Ljósmyndasafn

Í ljósmyndun minni beini ég sjónum mínum að leiðslum í landslagi. Ég hóf að taka myndir af leiðslum í Alaska í Bandaríkjunum þar sem 1280 km leiðslu er að finna. Hún er annað lengsta mannvirki í heimi, gerð í þeim tilgangi að flytja olíu úr heimskautshafi til hins ófrosna Kyrrahafs. Árið 2011 hóf ég að mynda leiðslur á Íslandi. Leiðslurnar á Íslandi flytja heitt vatn frá jarðvarmavirkjun að þéttbýli til upphitunar og því 100% náttúruleg auðlind notuð til að framleiða rafmagn. 

Ástæðan fyrir áhuga mínum á  landslagi með leiðslum í er fyrst og fremst sú að það er óvanalegt að tengja saman innviði borga og list. Við gerð slíkra kerfa er engin sérstök þörf á að hafa fagurfræði að leiðarljósi. En að taka af því mynd í náttúrunni hefur það listræn áhrif á mig, hlaðið eins mikilli fegurð og fagurfræðilegri myndbyggingu og maður getur óskað sér. Í öðru lagi þá gætu myndirnar af leiðslunum fengið fólk til að hugsa um náttúrurauðlindirnar okkar: olíu, gas, jarðhita eða hvað sem er. Við þurfum að velta fyrir okkur hvað er inn í leiðslunum.



Í þriðja lagi þá finnst mér mjög áhugavert hvernig leiðslurnar móta myndbyggingu myndarinnar. 
Maður tekur aðeins mynd af hluta leiðslunnar – aldrei allri. Á myndinni er leiðslan aðeins brot af heild, alltaf á leiðinni eitthvert. Alltaf á milli A og B, hvorki A né B. Á japönsku er til orð sem kallast MA, sem þýðir eilíflega fast á milli. Séð út frá því gætu leiðslurnar verið ímynd orðsins MA fyrir mér.



Gentaro Ishizuka│Leiðslur

"Leiðslur" er yfirskrift sýningar í Skoti Ljósmyndasafns Reykjavíkur með verkum Gentaro Ishizuka.

Gentaro Ishizuka│­Leiðslur

"Leiðslur" er yfirskrift sýningar í Skoti Ljósmyndasafns Reykjavíkur með verkum Gentaro Ishizuka.

Gentaro Ishizuka│Leiðslur