Af sýningunni "Diskó & Pönk" í Kornhúsinu árið 2006

Árbæjarsafn

Mikilvægt er fyrir minjasöfn að bjóða upp á efni sem kalla má samtímasögu. Þannig gefst tækifæri til að fjalla um þætti úr sögunni sem standa fólki nærri í tíma og tengjast lífi kynslóða sem enn eru í fullu fjöri.

Í forgrunni er umfjöllun um tvo menningarstrauma - diskó og pönk. Straumarnir eiga margt sameiginlegt, en eru engu að síður á margan hátt afar ólíkir - og því er fróðlegt að bera þá saman. 



Sýningin varpar ljósi á helstu einkenni þessara menningarstrauma, bakgrunn þeirra, uppruna og áhrif. Efnið býður jafnframt upp á það að gestir geti mátað aðra strauma og tískustefnur við þessa sögu. 


Sýningin er samvinnuverkefni Minjasafns Reykjavíkur og Smekkleysu SM ehf.

Frá viðburði út frá sýningunni "Diskó & Pönk" í Kornhúsinu árið 2006

Diskó & Pönk

Diskó & Pönk - ólíkir straumar? Á sýningunni er leitast við að útskýra og gefa tilfinningu fyrir menningu ungs fólks í Reykjavík og nágrenni á árabilinu 1975 til 1985.