Verkamenn við vinnu í Malbikunarstöð Reykjavíkur á fimmta áratug síðustu aldar

Ljósmyndasafn

Vignir skildi eftir sig verðmætt filmusafn sem varðveitt er á Ljósmyndasafni Reykjavíkur. Í því eru ríflega 40 þúsund myndir, flestar teknar á árunum 1940-1965. Margar þeirra eru þýðingar-miklar heimildir um mannlíf og uppbyggingu íslensks þjóðfélags á fyrstu áratugum lýðveldisins. Viðfangsefnin eru af ýmsum toga en tengjast oftast fjölskrúðugu atferli manneskjunnar frá vöggu til grafar s.s.; skírn barns, stofnun lýðveldis, verkafólk við vinnu, skautahlaup, hernám á hlutlausu þjóðríki, fegurðarsamkeppni í Tívolí, afmæli, hárkollugerð o.s.frv.

Vignir tók fjölda mynda fyrir Reykjavíkurborg og eru margar þeirra mikilvægar heimildir um starfsemi sveitarfélagsins, sögu þess og þróun. Þá var Vignir einnig mikilvirkur leikhúsljósmyndari og tók myndir fyrir Þjóðleikhúsið, Leikfélag Reykjavíkur og önnur minni leikfélög.

"Margar myndanna eru þýðingarmiklar heimildir um mannlíf og uppbyggingu íslensks þjóðfélags á fyrstu áratugum lýðveldisins." 

Á sýningunni mátti finna um 110 nýjar stækkanir gerðar eftir upprunalegum filmum auk nokkurs af frummyndum, bæði portrett og handlitaðar landslagsmyndir.

Sýningarstjórn og myndaval: Gísli Helgason, Sigríður Kristín Birnudóttir og Kristín Hauksdóttir.


*27. ágúst 1918 fékk Sigurhans ráðherrabréf sem veitti honum leyfi til að taka upp ættarnafnið Vignir. Að ósk afkomenda er ættarnafnið ekki fallbeygt.

Hið þögla en göfuga mál │Sigurhans Vignir

Sýningin Hið þögla en göfuga mál er yfirlitssýning um ljósmyndaferil Sigurhans Vignir* (1894-1975) en hann starfaði sem ljósmyndari frá 1917 til 1965, lengst af í Reykjavík.

Hið þögla en göfuga mál │Sig­ur­hans Vignir

Sýningin Hið þögla en göfuga mál er yfirlitssýning um ljósmyndaferil Sigurhans Vignir* (1894-1975) en hann starfaði sem ljósmyndari frá 1917 til 1965, lengst af í Reykjavík.

Hið þögla en göfuga mál │Sigurhans Vignir