Eva Ágústa Aradóttir│Hinsegin – einhverf 

Ljósmyndasafn

Sýningin _Hinsegin - einhverf_ er safn mynda af einstaklingum sem eru hinsegin og staðsetja sig á einhverfurófi, með eða án einhverfugreiningar. 

Eva Ágústa ljósmyndari, sem sjálf er trans og á einhverfurófi, hefur undanfarin ár einbeitt sér að því að segja sögur af fólki út frá sínum hugmyndum um það. 


Frá unga aldri hefur hún fylgst með því hvernig óeinhverfir haga sér í samfélaginu og út frá því hefur hún reynt að breyta hegðun sinni til þess að passa betur inn í samfélagið

Einhverfir verða gjarnan utanveltu vegna skynjunar sinnar á umhverfinu. Í dag notar Eva Ágústa þessa óhefðbundnu skynjun sem styrkleika í myndsköpun sinni. 

Sýningin er tilraun Evu Ágústu til að auka sýnileika þessara tveggja hópa sem eiga til að týnast í samfélaginu og verða ósýnilegir. Eva vann verkefnið þannig að hún kynnti sér viðfangsefnin mjög persónulega og út frá því myndaði hún fólkið í því umhverfi þar sem því líður best. 
Eva Ágústa blandar saman náttúrulegri birtu og aukalýsingu til að skapa þá persónu sem hún sér og sem einstaklingarnir samþykkja. 


Eva Ágústa lærði ljósmyndun í Tækniskólanum í Reykjavík árið 2009 og lauk sveinsprófi haustið 2011. Hún tók sér pásu frá ljósmyndun í nokkur ár en hefur að undanförnu fundið hillu sína aftur og hefur meðal annars fengist við nokkur verkefni sem snúa að því að segja sögur af fólki. 





Eva Ágústa│Hinsegin – einhverf

"Hinsegin – einhverf "er yfirskrift sýningar í Skoti Ljósmyndasafns Reykjavíkur með verkum Evu Ágústu Aradóttur.

Eva Ágúst­a│Hinsegin – einhverf

"Hinsegin – einhverf "er yfirskrift sýningar í Skoti Ljósmyndasafns Reykjavíkur með verkum Evu Ágústu Aradóttur.

Eva Ágústa│Hinsegin – einhverf