Ljósmyndasafn

Næturljós er verkefni sem þýski ljósmyndarinn Henning Kreitel vann á meðan hann dvaldi á Íslandi. Verkefnið kallar hann “sjónræna samsetningu”  sem byggist upp af samspili garða og húsa í gamla miðbæ Reykjavíkur og leikur ljósið sem þau umlykur þar stórt hlutverk. Arkitektúrinn í miðbæ Reykjavíkur hentar vel fyrir lagskipta myndbygginguna. Sterk lýsing fyrir utan hvert hús og samspil hennar við náttúrulegt myrkur býr til sérstaka stemningu fyrir hverja og eina byggingu og eykur blæbrigði litanna á myndunum. Án þessa samspils ljóss og byggingar væri ómögulegt að ná stemningu verksins. Henning ákvað því að fanga þessa “sjónrænu samsetningu” einnig til þess að beina sjónum að ljósmengun í borginni.



“Ég ákvað að nálgast mismunandi bakgarða, leita eftir áhugaverðum sjónarhornum þar sem ég gæti fundið lagskipta myndbyggingu með náttúrunni kringum húsið. Til þess að ná fram þeim áhrifum sem ég sóttist eftir prófaði ég mig áfram með lýsingartíma á bilinu 1 til 3 mínútur til þess að myndavélin myndi ná réttu lýsingunni. Þessi tækni gerir það að verkum að svo virðist sem myndirnar hafi verið teknar að degi til. Mig langar til þess að skapa sjónræn áhrif sem blekkja áhorfandann til þess að treysta því fyrsta sem honum datt í hug þegar hann sá myndina, en þegar betur er að gáð kemur í ljós að myndirnar eru teknar að nóttu til. Afraksturinn er “sjónrænt ljóð” undir áhrifum af lýsingu og byggingum þar sem skoðað er á gagnrýninn hátt hvernig við notum ljós sem auðlind og sýnir hvernig það umbreytist á himninum.”

Henning Kreitel vinnur með ljósmyndun og býr í Berlín. Hann dvaldi um hálfs árs skeið hér á landi þar sem hann nam við Listaháskóla Íslands undir leiðsögn Guðmundar Odds Magnússonar. Um þessar mundir vinnur hann lokaverkefni sínu við Listaakademíuna í Stuttgart.

Henning Kreitel│Næturljós

"Næturljós" er yfirskrift sýningar í Skoti Ljósmyndasafns Reykjavíkur með verkum Hennings Kreitel.

Henning Kreitel│­Næt­ur­ljós

"Næturljós" er yfirskrift sýningar í Skoti Ljósmyndasafns Reykjavíkur með verkum Hennings Kreitel.

Henning Kreitel│Næturljós