Innanstokks í sýningunni: Hábær 1950.

Árbæjarsafn

Í bænum búa ung hjón með tvö stálpuð börn sín og ungabarn. Húsbóndinn er atvinnulaus og kona hans því aðalfyrirvinna heimilisins. Jafnhliða húsmóðurstörfunum tekur hún að sér ýmiss konar hjáverk.

Tekið skal fram að ekki er um raunverulega fjölskyldu að ræða.

[Hábær](https://borgarsogusafn.is/25-habaer) er steinbær sem var reistur nálægt gatnamótum Grettisgötu og Klapparstígs árið 1887 en hefur staðið á Árbæjarsafni frá árinu 1966. Það voru einkum tómthúsmenn og iðnaðarmenn sem byggðu og bjuggu í slíkum bæjum.

Hábær komst í eigu félagsmálayfirvalda í Reykjavík, eða framfærslunefndar um 1937. Eftir seinna stríð var bærinn orðinn mjög niðurníddur og stóð til að rífa hann, en vegna mikils húsnæðisskorts í Reykjavík var búið í honum allt til ársins 1966. Seinustu áratugina bjó fólk á vegum framfærslunefndar í Hábæ. Þrátt fyrir vaxandi velmegun í Reykjavík á fimmta og sjötta áratugnum voru margir sem bjuggu við bág kjör og þurftu að leita á náðir nefndarinnar.

Hábær 1950

Á sýningunni Hábær 1950 er leitast við að varpa ljósi á kjör fátækrar fjölskyldu um 1950.