Ljósmyndasafn

„Vegir liggja til allra átta, á þeim verða skil;… ” Þetta textabrot, úr ljóði Indriða G. Þorsteinssonar, gæti átt við götuljósmyndun. Um er að ræða vítt hugtak sem oft fangar hversdaglega atburði og athafnir í daglegu lífi ókunnugs fólks.

Faðir götuljósmyndunar, Henri Cartier-Bresson, lýsti henni þannig í viðtali: „Það er þetta skapandi brot úr sekúndu þegar þú tekur mynd. Augu þín sjá samsetningu eða tjáningu sem lífið býður upp á og þú verður að vita með innsæi hvenær á að smella af á myndavélinni. Það er augnablikið þegar ljósmyndarinn er skapandi.”


Sýnendur í fimmta þema eru:

- Einar Örn Jónsson
- Ingunn Mjöll Sigurðardóttir
- Einar Valur Einarsson
- Jón Bjarnason
- Stefán Hrafn Jónsson
- Þóroddur Steinn Skaptason



„Það er þetta skapandi brot úr sekúndu þegar þú tekur mynd. Augu þín sjá samsetningu eða tjáningu sem lífið býður upp á og þú verður að vita með innsæi hvenær á að smella af á myndavélinni. Það er augnablikið þegar ljósmyndarinn er skapandi.”

©Þóroddur Steinn Skaptason, „Havana-Kúba", 2022.            

Sýningarnar verða alls sjö með mismunandi þemu. Sýnendur verða fjörutíu og sjö talsins og hver sýning stendur yfir í sex vikur. Félagsmönnum var send skoðanakönnun þar sem þeir gátu tilgreint hvernig þemu þeir vildu sjá á sýningunum og fengu eftirtalin þemu flest atkvæði:

- **Hreyfing**  9. janúar – 22. febrúar
- **Landslag** 27. febrúar – 12. apríl
- **Vetrarmyndir** 17. apríl – 31. maí
- **Abstrakt** 5. júní – 19. júlí
- **Götumyndir** 24. júlí – 13. september
- **Svart-hvítt** 18. september – 1. nóvember
- **Vatn** 6. nóvember – 31. desember

Félagar, sem taka þátt í þessum sýningum eru margir hverjir búnir að vera í félaginu lengi, aðrir eru að taka sín fyrstu skref í sýningarhaldi. Ástríða fyrir ljósmyndun er drifkraftur félagsmanna. Allmargir félagar hafa sótt sér menntun í ljósmyndun hér heima og/eða erlendis.



Fókus er félag áhugaljósmyndara á höfuðborgarsvæðinu sem stofnað var árið 1999. Það er frábær vettvangur fyrir fólk sem vill þróa ljósmyndafærni sína og hæfileika. 

[Hér](https://fokusfelag.is/) er hægt að kynna sér starfsemi félagsins.


Götumyndir I Skotið í Fókus árið 2026

"Götumyndir" nefnist fimmta sýning félaga úr Fókus – Félagi áhugaljósmyndara sem mun taka yfir sýningarrýmið SKOTIÐ í Ljósmyndasafni Reykjavíkur.

Götu­myndir I Skotið í Fókus árið 2026

"Götumyndir" nefnist fimmta sýning félaga úr Fókus – Félagi áhugaljósmyndara sem mun taka yfir sýningarrýmið SKOTIÐ í Ljósmyndasafni Reykjavíkur.

Götumyndir I Skotið í Fókus árið 2026