Gunnar Marel Hinriksson│#innkaupakerrur

Ljósmyndasafn

Gunnar Marel Hinriksson hefur undanfarið eitt og hálft ár ljósmyndað á farsíma innkaupakerrur víðsvegar um borgina með appinu Instagram.

Innkaupakerrurnar eru myndaðar þar sem þær eru fundnar yfirgefnar og ekki hreyfðar af ljósmyndaranum. Þær eru hlutgervingur einnota neysluhyggju, skildar eftir þegar hlutverki þeirra er lokið frá sjónarhóli neytandans. Þegar þær hafa verið yfirgefnar er ekki laust við að þær manngerist örlítið þar sem þær standa eða liggja einar og afskiptalausar í borgarlandslaginu, horfandi í tómið.


Gunnar Marel Hinriksson (f. 1983) er sagnfræðingur og skjalavörður. Hann hefur gefið út ljósmyndabókina Selfoss (2011), unnið til verðlauna í ljósmynda-samkeppni mannréttindaskrifstofu Reykjavíkurborgar 2012 og haldið ljósmyndasýningu á Menningarnótt 2013.

Gunnar Marel Hinriks­son│#­inn­kaupa­kerrur

"#innkaupakerrur" er yfirskrift sýningar í Skoti Ljósmyndasafns Reykjavíkur með verkum Gunnars Marels Hinrikssonar.

Gunnar Marel Hinriksson│#innkaupakerrur