Dagbókarbrot Christians Schierbeck 1901 – 1902

Ljósmyndasafn

Hann lauk fyrri hluta læknaprófs frá Kaupmannahafnarháskóla árið 1894 en seinni hlutanum í Læknaskólanum í Reykjavík árið 1900. Hann  var læknir í Reykjavík frá 1901-1902 og bjó á Laufásvegi ásamt eiginkonu sinni Berthe Sofie Hostrup–Schultz, en þau giftust hér í Reykjavík árið 1900. Bertha sem líka var dönsk fæddist í Kaupmannahöfn árið 1868 og var af efnuðu fólki komin.

Christian Schierbeck tók talsvert af myndum meðfram starfi sínu og hélt einskonar dagbók þar sem hann skrifaði við hverja mynd ýmsar upplýsingar og persónulegar athugasemdir. Í sumum tilfellum virðist nokkuð augljóst að textinn sé skrifaður til tengdamóður hans, og má leiða líkum af því að hann hafi markvisst myndað til að sýna henni hvernig þau lifðu og hvernig umhorfs væri í Reykjavík. 

Í mörgum athugasemda má sjá skoðanir hans á mönnum og málefnum. Schierbeck virðist ekki hafa legið á skoðunum sínum og skrifaði til að mynda grein í danska blaðið Illustreret Tidende árið 1900, og olli sú grein hneykslun og sárindum hér heima því halla þótti verulega á hlut Reykjavíkur. Á þessum tíma var Reykjavík ekki fullburða borg og heldur sveitarleg í augum margra útlendinga.

Með dagbók sinni tekst Schierbeck jafnframt mjög vel að fanga augnablik í lífi bæjarbúa sem hann myndar við leik og störf. Börn á Skólavörðustíg með Skólavörðuna í baksýn, stúlku á leið úr bakaríinu, slökkviliðsæfinu á túninu ofan við Iðnaðarmannahúsið, hesta við verslun Ziemsen ræðismanns ofl. 

Schierbeck fór héðan til Noregs árið 1902, en lést í Ástralíu árið 1917.


Dagbók­ar­brot Christians Schier­beck 1901 – 1902

Christian Schierbeck (1872 – 1917) fæddist á Helsingjaeyri í Danmörku.

Dagbókarbrot Christians Schierbeck 1901 – 1902