremst á hugtökunum binomial (tvíliðu) og diptych (tveir hlutar lagðir saman sem mynda eina heild). Séð út frá þessu sjónarhorni varpa myndirnar ljósi á óvænt, sameiginleg einkenni sem skoða má í sama frumefni í mismunandi ástandi og á mismunandi stöðum í heiminum.

Claire Xuan│Frum­efnin fimm– Ferða­dag­bækur

Sýningin er byggð á ferðadagbókum frönsk-víetnömsku listakonunnar Claire Xuan og er safn ljósmynda sem eru geymdar í handgerðri öskju.

Claire Xuan│Frumefnin fimm– Ferðadagbækur