Guðmundur Ingólfsson Kvosin │1986 & 2011

Ljósmyndasafn

Myndirnar tók Guðmundur fyrst árið 1986 í tilefni af 200 ára afmæli Reykjavíkur sem ýtti undir áhuga hans að skrásetja miðbæinn með markvissum hætti – á slóðum forvera hans og starfsbræðra,  Sigfúsar Eymundssonar og Magnúsar Ólafssonar, sem skrásettu svæðið um hundrað árum fyrr.

Þegar ljósmyndum hans frá þessum tvennu tímum er stillt saman birtast okkur þær breytingar sem orðið hafa miðbænum. Að öllu jöfnu teljum við að umhverfi Kvosarinnar standi í stað sem alls ekki er raunin þegar betur er að gáð. Hús hafa horfið, önnur verið byggð og götur og kennileiti breyst. Myndir Guðmundar Ingólfssonar sýna okkur því mikilvægi þess að skrásetja umhverfið, að frysta tímann áður en hann hverfur okkur inn í gleymskuna.


Á Þýskalands árum Guðmundar mótaðist myndræn sýn hans sem kristallast í því að ná ljósmynd sem „skýrlega framsettri staðreynd“, með hreinum og klárum formum.  

Guðmundur lærði ljósmyndun hjá Otto Steinert við Folkwangschule für Gestaltung í Essen í Þýskalandi. Hann dvaldi þar á árunum 1968–1971 og var aðstoðarmaður Steinerts um tíma,  forvígismanns svokallaðrar „súbjektífrar“ ljósmyndunar sem byggði á „nýrri hlutlægni“ Bauhaus- hreyfingarinnar frá millistríðsárunum og hafði verið bönnuð í valdatíð nasista.  

Á þessum árum mótaðist myndræn sýn hans sem kristallast í því að ná ljósmynd sem „skýrlega framsettri staðreynd“, með hreinum og klárum formum. Eftir að Guðmundur fluttist heim frá Þýskalandi setti hann á fót ljósmyndastofuna Ímynd. Á þeim fjórum áratugum sem síðan eru liðnir hefur hann fengist við hin fjölbreyttustu ljósmyndaverkefni – allt frá því að vinna fyrir auglýsingastofur og ýmsar stofnanir til verkefna í hönnun, myndlist, arkitektúr og leikhúsi.  Skráning á ummerkjum manna hefur verið Guðmundi hugleikin um alllangt skeið, eins og sýningin Kvosin 1986 & 2011 ber vitni um.


Allt frá byrjun ferils síns hefur Guðmundur sýnt ljósmyndir sínar bæði hér á landi og utan landsteinanna, bæði austan hafs og vestan. Má þar nefna The Frozen Image í Walker Arts Centre í Minneapolis árið 1981 og sýningu í Barbican Centre í London árið 1992. Sýning hans Óðöl og Innréttingar var sett upp í Ljósmyndasafni Reykjavíkur fyrir rétt um áratug. Einnig hafa birst við hann viðtöl og greinar um hann í virtum ljósmyndatímaritum. 

Guðmundur Ingólfsson│Kvosin 1986 & 2011

Guðmundur Ingólfsson er einn af máttarstólpunum í íslenskri ljósmyndun. Sýningin "Kvosin 1986 & 2011" er byggð á myndum sem hann tók með 25 ára millibili.

Guðmundur Ingólfs­son│Kvosin 1986 & 2011

Guðmundur Ingólfsson er einn af máttarstólpunum í íslenskri ljósmyndun. Sýningin "Kvosin 1986 & 2011" er byggð á myndum sem hann tók með 25 ára millibili.

Guðmundur Ingólfsson│Kvosin 1986 & 2011