Guðmundur W. Vilhjálmsson│Minningar í myndum

Ljósmyndasafn

Guðmundur W. Vilhjálmsson hefur verið ötull við að taka ljósmyndir í rúm 50 ár og er listsköpun hans í dag jafn frjó og þegar hann var að byrja. Guðmundur var einn af félögum í „Litla ljósmyndaklúbbnum“ og héldu þeir sýningu í Bogasal Þjóðminjasafnsins árið 1961. Sýningin braut blað í sögu ljósmyndunar á Íslandi þar sem myndirnar voru óhlutbundnar og hafði ekki verið hefð fyrir slíkri nálgun við ljósmyndatökur áður á Íslandi. 

Í grein sem birtist í Vikunni um sýninguna segir m.a. “þessi sýning hefur vakið til umhugsunar um það, að ljósmyndir sem þessar gætu gegnt mikilvægu hlutverki í skreytingum innanhúss“ og að myndunum hafi verið „lyft upp í æðra veldi“ með listrænu gildi sínu. Það er því Ljósmyndasafni Reykjavíkur sérstakur heiður að fá að sýna verk Guðmundar sem samanstanda af einstökum litmyndum úr „gömlu Reykjavík“ auk fjölbreyttra ljósmynda þar sem formrænar hugleiðingar hans fá sín notið. 

Guðmundur W. Vilhjálms­son│M­inn­ingar í myndum

"Minningar í myndum"er yfirskrift sýningar í Skoti Ljósmyndasafns Reykjavíkur með verkum Guðmundar W. Vilhjálmssonar

Guðmundur W. Vilhjálmsson│Minningar í myndum