Tara í hafinu við Dublin - Giita Hammond

Ljósmyndasafn

Sjórinn virkar í senn kaldur, djúpur og fráhrindandi en verður fljótt seiðandi mjúkur, umvefjandi og huggandi. ‘Sjávarsýn’ hefur draumkenndan blæ, er mynduð með sama lágrétta sjónarhorninu og með lítinn hluta myndarinnar í fókus. Það er eins og áhorfandinn sé líka í sjónum með þeim.

Myndirnar eru teknar í 50-100 metra fjarlægð frá landi í kringum Sandycove og Forty Foot í Dublin í öllum veðrum og á mismunandi tíma dags. Tilgangur myndatökunnar var í fyrstu að afla heimilda um þetta skrýtna tímabil en þróaðist yfir í umfangsmeira verkefni og varð mun persónulegra og átakanlegra þegar leið á tímann. Útkoman varð ‘Sjávarsýn  - óður til hafsins og vináttu kvenna‘.

Giita Hammond ljósmyndari í sjósundi við Dublin

Giita Hammond er af íslenskum og írskum ættum. Hún hefur fengist við ljósmyndun og myndlist frá unga aldri. Tvítug flutti hún frá Íslandi til Dublin á Írlandi, nam þar margmiðlun og síðan ljósmyndun í Institute of Art, Design & Technology (IADT) þaðan sem hún lauk B.A. gráðu. List Giitu einkennist af sterkum samtímamyndum, innblásnar af náttúrunni, vatni og náttúrlegu birtu.

Fyrir utan að vera sjálfstætt starfandi ljósmyndari hefur Giita einnig kennt ljósmyndun í um 10 ár. Verkin hennar hafa verið sýnd á samsýningum sem einkasýningum. Má þar nefna tvær einkasýningar í Dublin á síðasta ári: ‘Maureen’ sem er persónulegt verk um írsku ömmu hennar sem glímir við heilabilun og ‘View from the Sea’ sem haldin var í The Darkroom, Dublin á Photo Ireland hátíðinni í júlí 2022 styrkt af The Arts Council of Ireland. Eftir margra ára fjarveru er Giita aftur flutt til Reykjavíkur með fjölskyldunni og er að vinna að persónulegum verkefnum.

Verk hennar má skoða á [heimasíðu hennar](https://giitahammond.com/), [Instagram](https://www.instagram.com/giita_hammond_photography/) og [Facebook](https://www.facebook.com/Giita.Hammond.Photography).

Giita Hammond │Sjávarsýn - óður til hafsins og vináttu kvenna

Verkið "Sjávarsýn - óður til hafsins og vináttu kvenna" er yfirskrift sýningar í Skoti Ljósmyndasafns Reykjavíkur með verkum Giitu Hammond.

Giita Hammond │Sjáv­arsýn - óður til hafsins og vináttu kvenna

Verkið "Sjávarsýn - óður til hafsins og vináttu kvenna" er yfirskrift sýningar í Skoti Ljósmyndasafns Reykjavíkur með verkum Giitu Hammond.

Giita Hammond │Sjávarsýn - óður til hafsins og vináttu kvenna